Tito 3:1 - Bible in Tzeltal de Oxchuc y Tenejapa

¹ Albeyaic xan te ya sc'an ya yich'ic ta muc' te ajwaliletique soc spisil te mach'a yich'oj yat'elique. Ac'a xch'uunbeyic smandal, soc toyoluc me yo'tanic ta spasel spisil te lequil at'elile.

Nuevo Testamento Tzeltal de Amatenango

¹ Akꞌtalanbeya snaꞌik te ya yakꞌik ta jkuenta te gobiernoe y sok te juꞌeletike. Yauk me xchꞌuunik mantal, y siluk me tiempo chapal ta spasel te tut leke.

Bible in Tzeltal Bachajón

¹ A'beya xan sna'ic te ac'a yac' sbahic ta cuentahinel yu'un te ajwaliletic soc te mach'atic ay ya'telic, ac'a sch'uhumbeyic smandar, te chapaluc ta spasel spisil lequil a'teliletic.

Tito 3:1 Referans Kwoze

Eclesiastés 10:4

Teme ya x'ilin ta atojol te mach'a ochem ta ajwalil, ma me ja'uc xawijq'uitay awat'el yu'un; melel ja' poxil c'oem yu'un te mach'a ya sta falta, te lamal awo'tan ya awac' aba ta stojol.

Proverbios 24:21

Jnich'an, ich'a ta muc' te Diose, soc ich'a ta muc' te muc' ajwalile; ma me xat'un te scontrotaque.

San Mateo 22:21

La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

Hebreos 13:21

Ja' me ya yac' ju'uc awu'unic spasel spisil te lequil at'elile, swenta yu'un jich me ya apasbeyic te sc'anjel yo'tan stuquele, soc ja' ac'a at'ejuc ta awo'tanic ta apisilic ta spasel te bila lec yo'tan yu'un ta swenta te Jesucristoe. ¡Jelawen yutsil sbajt'el q'uinal stuquel te Cristoe! Jichuc.

2 Timoteo 2:21

Jich yu'un teme ay mach'a la yutstes xan sba ta leque, t'ujbil me ya xc'ot. Jich yu'un ch'ultesbil me ya xc'ot yu'un te Cajwaltique, jich me chapal ya xc'ot yu'un spasel spisil te lequil at'elile.

2 Timoteo 1:6

Jich yu'un, ya calbat te toyoluc me awo'tan ta stuuntesel te amajt'an yu'un spasel yat'el te Diose, te ac'botat ta awenta te c'alal la jcajanbat jc'ab ta ajole.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

1 Timoteo 4:6

Teme jich ya awac'bey snop te quermanotactique, lequil abatat ya xc'oat yu'un te Jesucristoe, soc ya me yipin awo'tan te sc'op Dios te ach'uuneje soc te lequil nopjibal awantayeje.

1 Timoteo 2:2

soc uuc te muc' ajwaliletique, soc mach'auc a te yich'oj yat'elic yu'un te lume. Jich me senel q'uinal ya caiytic, soc jich me jun co'tantic ayotic ta q'uinal. Jich me ya xju' cu'untic xch'uunel te Diose, soc jich me toj ya x'ainotic ta q'uinal.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

Jeremías 27:17

Ma me x'awich'beyic ta muc' te sc'opique. Ac'a abaic ta sc'ab te muc' ajwalil yu'un Babilonia, jich me ya xcuxinex. ¿Bi ya xtuun awu'unic a te ya xc'atp'uj ta jinem ts'ajq'uetic te lume?

Deuteronomio 17:12

Te mach'a capal soc stoybail ya xjajch' ta at'ele, te ya xc'axintay te bila la yalix ta jamal te sacerdote te yac yac'bel sba ta abatinel yu'un Cajwaltic tey a, o ja' te bila la yalix ta jamal te juece, ya me yich' milel yu'un. Jich me ya xlaj a te bila amen ta pasel ta sq'uinal Israel.

2 Pedro 1:12

Jich yu'un, ya me jultesbeyex xan ta awo'tanic in to, manchuc teme ana'ojiquixe, jc'axel ainuc me ta awo'tanic te smelelil c'op awaiyojiquix stojole.

Tito 3:8

Mero smelelil in c'op to, soc ya jc'an te ja' ya awat'elin yalel spisil ora ta stojol te mach'atic xch'uunejic te Diose, swenta yu'un jich me ya yat'elinic spasel spisil te bila lec ta pasele. Melel ja' lec te jich ya spasique, soc ja' ya xtuun yu'un spisil ants-winiquetic.

Colosenses 1:10

Swenta yu'un jich ya xju' awu'unic te toj ya x'ainex ta q'uinal te bit'il yu'unex te Cajwaltique, soc te jich ya xju' awu'unic spasel spisil ora te bila lec yo'tan yu'une. Ac'a sitinuc awu'unic spisil ta jchajp te lequil at'elile, jich me ya x'esmaj xan te bit'il ya ana'beyic sba te Diose.

Filipenses 1:11

Ta swenta me te Jesucristoe, te nojel sit te awat'elique. Jich me ya x'albot wocol ta awentaic te Diose, soc jich me lec sc'oplal ya xc'ot awu'unic ta bayuc te Diose.

Efesios 2:10

Melel ja' yat'elotic stuquel te Diose. La xchicnantesotic ta swenta Cristo Jesús, swenta yu'un ya jpastic te lequil at'elil te chajbanbil ta neelal to yu'un te Diose, swenta yu'un ja' me ya jt'untic ta beel stuquel.

Isaías 43:26

Na'a me teme ay bila ay ta awo'tan ta jtojole, ya me cac' jbatic ta chajbanel. Ich'bon tel te c'opetic awu'une, ya me awil teme ma'yuc amul ya xc'oat ta loq'uele.

Judas 1:5

Ya jc'an te yacuc xjul ta awo'tanic, manchuc teme ana'ojic stojol, te bit'il c'ot ta loq'uel ta namey te israeletique. Ja' bi, ja' te ac'otic ta lajel yu'un Cajwaltic te jich yipal ma la xch'uunique, manchuc teme la scoltay loq'uel tel ta banti sq'uinal Egipto.

Tito 3:14

Te mach'atic pajal jch'uunejtic Dios soque ac'a me snopic spasel te bila leque. Ya sc'an ya xc'uxtayic te mach'atic ay yo'bolil sbaic ta q'uinale, swenta yu'un ma tojoluc cuxul ta q'uinal te mach'atic xch'uunejic te Diose.

2 Timoteo 2:14

Ac'beya sna'ic spisil te yantique, soc pasa me ta mandal ta stojol te Cajwaltic te manchuc ya xbajt' yo'tanic ta sjowil sjaq'uel te tsaltomba c'ope. Melel ma'yuc swentail xujt'uc, soc ja' nax ya xjinbot yo'tanic yu'un te mach'atic ya yaiyic stojole.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.