Tito 3:3 - Bible in Tzeltal de Oxchuc y Tenejapa

³ Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Nuevo Testamento Tzeltal de Amatenango

³ Porke te nail toe jich ma pꞌijukotik ekꞌa, y ma jchꞌuunbeytik smantal te Diose. Chꞌayel ayotik, sok ayotik ta mosoinel yuꞌun spisil ta jkaj te tutik kꞌupinbil ta skuenta balmilale. Ma lekuk ayotik, sok la kilbey jba koꞌtantik, y la jpꞌaj jbajtik ta jujutul.

Bible in Tzeltal Bachajón

³ Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Tito 3:3 Referans Kwoze

Colosenses 1:21

Te ja'exe q'uejel ayex ta neelal to, soc contro la awil abaic ta awo'tanic soc te Diose, yu'un c'aemex ta spasel spisil te bila ma lecuque.

Romanos 6:17

Wocol la yalbotic te Diose, manchuc teme ayex ta mosoil yu'un mulil ta neelale, ja'uc me to, ach'uunejiquix soc awo'tanic te bit'il ay te p'ijubtesel te ac'ot ta awentaic snopele.

Colosenses 3:7

Te ja'exe jich nix la apasic ta neelal uuc te c'alal tey cuxulex ae.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

1 Pedro 1:14

Lequil alnich'anuquex me ta xch'uunel te smandale. Ma me ja'uc xach'uunic xan spasel te bila mulanbil sba ta pasel awu'unic ta neelal to te c'alal ma to ana'ojbeyic sba a te Diose.

Proverbios 9:6

Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

2 Corintios 12:20

Melel ya jxi' teme ma jichuc ya xc'o jtaex te bit'il ya sc'an co'tane, soc teme ma jichucon ta atojolic te bit'il ya sc'an awo'tanic uuc te ja'exe. Ya jxi' teme ay jajch'em c'op awu'unic ae, soc bic'tal-o'tanil, ilimba, xatomba, bolc'optaywanej, muquen aiyej, soc toytombail, soc teme bayal jajch'em c'op awu'unique.

San Juan 8:34

Jesús la yalbey: —Jamal ya calbeyex, spisil mach'a ya sleulay smul, ja' ay ta mosoil yu'un te mulile.

San Mateo 21:29

La yal te snich'ane, “Ma jc'an”, xi'. Ja'uc me to, patil la sujt'es yo'tan yu'un te bila la yalbey te state. Jich bajt' ta at'el.

Salmos 36:2

Ja' nax ya sc'an yo'tan te ja'uc ya yich' alel te lec sc'oplal stuquel, te manchuc ya xtaot ta ilayel soc te bitic amen ya spase.

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

Gálatas 6:3

Melel teme ay mach'a scuyojix sba ta muc' teme ma meleluque, jich slo'layej sba stuquel a.

San Lucas 21:8

La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

Apocalipsis 18:2

Tulan awun ta c'op la caiy. Jich la yal: “Jinemix. Jinemix te muc'ul lum Babiloniae. Nainbilix yu'un te pucujetique. Ja' yawiliquix spisil ta jchajp te pucujetic te ilaybile. Xluchtijib c'otix spisil ta jchajp mutetic te ilaybile.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Isaías 44:20

Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.

Abdías 1:3

Ja' la slo'layat te atoybaile. Te ja'at tey nainemat ta japal tontiquil soc nainemat ta toyol witstiquil, jich c'oem ta awo'tan te ma'yuc mach'a ya sjinat ta ac'ope.

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Romanos 6:6

Jna'ojtic stojol te la yich' jijp'anel ta cruz-te' soc Cristo te jpocol jcuxlejaltique, swenta yu'un ya slajinbey yip te jmulawil jbaq'uetaltique, jich ma ba ya yabatinotic xan te mulile.

Romanos 6:12

Jich yu'un ma me xawac'bey permiso te mulil te ya yu'uninbeyex xan abaq'uetalic te stalel ya xlaje. Ma me xawac' te ya sujat xan ta spasel te bila ya sc'an te abaq'uetalique.

Romanos 11:30

Ta neelal to te ja'exe, jc'axintayej-mandalex ta stojol Dios. Yan ta ora to, la xc'uxtayexix Dios ta scaj te la xc'axintaybeyic smandal Dios te jlumale.

2 Timoteo 3:6

Melel ja'ic te ya x'ochic ta naetique, yu'un ya slo'layic antsetic te ma'yuc yip yo'tanique. C'ax bolobenic yu'un mulil, soc nitbil yo'tanic ta spasel spisil te bila ya sc'an te sbaq'uetalique.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

Tito 2:12

Ayotic ta p'ijubtesel yu'un te bit'il ya sc'an ya xjil cu'untic spisil te bila amene soc spisil te bila mulanbil sba ta pasel ta balumilale. Soc ya sc'an te ma xjelawotique, ya sc'an toj ya cac' jbatic, ya sc'an te spisil ora ay ta co'tantic Dios te jayeb c'aal ayotic ta q'uinale.

Génesis 38:9

Ja'uc me to, la sna' stojol te Onán te ma ja'uc sts'umbal ya xc'ot teme nich'naje, jich yu'un ma la sc'an yac'bey yal te yinam sbanquile. Jich yu'un te jujun buelta ya sjoin sba soque, ma mero la sc'opon sbaic ta lec, swenta yu'un ma xjajch' yal te antse, yu'un ma la sc'an ya yac'bey sts'umbal te sbanquile.

Génesis 39:16

Jich yu'un la sq'uejbey te sc'u'e, ja' to c'alal jul tel te smamlale.