Tito 2:12 - Bible in Tzeltal de Oxchuc y Tenejapa

¹² Ayotic ta p'ijubtesel yu'un te bit'il ya sc'an ya xjil cu'untic spisil te bila amene soc spisil te bila mulanbil sba ta pasel ta balumilale. Soc ya sc'an te ma xjelawotique, ya sc'an toj ya cac' jbatic, ya sc'an te spisil ora ay ta co'tantic Dios te jayeb c'aal ayotic ta q'uinale.

Nuevo Testamento Tzeltal de Amatenango

¹² Te slekil yoꞌtane, Dios ya snojpesotik ta sjilesel te tut ma lekuke y sok te tutik Kꞌupinbil ta skuenta balmilale. Y jaꞌ ya yaꞌbotik kichꞌtik ta balmilal te jun kuxlejal te ya jnaꞌbetik sluwar sok te ben toj aye. Sok jich ya xchiknaj te jaꞌ ay ta koꞌtantik te Diose.

Bible in Tzeltal Bachajón

¹² soc ya snohptesotic te yacuc xhil cu'untic spisil bintic chopol soc bintic mulantic sba ta pasel ta bahlumilal, te tsahtaybiluc co'tantic ya x'ayinotic ta ora ini, te tojuc ya x'ayinotic soc te ayuc ta co'tantic spisil ora te Diose,

Tito 2:12 Referans Kwoze

Ezequiel 36:27

Ya me cac'beyex ta awo'tanic te espíritu cu'une, ya me cac' te ya apasic te bila ya yal spisil te mandaliletic cu'une.

San Mateo 16:24

La yalbey ts'iin te jnopojeletic yu'une: —Te mach'a ya sc'an yac' sba ta jnopojel cu'une, ac'a me sloq'ues sba ta yo'tan. Ac'a xcuch scruz. Ac'a st'unon.

Romanos 6:19

La calix ta seña te bi yilel ayic ta balumilal te ants-winiquetique, ta scaj te wocol ya ana'ic stojole. Melel ta neelal to la awaq'uic ta abatinel abaq'uetalic ta spasel te chijubele soc spisil yantic muliletic. Ta ora to, te jayeb c'aal cuxulex ta q'uinal, ac'a me abaic ta sc'ab te Diose. Jich me ya awac' abaic ta abatinel soc abaq'uetalic ta spasel te bila toj ta pasele.

Salmos 4:3

Na'aic me te Cajwaltic te ja' ya smulan te mach'a jun yo'tan ta stojole; na'aic me te Cajwaltic te ya yaiybon stojol jc'op te c'alal ya jc'opone.

2 Pedro 2:9

Jich chican ta jamal te ya xju' yu'un te Cajwaltic te ya yac' ta libre yu'un sujel te mach'atic jun yo'tan yac'oj sbaic ta stojol. Soc ya to sq'uej te mach'atic ma tojuc yo'tanique, swenta yu'un ya yac'bey castigo c'alal ya sta sc'aalelal te ich'el ta c'ope.

1 Juan 2:6

Teme ay mach'a ya yal te jun ayix soc te Diose, jichuc me xcuxlejal te bit'il c'ax ta q'uinal stuquel te Jesucristoe.

2 Timoteo 3:12

Ja' nanix jich ya me xc'ax swocolic ta uts'inel spisil te mach'atic yat'elinejic xch'uunel te Cristo Jesuse.

Apocalipsis 14:12

Jich yu'un te mach'atic ch'ul lum yu'un Dios te yat'elinejic xch'uunel te smandale soc te ay xch'uunjel yo'tanic ta stojol te Jesuse, ts'ijq'uem yu'unic te swocolique.

San Lucas 1:75

Ch'ulajem co'tantic soc toj co'tantic ta stojol te jayeb c'aal cuxulotique.

1 Tesalonicenses 4:7

Melel ma ja'uc la yic'otic Dios yu'un te ja' ya cat'elintic spasel te mulile. Ja' la yic'otic Dios yu'un te jc'axel ya yutstesotic ta stojol.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

1 Tesalonicenses 4:9

Ja'uc me to, ma yejt'aluc te ya calbeyex xan ta jun te bit'il ya sc'an te c'ux ya caiy jbajtic ta co'tantic soc te quermanotactique, te melel p'ijubtesbilex yu'un Dios te bit'il ya sc'an te c'ux ya awaiy abaique.

Efesios 2:2

Melel c'aemex ta mulil ta neelal to. Ja' la anopic te bila ay ta pasel ta swenta nax in balumilal to, soc ja' la apasbeyic sc'anjel yo'tan te pucuje te yich'oj yat'el ta sjamalul q'uinal soc te yac ta at'el ta yo'tanic te jc'axintayej-mandaletique.

Romanos 12:2

Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje.

Romanos 6:12

Jich yu'un ma me xawac'bey permiso te mulil te ya yu'uninbeyex xan abaq'uetalic te stalel ya xlaje. Ma me xawac' te ya sujat xan ta spasel te bila ya sc'an te abaq'uetalique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

2 Pedro 3:11

Te bit'il la awaiyiquix stojol te jich ya xlaj spisil te bitic aye, jich yu'un ya sc'an te c'axem to xan lec ya x'ainex ta q'uinale soc te ya ach'uunic spisil ora te Diose.

Hebreos 8:11

Ma yejt'aluc ya sp'ijubtes xan sbaic, ni ja'uc soc te sjo'taque, ni ja'uc soc te yermanotaque. ‘Na'beya sba te Cajwaltique’, ma xiuc xan ta yalbel sbaic, te melel spisilic ya me sna'bonic jba te muc' biq'uitetique.

1 Timoteo 6:17

Pasa me ta mandal te mach'atic ay sc'ulejalic ta balumilal te ma me stoy sbaic yu'un, soc te ma me ja'uc ya smuc'ulin yo'tanic te sc'ulejalique, melel ma staleluc ay. Ja' lec te ja' ya smuc'ulin yo'tanic te Diose te stalel cuxul stuquele, te ma p'isbiluc ya yac'botic spisil te bila ya xtuun cu'untic te ya xbujts'naj co'tantic yu'une.

1 Timoteo 4:12

Ma me ayuc mach'a ya sp'ajat yu'un te bit'il jch'iel winicat toe. Ac'beya me yilic te bila lec ta pasel te mach'atic xch'uunejic te Diose. Ja' bi, lecuc me te ac'ope soc te awat'ele, soc ayuc me xc'uxul awo'tan soc yutsil awo'tan soc xch'uunjel awo'tan, soc ma me ayuc mulil ta awo'tan.

Colosenses 1:22

Ta ora to, ta swenta Cristo te la yac' junajuc awo'tanic ta stojol Dios ta swenta bit'il c'ax swocol ta lajel soc sbaq'uetal. Jich te c'alal ya stejc'anex ta stojol te Diose, ch'ultesbilex soc ma'yuc bila boloben soc ma'yuc amulic ta stojol.

Gálatas 5:24

Te mach'atic yu'unix te Cristoe, la yaq'uix ta lajel ta cruz te bila ya smulan spasel te sbaq'uetalique.

Gálatas 1:4

Ja' nix te Jesucristo te la yac' sba ta lajel yu'un te jmultique, swenta yu'un jich la yac'otic ta libre yu'un te bila amen ta balumilale, jich te bit'il ay sc'anjel yo'tan stuquel te Jtatic Diose.

2 Corintios 7:1

Jich yu'un quermanotac, te c'uxex ta co'tane, te bit'il jich yalojbotic te Diose, jich yu'un ac'a quijq'uitaytic jilel spisil te bila ya sboltesbotic jbaq'uetaltic soc te co'tantique. Soc te bit'il jna'ojtic stojol te xi'bantic sba te Diose, yan yanuc me ta ch'ultesel te co'tantique.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

Romanos 8:13

Melel teme ja' ya apasic te bila ya sc'an te abaq'uetalique, ya me xlajex yu'un. Yan teme ta swenta Espíritu te ya awaq'uic ta lajel te bila yat'el te abaq'uetalique, jich me xcuxinex yu'un.

Hechos 24:25

Te Pablo la yaanbey yaiy te bit'il ya sc'an te toj ya x'ainotic ta q'uinale, soc te bit'il ya sc'an ya jna'tic scomel jbatic ta jtuqueltique, soc te bit'il ya sta yorail te ya yilbotic cat'eltic juju-jtulotic te Diose. Tey nax caj ta xiwel yu'un a te Felixe. Jich la yalbey: —Lec ay, baanix. Ya me jticunat xan ta iq'uel te bi ora ya xjojch'ajone —la yut bael.

Hechos 24:16

Ja' swentail te spisil ora ya jtsajtay jba ta stojol Dios soc ta stojol ants-winiquetic, swenta yu'un ma me jta jmul ta stojolic.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

San Juan 14:30

“Ma spasix te bayal bi ya calbeyex xane, melel jtalelix te ajwalil yu'un in balumilal to. Ma'yuc bi xju' yu'un te ya spasbon ta jtojole.

San Juan 6:25

Te c'alal c'otic ta bay te jejch' mare, tey c'o staic a te Jesuse: —Maestro, ¿bi ora julat li'to? —xiic.

San Lucas 1:6

Ta xchebalic lec yat'elic ta stojol te Diose, soc xch'uunejbeyic spisil smandal te Cajwaltique. Ma xwejt' ta leel te smulique.

Salmos 105:45

teme ya yich'beyic ta muc' smandal soc teme ya xch'uunic spasel te bila ya yac' ta nopele. ¡Bin nax me yutsil te Cajwaltique!

Judas 1:18

Melel jich la yalbeyex awaiyic: “Ta nopol slajibal c'aal ay me jlabanwanejetic. Yu'un ja' nax baem ta yo'tanic spasel te bila amen smulanejic spasele”, te xiique.

2 Timoteo 4:10

Melel te Demase, la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito bajt'ix ta sq'uinal Dalmacia.

San Mateo 12:32

Teme ay mach'a ya scontroc'optay te Nich'anile, ya xju' ya spasbot perdón yu'un. Yan te mach'a ya scontroc'optay te Ch'ul Espiritue, ma xju' ya spasbot perdón yu'un stuquel te jayeb c'aal cuxul ta q'uinal ni ja'uc ta patilal bael ta sbajt'el q'uinal.

1 Timoteo 6:9

Yan te mach'atic ja' nax baem ta yo'tanic te ya stsob te sc'ulejalique, ya me xyalic yu'un te yiljibal yo'tanique soc ja' me spejts'ul ya xc'otic. Ya xbic'taj yo'tanic yu'un bayal ta jchajp te bila ya xlajinotic yu'une. Ya me xjinotic yu'un soc ch'ayel ya xbajt'ic yu'un.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.