Tito 2:2 - Bible in Tzeltal de Oxchuc y Tenejapa

² Te jtatiquetique ya sc'an ya sna' stsajtayel yo'tanic, soc te lec yo'tanique, soc te ma xjelawique. Ya sc'an te ay lec xch'uunjel yo'tanic soc xc'uxul yo'tanic, soc te ya sts'ijc' yu'unique.

Nuevo Testamento Tzeltal de Amatenango

² Te ansianoetike ya skꞌan te kuidado ayike, y te lek te skuxlejalike, sok te ya snaꞌik stsael te tut leke. Ya skꞌan te ayuk lek te xchꞌuunel yoꞌtanike, y sok te xkꞌuxul yoꞌtanike, sok te ay yip yoꞌtanik yuꞌun ya xkujch te wokole.

Bible in Tzeltal Bachajón

² Te mamaletic ya sc'an ya stsahtay yo'tanic, te ya x'ich'awanic ta cuenta, ya stsahtay sbahic, te ay lec sch'uhunel yo'tanic, te ay sc'uxul yo'tanic soc te ya xcuhch yu'unic spisil.

Tito 2:2 Referans Kwoze

Gálatas 5:23

manso-o'tanil, nujul-o'tanil. Ja'ic in to, ma'yuc bi ora ya yich' controinel yu'un te mandalile.

1 Pedro 4:7

Nopol sta yorail te ya xlaj spisil. Jich yu'un, ya me sc'an te ya ana'ic q'uinal ta leque. Wiq'uiluc me asitic spisil ora soc c'oponaic me te Diose.

1 Timoteo 3:11

Ja' nanix me jich uuc te antsil-diaconoetique ya sc'an te lec yo'tanique, soc te ma xlewanic ta c'ope, te ya sna'ic stsajtayel te yo'tanique, soc te jun yo'tanic ta spasel spisil te bila ya x'ac'bot ta swentaic spasele.

1 Pedro 5:8

Ich'a me ap'ijilic, wiq'uiluc me asitic. Melel te awajcontroe, ja' te pucuje, jich bit'il león-choj te yac ta aw ta sleel ta bayuc te mach'a ya sti'e.

Tito 1:13

Melel nix a te bila la yal ta testigoe. Jich yu'un, tulan me xacom, swenta yu'un lec me ya xc'otic ta swenta xch'uunjel yo'tanic,

1 Timoteo 3:2

Jich yu'un te mach'a ya yich' yat'el ta jwentainwanej, ya sc'an te mero lec sc'oplal, soc te jtul nax ants nujbinem ta q'uinal soque, te ya sna' stsajtayel te yo'tane, te ma xjelaw ta c'ope, te lec yat'ele, te ay yutsil yo'tan ya xnajc'anwane, soc te ay sp'ijil yo'tan ta p'ijubteswaneje.

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

1 Tesalonicenses 5:8

Yan te jo'otic te ayotic ta swenta te c'aleltique, ya sc'an te cuxul co'tantique. Soc ya me jc'u'intic te smajq'uil co'tantic, ja' te xch'uunjel co'tantic, soc te xc'uxul co'tantique. Soc ya me jlaptic te smajq'uil joltic, ja' te jun co'tantic ya jmaliytic te jcoleltique.

Romanos 12:3

Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane.

Job 12:12

“Te mamaletic ay sp'ijil yo'tanic; ja' ac'bot sp'ijilic yu'un te ya'wilalique.

Levítico 19:32

“Ya me atejc'an aba soc ich'a ta muc' te mach'a me'el-mamale; jo'on ni me la awich'on ta muc' c'oem a te Dioson awu'une. Jo'on te Ajwalilone.

1 Pedro 1:13

Jich yu'un, chajbana me abaic soc ayuc me sp'ijil awo'tanic. Junuc me awo'tanic ya amaliyic spisil ora te bila ya yac'beyex Dios ta swenta yutsil yo'tan te c'alal ya xchicnaj tel te Cristo Jesuse.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Salmos 92:14

Ya to sitin c'oem teme mamalix ae; puersa tulanic ta jyalel soc stalel yaxic.

2 Pedro 1:6

Teme la ana'iquix te q'uinale, na'aic me amandaltesbel abaic atuquelic. Teme la amandaltes abaique, ac'a ts'ijc'uc awu'unic. Teme ts'ijc' awu'unique, na'aic me spisil ora te Diose.

Tito 2:7

Soc te ja'ate ac'a me ta ilel lequil ejemplo ta swenta te lequil at'elile. Te c'alal ya ap'ijubtese, ts'acal me xawal, soc bayaluc me sc'oplal ta awo'tan.

Tito 1:8

Ja' ya sc'an te ay yutsil yo'tan ya xnajc'anwane, te toyol yo'tan yu'un te bila lec ta pasele, te ma xjelawe, te toj yac'oj sba ta q'uinale, te ch'ulajem yo'tane, te ya sna' scomel sba ta stuquele.

1 Timoteo 3:4

Ya sc'an te lec ya xmandalaj ta sna, soc te ya sna' spasel ta mandal te snich'nabique te jich ya x'ich'ot ta muc' yu'un te ya xch'uunbot smandal yu'unique.

1 Timoteo 1:5

Te bi swentailuc in mandal to, ja' te xc'uxul-o'tanil te ayinem ta bay lequil-o'tanil, soc te lequil nopjibale, soc te xch'uunjel-o'tanil ta melel.

1 Tesalonicenses 5:6

Jich yu'un ma me xwayotic jich bit'il wayalic te yantique. Ya sc'an te wiq'uil jsitic soc te cuxul co'tantique.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

2 Corintios 5:13

Teme jowejem jol ya awaiyique, ja' ta swenta te Diose. O teme ma ba jowejem jole, swenta awutsteselic ya xc'ot.

1 Corintios 9:25

Spisil te mach'a ya yac' puersa ta tsalawe, ya me scom sba ta spasel spisil te bila ya xlajinbot yip yu'une. Jich ya spasic, swenta yu'un jich me ya yich' scoronaic te ma xjalaj te yutsile. Yan te jo'otique, ja' ya quich'tic te corona te ma sna' xlaj yutsil stuquele.

Hechos 24:25

Te Pablo la yaanbey yaiy te bit'il ya sc'an te toj ya x'ainotic ta q'uinale, soc te bit'il ya sc'an ya jna'tic scomel jbatic ta jtuqueltique, soc te bit'il ya sta yorail te ya yilbotic cat'eltic juju-jtulotic te Diose. Tey nax caj ta xiwel yu'un a te Felixe. Jich la yalbey: —Lec ay, baanix. Ya me jticunat xan ta iq'uel te bi ora ya xjojch'ajone —la yut bael.

San Lucas 8:35

Jich te ants-winiquetique tal yilic te bila c'ot ta pasele. Te c'alal c'otic tey a ta bay te Jesuse, nacal ta nopol yacan Jesús c'o staic te winic te loq'uemix pucujetic ta yo'tane. Slapojix sc'u'-spac', soc ya sna'ix te q'uinale. Te ants-winiquetique xiw yo'tanic yu'un.

San Marcos 5:15

Te c'alal c'otic ta bay te Jesuse, la yilic nacal tey a te winique. Slapojix sc'u'-spac', soc ya sna'ix q'uinal. Ja' nix te mach'a tsobol pucujetic ta yo'tan ta neelale. Te ants-winiquetique xiw yo'tanic yu'un.

Isaías 65:20

Ma me ayuc ya xlaj alaletic te jun cheb nax c'aal ay ta q'uinale, soc ma me ayuc ya xlaj ta ora mamaletic teme ma to sts'aquej c'aal te xcuxlejale. Teme ya xlaj ta jo'winic (100) ja'wil jtul winic, querem to abi, soc teme ma to sta jo'winic (100) ja'wil, castigo me abi.

1 Timoteo 3:8

Ja' nanix jich uuc te mach'atic ya yich' yat'elic ta diaconoile, ya sc'an te lec yo'tanique, soc te toj ya xc'opojique, te ma xyacubique, te ma xbic'taj yo'tanic yu'un slo'layel te taq'uine.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

1 Timoteo 5:1

Ya calbat te ma me uteluc ya acom te mamaletique. Lamaluc me xatac'uy jichuc atat. Soc te jch'iel queremetique jich me xac'opon te bit'il awijts'inabe.

Filemón 1:9

ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,