Tito 2:5 - Bible in Tzeltal de Oxchuc y Tenejapa

⁵ soc te lecuc ya xc'opojique, te ma'yuc mulil ta yo'tanique, te ya sna'ic scanantayel te snaique, te ay yutsil yo'tanique, soc te jun yo'tan ya xch'uunbeyic smandal te smamlalique, swenta yu'un ma'yuc ta toybac'optayel te sc'op Diose.

Nuevo Testamento Tzeltal de Amatenango

⁵ Sok te ya snaꞌik stsael te tut leke, sok te ma xmulawike, sok te ya skanantayik te snaike, sok te ay slekil yoꞌtanik y ya xchꞌuunbe smantal te smamlalike, yuꞌun ma me ayuk machꞌa ya yal te ma lekuk te skꞌoplal Diose.

Bible in Tzeltal Bachajón

⁵ te yacuc stsahtay sbahic, te sacuc yo'tanic, yacuc yo'tantayic ya'tel ta snahic, lecuc yo'tanic, te yacuc yac' sbahic ta cuentahinel yu'un te smamalalic, scuenta yu'un hich ma xbohlob sc'oblal a te sc'op Diose.

Tito 2:5 Referans Kwoze

Colosenses 3:18

Antsetic te nujbinemexe, ich'aic ta muc' te amamlalique, jich te bit'il ya sc'an te Cajwaltique.

1 Timoteo 5:10

Soc ya sc'an te lec sc'oplal yu'un te yat'el spasoje, jich bit'il teme jun yo'tan la xch'ijtes te yalataque, soc teme ya xnajc'anwane, soc teme ay la spocbeyix yacan te mach'atic ch'ul lum yu'un te Diose, soc teme ay la xc'uxtayix te mach'atic ay swocolique, soc teme c'aem ta spasel spisil te lequil at'elile.

Génesis 3:16

Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

Efesios 5:33

Ja'uc me to, ja' sc'oplal uuc te c'ux me x'awaiy ta awo'tanic juju-jtulex te awinamique, jich te bit'il c'ux ya awaiy aba atuquele. Te antse ac'a yich' ta muc' te smamlale.

Hechos 9:36

Ta lum Jope ay jtul jnopojel tey a te Tabita sbiil te Dorcas sbiil ta griego-c'ope. Yat'elinej spasel lequil at'elil soc la sq'uebanbey me'baetic te sbiluque.

1 Timoteo 6:1

Spisil te mach'atic ayic ta mosoile, ac'a me yich'ic ta muc' ta melel te yajwalique, swenta yu'un jich ma ba ya yaq'uic ta toybac'optayel sbiil a te Dios soc swenta yu'un jich ma ba ya xbolob sc'oplal te bila ya cac'tic ta nopele.

Proverbios 7:11

Te antse biluc nax ya sjajch'es yaiyej a, soc chican nax yo'tan bi ya smulan yalel. Ma sc'an ya x'ain ta sna;

1 Corintios 14:34

te antsetic awu'unique ma me xc'opojic tey a ta banti atsoboj abaique. Melel ma xju' ya xc'opojic stuquelic, jich te bit'il ya yal te mandalile.

1 Corintios 11:3

Ja'uc me to, ya jc'an te ya ana'ic stojol te ja' jolol yu'un spisil winiquetic te Cristoe, soc ja' jolol te winic yu'un te antse, soc ja' jolol yu'un Cristo te Diose.

Romanos 2:24

Melel nix a te bila ts'ibubil jilel ta Sjun te Diose: “Ja'ex ta awentaic te ya yixtac'optaybey sbiil Dios te jyanlumetique”, te xie.

Hechos 9:39

Jich te Pedro la sjoin bael ta ora. Te c'alal c'otic ta Jope, la yiq'uic bael ta xcha'cajal na ta banti tixil sbaq'uetal te Dorcase. Tey c'o staic spisil te me'ba antsetique. La sjoytayic te Pedroe, soc yacalic ta oq'uel, soc la yac'beyic yil te sc'u'-spaq'uic te pasbilic yu'un te Dorcas te c'alal cuxul to ae.

Salmos 74:10

Dios cu'un, ¿jayeb xan c'aal te jich ya yuts'in co'tantic ta c'op te controe? ¿Jayeb xan ora te ya sbolc'optayate?

2 Samuel 12:14

Melel mero tulan sc'oplal te bi la awac' ilinuc yo'tan yu'un te Cajwaltique, ja' yu'un te anich'an ayinel to, ya me xlaj —xi' sc'oplal yu'un.

Génesis 18:9

C'alal laj yo'tanic ta we'el, la sjojc'obeyic: —¿Banti ay te awinam Sara? —xiic. —Ay ta yutil nailpac' —xi' te Abrahame.

Romanos 14:16

Ma me xawac' bolobuc sc'oplal te bila leque.

Tito 2:4

Jich me ya yac'bey snopic te jch'iel antsetic te bit'il ya sc'an te c'ux ya yaiy ta yo'tanic te smamlalique soc te yalataquique,