Tito 2:11 - Bible in Tzeltal de Oxchuc y Tenejapa

¹¹ Melel la yaq'uix ta ilel te Diose te bit'il ay yutsil yo'tan cu'untic te bit'il ja' ta swenta te ayix colel yu'un ta stojol spisil te ants-winiquetique.

Nuevo Testamento Tzeltal de Amatenango

¹¹ Yuꞌun Dios a yaꞌbotik kiltik te slekil yoꞌtane, te jaꞌ yichꞌoj tal te kolel yuꞌun ta spisil te genteetike.

Bible in Tzeltal Bachajón

¹¹ Como chicnajemix te yutsil yo'tan Dios scuenta yu'un ay colel ta stojol spisil ants-winiquetic,

Tito 2:11 Referans Kwoze

1 Timoteo 2:4

Melel yo'tanuc yacuc xcol spisil te ants-winiquetique, soc yo'tanuc yacuc xc'ot ta yo'tanic te smelelil c'ope.

Efesios 2:8

Melel ta swenta nax yutsil yo'tan Dios te colemex ta swenta xch'uunjel awo'tanic. Ma ja'uquex te la acoltay aba atuquelique, melel amajt'anic yu'un Dios te colemexe.

Isaías 45:22

“La'ic ta jtojol, ya me jcoltayex, ja'ex te lumetic ta bayuc ayuquex c'alal sti'il te balumilale, melel jo'on nax Dioson, ma'yuc yan.

Hebreos 2:9

Yu'un jna'ojtic stojol te Jesuse, peq'uel c'ot yu'un te ch'ul abatetic che'oxebuc c'aale. Ja'uc me to, ac'botix yutsilal soc ac'otix ta ich'el ta muc' ta scaj te c'ax swocol ta lajele. Ta swenta yutsil yo'tan Dios te c'ax swocol ta lajele, swenta jich ya jtatic cutsilaltic ta jpisiltic a.

Efesios 2:5

Te bit'il lajemotic yu'un te mulile, jich la yac'botic jcuxlejaltic ta swenta Cristo. (Ta swenta nax yutsil yo'tan Dios te colemexe.)

2 Tesalonicenses 2:16

Ja' nix te Cajwaltic Jesucristoe soc te Jtatic Diose te c'uxotic ta yo'tane soc te yac'ojbotic smuc'ul co'tantic sbajt'el q'uinale, soc te ay bi ya jmaliytic ta swenta yutsil yo'tan cu'untique,

Romanos 5:15

Ja'uc me to, te bit'il la xc'axintay mandal te Adane, ma pajaluc soc te jmajt'antic ya yac' te Diose. Yu'un ta swenta jtul winic te la xc'axintay mandal te bayal lajic yu'une. Ja'uc me to, ta swenta te yutsil yo'tan Dios cu'untic, tsobolotic ay jmajt'antic ta swenta nax yutsil yo'tan te jtul winique, ja' te Jesucristoe.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Isaías 52:10

Te Cajwaltic la yaq'uix ta ilel te yu'el ta sit spisilic te nacionetique. Spisil ants-winiquetic ta spamal balumilal ya me sna'ic te la scoltayotiquix te Dios cu'untique.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

Hechos 11:23

Te c'alal c'ot tey a, la yilbey yutsilal te Diose. Bin nax yo'tan yu'un, soc la stac'uy te ayuc me swentail ta yo'tanic soc te jc'axel ac'a junajuc yo'tanic ta stojol te Cajwaltique.

Hechos 20:24

Ja'uc me to, ma ba ya jmel co'tan yu'un. Ma'yuc sc'oplal te bit'il ay te jcuxlejale. Ja' nax ay sc'oplal ta co'tan te bin nax co'tan ya jloq'ues te jayeb c'aal ay ta jwenta, ja' to c'alal te ya xc'ot coraile, soc te ya ju'tes cat'el te yac'ojbon ta jwenta spasel te Cajwaltic Jesuse, ja' bi ja' te la yac'bon ta jwenta yalel sc'oplal te jcoleltic ta swenta nax yutsil yo'tan cu'untic te Diose.

San Lucas 3:6

Spisil ants-winiquetic ya me yilic ta sitic te bit'il ay colel yu'un te Diose’, xi' me ta aw”, xi' te Isaiase.

1 Timoteo 1:14

Jich esmaj ta c'axem to xan ta jtojol te yutsil yo'tan te Cajwaltique, soc la yac'bon xch'uunjel co'tan soc xc'uxul co'tan ta swenta te Cristo Jesuse.

Romanos 5:2

Ja' ta swenta Cristo te quich'ojtic c'uxtayel yu'un te Diose, ta swenta te xch'uunjel co'tantique. Jich ay yip co'tantic yu'une, soc jich toyol co'tantic ta smaliyel te yutsilal te Diose.

Zacarías 12:10

“Ya me jnojesbey ta yo'tanic yutsil-o'tanil ta sc'oponel Dios, te patil alnich'anetic yu'un David soc te mach'atic nainemic ta Jerusalén. Jich me ora ya yilic te mach'a la slowique. Ya me smel yo'tanic yu'un, ya me x'oq'uic yu'un, jich me ta yo'tanic te bit'il laj te jip jtul snich'an, o teme ja' te ba alale.

Salmos 96:10

Albeyaic te nacionetic te ja' muc' ajwalil stuquel te Cajwaltique. Ja' la yac'bey yiptajib te balumilal swenta yu'un ma stij sba; ja' te pajal yac ta mandal ta stojol te lumetique.

Colosenses 1:6

Ja' nix in c'op to te julemix ta atojolique, ta ora to pujq'uemix ta bayuc ta spamal te balumilale. Yaquix ta sit ta bayuc, jich te bit'il jajch' sitinuc ta awolilic uuc ja'ex te c'alal la awaiyic stojol te bit'il ay yutsil yo'tan cu'untic ta mero melel te Diose.

Gálatas 2:21

Ma ba ya jp'aj te yutsil yo'tan te Diose. Melel teme toj ya yilotic Dios yu'un spasel te bila ya yal te mandalile, jich tojol laj Cristo abi.

2 Corintios 6:1

Jich yu'un te bit'il joy jbatic ta at'el soc te Diose, ya me jtac'uyex te ma me tojoluc ya xc'ot awu'unic te la yaq'uix ta ilel yutsil yo'tan ta atojolic te Diose.

Hechos 13:47

Melel jich la spasotic ta mandal te Cajwaltique: “Jich la cac'atix ta ilel te bit'il xojobil c'ajc' ta stojol te jyanlumetique, ja'at me ta awenta te ya yich'ic coltayel spisil ants-winiquetic ta bayuc ta spamal balumilal”, te xie —xi' te Pabloe.

Hechos 13:43

Te c'alal loq'uemiquix bael ta sinagoga, ay tsobol judioetic soc tsobol jyanlumetic te yac'oj sbaiquix ta judioile, la sts'aclinic bael te Pablo soc te Bernabé. Jich la yalbey yaiyic te jc'axel ac'a xch'uunic te bit'il ay yutsil yo'tan te Diose.

San Juan 1:9

Te mach'a luz ta mero melele soc te ya yac' xojobil ta stojol ants-winiquetic, yaquix ta talel ta balumilal stuquel.

San Lucas 24:47

Soc ja' ta swenta te ya yich' alel ta bay chajbalchajp nacionetic te ya sujt'es yo'tanic yu'un te smulique, swenta yu'un jich me ya spasbotic perdón yu'un. Tey me neel ya xjajch' ta alel ta bay Jerusalén.

San Marcos 16:15

Jich albotic yu'un: —Baanic ta bayuc ta spamal balumilal. Cholbeya te lec yach'il c'op spisil te muc' biq'uite.

San Mateo 28:19

Jich yu'un, baanic, soc albeyaic te ya x'ochic ta jnopojel cu'un spisil ta jchajp te nacionetic, soc ac'beya yich'ic ja' ta swenta te Tatile, soc ta swenta te Nich'anile, soc ta swenta te Ch'ul Espiritue.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

2 Timoteo 4:17

Ja'uc me to, ja' teq'uel ta jts'eel te Cajwaltique soc la yac'bon yip co'tan. Jich ju' cu'un xcholel spisil te lec yach'il c'ope, soc la yaiyic stojol spisil te jyanlumetique. Jich la scoltayon loq'uel ta ye león-choj te Cajwaltique.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Romanos 10:18

Ja'uc me to, jich ya cal: “¿Yu'un bal ma ba yaiyojic stojol?”, xoon yu'un. Yaiyojic, te melel jich ya yal ta Sjun te Diose: “Ta swolol te balumilale pujq'uemix sc'oplal ta alel yu'unic; c'otix sc'oplal c'alal ta bay slajibal te balumilale”, te xie.

Salmos 67:2

swenta yu'un spisil nacionetic ta balumilal ya me sna'ic te sc'anjel awo'tane soc te colel awu'une.

Hechos 17:30

Te Diose, ma'yuc bila la yal yu'un te jich yipal c'aal ayiquix tel te ants-winiquetic te bit'il ma la sna'ic stojole. Yan ta ora to, ya spasix ta mandal spisil ants-winiquetic ta bayuc te ya sujt'es yo'tanique.

2 Timoteo 1:10

La yac' chicnajuc te yutsil yo'tan ta jtojoltic ta ora to te bit'il xtaluc te Jcoltaywanej cu'untique, ja' te Jesucristoe. Ja' xtaluc slajinbey yu'el te lajele, soc la yac' ta ilel ta swenta te lec yach'il c'op te bit'il ay cuxinel te ma xlaj sbajt'el q'uinale.