Tito 2:10 - Bible in Tzeltal de Oxchuc y Tenejapa

¹⁰ Soc ma me xyelc'anbeyic sbiluc te yajwalique. Ac'a me yaq'uic ta ilel te junajem yo'tanic ta stojole, swenta yu'un jich me ya xchicnaj te bit'il jelawen yutsil te p'ijubtesel yu'un te Diose te Jcoltaywanej cu'untique.

Nuevo Testamento Tzeltal de Amatenango

¹⁰ Ma me yauk yelkꞌanik sino ke tsꞌakaluk me ya yakꞌik ta jkuenta, yuꞌun jich me ya yilik ta spisilik te ben tsaꞌam te nojpesel ta skuenta te Dios te jKoltawanej kuꞌuntike.

Bible in Tzeltal Bachajón

¹⁰ Ma me xyelc'anic te yajwalic, ac'a me yaq'uic ta ilel te jun yo'tanic ta stojol, scuenta yu'un hich me lec ya xc'oht sc'oblal yu'unic a te bin ay ta nopbeyel sc'oblal Dios, te Jcoltaywanej cu'untique.

Tito 2:10 Referans Kwoze

San Mateo 5:16

Ja' nanix jich te ja'exe tilemex jichuc luz ta stojol te ants-winiquetique, melel teme ya yilic te lequil at'elil ya apasique, jich me ya yalbeyic yutsilal te Jtatic te ay ta ch'ulchane.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

2 Juan 1:9

Te mach'a ya xjowej baele, soc teme ya yijq'uitay te nopjibal yu'un te Cristoe, yu'un nanix ma ba xch'uunej Dios abi. Yan te mach'a ma xyijq'uitay te nopjibal yu'un te Cristoe, ja' xch'uunej te Jtatic Diose soc uuc te Snich'ane.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

1 Pedro 3:16

Lecuc me spisil te bila ya apasique. Jich me senel nax awo'tan ya awaiy yu'un. Swenta yu'un te mach'atic jowil nax ya yalbeyex amen ac'oplalic ta scaj te ach'uunejic te Cristoe, ya me xq'uexawic yu'un te bit'il ma meleluc te bila ya yalique.

Tito 1:3

Ta ora to, te bit'il la staix yorail yu'une, jich la yaq'uix ta na'el te bila yaloj ta swenta te c'op ac'boton ta jwenta xcholele. Jich quich'oj mandal yu'un te Diose te Jcoltaywanej cu'untique.

1 Timoteo 6:3

Teme ay mach'atic ya yac' ta nopel yan c'op te ma pajaluc soc te lequil c'op yu'un te Cajwaltic Jesucristoe soc te ma pajaluc soc te bila jch'uunejtique,

1 Timoteo 6:1

Spisil te mach'atic ayic ta mosoile, ac'a me yich'ic ta muc' ta melel te yajwalique, swenta yu'un jich ma ba ya yaq'uic ta toybac'optayel sbiil a te Dios soc swenta yu'un jich ma ba ya xbolob sc'oplal te bila ya cac'tic ta nopele.

1 Corintios 4:2

Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.

San Lucas 16:10

“Te mach'a jun yo'tan ya swentain te bila ya x'ac'bot ta swenta jtebuque, ja' nanix jich jun yo'tan ya swentain teme ay bila bayal ya x'ac'bot ta swentae. Yan te mach'a ma junuc yo'tan ya swentain te bila ya x'ac'bot ta swenta jtebuque, ja' nanix jich ma junuc yo'tan ya swentain teme ay bi bayal ya x'ac'bot ta swentae.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

Salmos 101:6

Ja' ya cac' bael jsit ta stojol te mach'atic jun yo'tanic, swenta yu'un joy me jba soc; ja' nax me ya yac' sba ta abatinel cu'un te mach'a toj ay ta q'uinal soc te xcuxlejale.

1 Samuel 26:23

Ja' me ac'a yac'botic stojol jc'abtic ta juju-jtul te Cajwaltic, chican teme ja' yacal jpasbeltic te bi mero stojil ta pasel, soc teme mero jun co'tantique. Manchuc me te Cajwaltic la yac'at ta jc'ab te naxe, ja'at te muc' ajwalilat cu'une, pero ma ba la jc'an la jyales jc'ab ta atojol, melel ja' nix tsabilat yu'un te Cajwaltique.

1 Timoteo 5:17

Te ancianoetic te lec ya x'at'ejic ta stojol te Diose, ac'a me yich' ich'el ta muc' ta c'axem to xan. Ja' bayal sc'oplalic te mach'atic yat'elinejic xcholel te sc'op Diose soc ta p'ijubteswanej.

1 Timoteo 1:1

Jo'on Pabloon te ayon ta jpuc-c'op yu'un te Jesucristoe ta swenta smandal te Diose, te ja' Coltaywanej cu'untique, soc uuc te Cajwaltic Jesucristo, te ja' smuc'ul co'tantic stuquele.

Filipenses 4:8

Quermanotac, slajibalix ya calbeyex in to: Ja' me xbajt' ta awo'tanic sna'ulayel spisil te bila melele, spisil te bila lec nax ta aiyel stojole, spisil te bila toj ta pasele, spisil te bila ma capaluc ta mulile, spisil te bila ay yutsile soc spisil te bila lec ac'oplal yu'une. Ja' me xbajt' ta awo'tanic sna'el spisil te bila leque soc spisil te bila t'ujbile.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

1 Samuel 22:14

Te Ahimelec la sjac'bey te sc'op muc' ajwalil: —Ta spisil te jayeb jtsobwanej-soldadoetic awu'une, ¿mach'a yan pajal jun yo'tan ta atojol jich te bit'il te Davide? Soc xan ja' aniale, soc ja' swentainej te jcanantaywanej-soldadoetic awu'un, soc buen ich'bil ta muc' ta ana.

San Juan 12:6

Te bit'il jich la yal te Judase, ma yu'unuc ayuc sc'oplal ta yo'tan te me'baetique. Yu'un ja' ay ta yo'tan te eleq'ue. Melel ja' scanantayej te yawil staq'uinique, soc c'aem ta yelc'anel te taq'uine.

San Lucas 1:47

Bayal sbujts' co'tan ta swenta te Diose te Jcoltaywanej cu'une,

San Lucas 1:80

Ch'i te alale, soc la yich' yip te yo'tane. Ain ta jochol taquin q'uinal, ja' to te c'alal la sta yorail te bit'il la yac' sba ta ilel ta stojol te lum Israele.

Tito 3:4

Ja'uc me to, te Diose te Jcoltaywanej cu'untique la yac' ta ilel te bit'il ay yutsil yo'tan soc xc'uxul yo'tan ta jtojoltic soc spisil te ants-winiquetique.