Tito 2:3 - Bible in Tzeltal de Oxchuc y Tenejapa

³ Ja' nanix jich uuc te jme'tiquetique. Ya sc'an te buen lec ayic ta q'uinale, te ma xlewanic ta c'ope, te ma smosoinotic yu'un te yacubele, soc te ja' ya yaq'uic ta nopel te bila lec ta pasele.

Nuevo Testamento Tzeltal de Amatenango

³ Jich mismo euk te meꞌ-meꞌeletike ya skꞌan te lek ya xꞌakꞌawanik ta jkuentae. Ma me tojoluk aꞌbiye, ni yakubel. Sok ya skꞌan te lekuk te tut ya yakꞌ ta ilele.

Bible in Tzeltal Bachajón

³ Ha nix hich te me'eletic ya sc'an te ya x'ich'awanic ta cuenta bin ut'il ya x'ayinic ta q'uinal, te ma xlehawanic ta c'op soc ma ba mosohimbilic yu'un vino, ha ya yaq'uic ta nopel te bin leque.

Tito 2:3 Referans Kwoze

Tito 2:4

Jich me ya yac'bey snopic te jch'iel antsetic te bit'il ya sc'an te c'ux ya yaiy ta yo'tanic te smamlalique soc te yalataquique,

1 Timoteo 3:11

Ja' nanix me jich uuc te antsil-diaconoetique ya sc'an te lec yo'tanique, soc te ma xlewanic ta c'ope, te ya sna'ic stsajtayel te yo'tanique, soc te jun yo'tanic ta spasel spisil te bila ya x'ac'bot ta swentaic spasele.

Tito 1:7

Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

1 Timoteo 3:8

Ja' nanix jich uuc te mach'atic ya yich' yat'elic ta diaconoile, ya sc'an te lec yo'tanique, soc te toj ya xc'opojique, te ma xyacubique, te ma xbic'taj yo'tanic yu'un slo'layel te taq'uine.

Romanos 16:2

Ic'bonic me ta atojolic ta swenta sbiil te Cajwaltique, jich te bit'il ay ta pasel yu'unic te quermanotactic te ay xch'uunjel yo'tanique. Soc ya me acoltaybonic teme ay to sc'an te bila ya xtuun yu'une, yu'un ay tsobol te mach'atic la scoltayixe, soc la scoltayonix uuc te jo'one.

Efesios 5:3

Te bit'il ch'ul lumex yu'un te Diose, ma snujp'in te ya awaanic te mulweje soc spisil ta jchajp te chijil-o'tanile soc te bic'tal-o'tanil yu'un te taq'uine.

Apocalipsis 2:20

Ja'uc me to, ay amul jtebuc ta jtojol, ja' te bit'il ma'yuc bi ya awalbey te ants te Jezabel sbiile, te j'alwanej yu'un Dios ta sc'ope, soc te ya yac'bey snopic te abatetic cu'un te ya spasic te mulweje soc te ya sti'ic te milbil smajt'an lotil diosetique.

Hebreos 5:12

Te bit'il bayalix c'aal ach'uunejic te Cristoe, ya sc'an te ja'ex ayex ta p'ijubteswanej te jichuque. Ja'uc me to, ya to sc'an ya awich'ic xan p'ijubtesel a te bila xjajch'ibal ay ta xch'uunel te sc'op Diose, melel pejc'ajemix awipic. Ja' ya xtuunix awu'unic yan buelta te leche, ma xju' awu'unic stuuntesel te tulan we'elile.

1 Timoteo 5:23

Soc ya calbat, te bit'il bayal buelta ya stsajc'at ta chamel yu'un te ach'ujt'e, ma me ja'uc nax xawuch'ilay te tojol ja'e. Uch'a jtebuc uuc te vinoe.

Romanos 1:29

Nojel ta yo'tanic spisil ta jchajp te bila ma lecuc ta pasele, ja' te yalel ta mulil, ixtajel, bic'tal-o'tanil, te bila amen, jex-o'tanil, milaw, jach-c'op, lo'laywanej soc bolteswanej,