Tito 3:2 - Bible in Tzeltal de Oxchuc y Tenejapa

² Ma me ayuc mach'a ya sboltesbeyic sc'oplal jtuluc. Ma me smulanic xjajch'esel c'op. Ayuc me yutsil yo'tanic ta stojol te ants-winiquetic te peq'uel yac'oj sbaique.

Nuevo Testamento Tzeltal de Amatenango

² Ma me ayuk machꞌa ma lek ya yalbe skꞌoplal. Ma me yauk slijkesik kꞌop. Ayuk slekil yoꞌtanik. A me yakꞌik ta ilel te kꞌun yoꞌtanik te tut ya spasik sok te genteetike.

Bible in Tzeltal Bachajón

² Ma me ayuc mach'a ya sbohlobtesbeyic sc'oblal, soc ma me xya'iyic hach-c'op, ayuc me yutsil yo'tanic, yacuc yaq'uic ta ilel te manso yo'tanic ta stojol spisil ants-winiquetic.

Tito 3:2 Referans Kwoze

Efesios 4:31

Ijq'uitayaic spisil te lab-o'tanile, te c'ajc'ubele, te ilimbae, te utawe, te bol c'ope, soc spisil ta jchajp te ixtajele.

Efesios 4:2

Peq'uel me xawac' abaic, soc ayuc me yutsil awo'tanic. Ac'a cujch'uc awu'unic teme ay bila ma lecuc ya awaiy ta awo'tanique. Jech ts'icbeya abaic ta swenta te xc'uxul awo'tanique.

1 Timoteo 3:3

Ma me xyaiy yacubel, ma me c'aemuc ta xjajch'esel c'op, ya sc'an te ay yutsil yo'tane, te lamal yo'tane, soc te ma xbic'taj yo'tan yu'un te taq'uine.

1 Pedro 3:10

Te melel jich ts'ibubil jilel ta Sjun te Diose: “Te mach'a ya smulan lequil cuxlejal ta q'uinale, soc teme ya sc'an te lec nax ya xc'ax yu'un te jujun c'aale, ac'a scom yac' ta yalel bol c'op, soc ac'a scom sti' ta yalel te lotil c'ope.

1 Pedro 3:8

Ta slajibal ya calbeyex: junuc me awo'tan abaic ta apisilic, na'beya yo'bolil abaic, soc c'ux me x'awaiy abaic ta awo'tanic te bit'il awermano abaique. Jech na'beya me aba ac'uxulic. Soc peq'uel me xawac' abaic ta stojol te awermanotaque.

Santiago 4:11

Quermanotac, ma me amenuc xawalbey aba ac'oplalic soc te yantique. Te mach'a amen ya yalbey scoplal te yermanoe, soc te ya slebey smul te yermanoe, ja' la scontroc'optayix a te mandalile. Teme ja'at cajal ya awac' aba yu'un te mandalile, jich ma ba ya ach'uun spasel te bila ya yal te mandalile. Ja' nax acuyoj aba ta juez yu'un.

Gálatas 5:22

Yan te sit stuquel te Espiritue, ja' te xc'uxul-o'tanil, sbujts'-o'tanil, lamal q'uinal, sts'iquel, yutsil-o'tanil, lequil-o'tanil, xch'uunjel-o'tanil,

San Mateo 11:29

Ich'bonic te yugo-te' cu'une. Nopbonic co'tan te melel manso co'tan soc peq'uel cac'oj jba. Jich me ya yich' lewa te awo'tanique.

1 Pedro 2:1

Jich yu'un jc'axel me ac'a jiluc awu'unic spisil ta jchajp te bila amen ta pasele, soc spisil te lo'laywaneje, te cha'lam-o'tanil, te bic'tal-o'tanile, soc jiluc me awu'unic spisil ta jchajp le-mulil.

Santiago 3:17

Yan te p'ijil-o'tanil te talem ta toyole, ma'yuc bila capal stuquel a: yich'oj lamal-o'tanil, soc lequil-o'tanil, soc yutsil-o'tanil, nojel ta c'uxul-o'tanil, soc lec te sit ya yaq'ue. Ma'yuc chebal-o'tanil soc cha'lam-o'tanil.

Gálatas 6:10

Jich yu'un, te bay c'alal ya xju' cu'untique, ac'a me jpastic jpisiltic te bila leque. Ja' c'axem to xan ac'a jpastic ta stojol te quermanotactic te pajal ay xch'uunjel co'tantic soque.

2 Samuel 22:36

“Ja'at ya acanantayon soc ya acoltayon; ta swenta te yutsil awo'tan te lec ayon.

Gálatas 6:1

Quermanotac, teme ay mach'a la awilic te la staix smule, te ja'ex te wentainbil awo'tanic yu'un te Espiritue, lamaluc me awo'tan ya acoltay ta sujt'esel yo'tan ta stojol Dios. Soc tsajtaya me aba uuc, ma me ja'uc te ya xlajat ta sujel ta mulil uuc te ja'ate.

1 Timoteo 3:11

Ja' nanix me jich uuc te antsil-diaconoetique ya sc'an te lec yo'tanique, soc te ma xlewanic ta c'ope, te ya sna'ic stsajtayel te yo'tanique, soc te jun yo'tanic ta spasel spisil te bila ya x'ac'bot ta swentaic spasele.

1 Tesalonicenses 2:7

Ja'uc me to, jich la cac' ta ilel yutsil co'tan ta atojolic te bit'il jtul ants te bayal yutsil yo'tan ta xch'ijtesel te yalataque.

Filipenses 4:5

Ac'a me chicnajuc ta ilel xc'uxul awo'tan ta stojol spisil te mach'atic ayex ta balumilal soque. Yu'un nopol xtalix te Cajwaltique.

1 Corintios 9:19

Jich yu'un libre ayon yu'un spisil ants-winiquetic; ja'uc me to, abat cac'oj jba ta stojolic, swenta jich me ya jpas ta ganar tsobol ta jtul.

Salmos 140:11

Ma me xjalajic ta lumq'uinal te mach'atic ma xq'uexawic; spisiluc ora ac'a c'otuc bila amen ta stojolic te j'uts'inwanejetique.

2 Corintios 12:20

Melel ya jxi' teme ma jichuc ya xc'o jtaex te bit'il ya sc'an co'tane, soc teme ma jichucon ta atojolic te bit'il ya sc'an awo'tanic uuc te ja'exe. Ya jxi' teme ay jajch'em c'op awu'unic ae, soc bic'tal-o'tanil, ilimba, xatomba, bolc'optaywanej, muquen aiyej, soc toytombail, soc teme bayal jajch'em c'op awu'unique.

2 Corintios 10:1

Jo'on Pabloon ya calbeyex bayal wocol ta atojolic ta swenta yutsil yo'tan soc xc'uxul yo'tan te Cristoe. Ay ya awalic: “Mero peq'uel ya yac' sba te c'alal ay ta coliltique; yan te c'alal c'ubul aye, ya stoy sba ta c'op”, ay xaex cu'un.

Hechos 23:5

La yal te Pabloe: —Quermanotac, ma la jna' teme ja' te muc' sacerdotee, melel ya yal te ts'ibubil ta Sjun te Diose: “Ma me xabolc'optay te mach'a yich'oj yat'el ta alumale”, te xie —xi' te Pabloe.

Proverbios 25:24

Ja' lec teme ch'in xejt' xanix na te banti ya xnainotique; ja' ma lecuc teme muc'ul na ay cu'untic teme ma xlaj yo'tan ta utaw te antse.

Proverbios 6:19

ja' te lotil testigo te ma meleluc te bi ya yale, soc te mach'a ya sjach majtomba ta stojol yermanotac.

Judas 1:10

Yan in winiquetic to, ya yixta-c'optayic te bitic ma sna'beyic sbae. In te bitic ya sna'beyic sbae, tey ya sboltes sbaic a, jich bit'il chambalametic te ma sna'ic q'uinale.

Judas 1:8

Manchuc teme yaiyojic stojol in winiquetic to, ja'uc me to, swaichic nax c'oem te bit'il cuxulic ta q'uinale. Jich ya sboltes te sbaq'uetalique. Soc scuyojic te ma'yuc yat'el yich'oj te Cajwaltique, soc ya yixta-c'optayic te mach'atic cajal yu'elic ta ch'ulchane.

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

1 Pedro 4:4

Ta ora to amen ya yilex yu'un te bit'il ma x'ac'an ajoin abaic soc ta sleel te biluc nax mulil te ya smulanic spasele. Jich ya yixtac'optayex yu'un.

Isaías 40:11

Jich me ya xtal te bit'il jtul jcanan-chij te ya scanantay te xchije; te ya stsac jajch'el ta sc'ab te alal chijetic yu'une, ya spet bael ta stan, ya me yat'elin scanantayel te mero alaletic toe.

Proverbios 19:19

Te mach'a bayal ya x'ilin, ya me xc'ot ta swenta stojel; teme ma xyich' castigo, ya me xtoy xan ta sleel smul.