Tito 1:9 - Bible in Tzeltal de Oxchuc y Tenejapa

⁹ Soc ya sc'an te ma xyac' ch'ayuc ta yo'tan te lequil c'op te ac'bot snope, swenta yu'un jich me ya xju' yu'un stac'uyel a te yantic ta swenta te lequil p'ijubtesele. Soc jich me ya xju' yu'un scomel ta c'op te mach'atic ya scontroinic te lequil p'ijubtesele.

Nuevo Testamento Tzeltal de Amatenango

⁹ Ya skꞌan te yakꞌoj ta yoꞌtan te skꞌoplal te batsꞌi jich a aꞌbot snope, yuꞌun jich me ya xjuꞌ ya yaꞌbe spuersa yoꞌtan ekꞌa te yanetik sok te lekil nojpesele, y jich me ya xjuꞌ yuꞌun skomel te machꞌatik ya xkontrainwan ta kꞌope.

Bible in Tzeltal Bachajón

⁹ Ya sc'an te jc'axel yac'oj ta yo'tan te lequil c'op te a'bot snop, scuenta yu'un hich ya xhu' yu'un stsitsel ta scuenta lequil nohptesel soc ya xhu' yu'un sutbeyel sc'op te mach'atic ya xcontrac'optayot yu'une.

Tito 1:9 Referans Kwoze

2 Tesalonicenses 2:15

Jich yu'un quermanotac, ayuc me yip awo'tanic ta spisil ora. Ma me xch'ay ta awo'tanic te bila la cac'beyex anopique, chican teme ta que la calbeyexe, o ta carta te la cale.

2 Timoteo 1:13

Ma me xawac' ch'ayuc ta awo'tan te lequil c'op te awaiyoj stojol cu'une. Jujun c'aal ayuc me xch'uunjel awo'tan soc xc'uxul awo'tan ta swenta te Cristo Jesuse.

1 Timoteo 6:3

Teme ay mach'atic ya yac' ta nopel yan c'op te ma pajaluc soc te lequil c'op yu'un te Cajwaltic Jesucristoe soc te ma pajaluc soc te bila jch'uunejtique,

1 Timoteo 1:10

soc mach'atic ya xyalic ta mulile, soc te mach'atic sjoy sbaic nax ta winiquil te ya yuts'inbey sba sbaq'uetalique, soc te mach'atic ya sleic ants-winiquetic te ya yelc'anic baele, soc te jpas-lotetique, soc te mach'atic ya yac' sbaic ta yalel lotil testigo-c'op, soc xan te mach'atic ya scontroinic te lequil p'ijubtesele.

Apocalipsis 3:3

Na'a me xan te bila la awaiy stojol te la ach'uune. Canantaya me, soc sujt'esa me awo'tan. Teme ma x'awic' asite, ya me xtalon ta atojol jich te bit'il ya xtal te j'eleq'ue, yu'un ma na'biluc awu'un te bi ora ya xtalone.

1 Timoteo 1:15

Mero melel in to te ya sc'an ya yich' ch'uunel te ja' xtaluc ta balumilal yu'un scoltayel jmulawiletic te Cristo Jesuse. Jich bit'il te jo'one, ja' c'ax bayal te jmule.

Tito 2:1

Te ja'ate, ja' me x'awat'elin yalel te lequil nopjibale.

Tito 1:11

Ya sc'an ya yich' maquel yeic te mach'atic jich ya spasique. Yu'un ay sjunal snaic te jnopojeletic te yantesbilix yo'tanic yu'unique. Yu'un ya yaq'uic ta nopel te bila ma lecuque. Scaj nax slo'layel taq'uin te jich ya spasique.

2 Timoteo 4:3

Melel ya me sta yorail te ma sc'an yaiyic stojol te lequil p'ijubtesele. Ta scaj sbic'tal yo'tanic ya xcaj stsobic p'ijubteswanejetic te ya yaq'uic ta nopel te bila mulanbil ta aiyel stojol yu'unique.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Job 2:3

Jich albot yu'un te Cajwaltic: —¿Ay bal la awilbon te cabat Job? Ma'yuc mach'a yan pajal yo'tan soc ta balumilal, melel jun yo'tan yac'oj sba ta abatinel ta jtojol, soc mero toj yo'tan cuxul ta q'uinal, ma'yuc bila amen spasoj, soc stsajtayej sba te ma'yuc mach'a ya yuts'in. Manchuc me la awac'bon jtojol-lajinbey spisil bitic ay yu'un soc spisil snich'nab, pero stalel jun yo'tan, ma xwejt' bila ya calbeytic ta stojol —xi'.

Apocalipsis 3:11

Ya me xtalon ta ora nax. Canantaya me te bila ay awu'une, swenta yu'un ma'yuc mach'a yan ya yich'bat te acoronae.

Apocalipsis 2:25

Ja'uc me to, spisil ora ma me xawac' ch'ayuc te bila ach'uunejique, ja' to te c'alal ya xtalone.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

2 Timoteo 2:25

soc te lamal yo'tan ya stojobtes te mach'atic ya xcontroinwanique, soc ya smaliy yil teme ayuc bit'il ya sujt'es yo'tanic ta stojol te Diose swenta yu'un ya me sna'ic uuc te smelelil c'ope.

2 Timoteo 2:2

Spisil te bila calojbat awaiy ta stojol tsobol testigoetique, ja' me xawac'bey snopic uuc te winiquetic te jun yo'tanic ta stojol Dios, te ya xju' yu'unic yaq'uel ta nopel ta stojol uuc te yantique.

1 Timoteo 4:9

Mero melel in to, soc ya sc'an ya yich' ch'uunel cu'untic spisil.

1 Timoteo 1:19

Ma me xawac' ch'ayuc te xch'uunjel awo'tane. Junuc me awo'tan x'ainat ta stojol Dios, yu'un ay mach'atic ch'ayix xch'uunjel yo'tanic ta stojol Dios.

Hechos 18:28

Melel te Apolose, bayal yip te sc'ope. Tulan la yalbey ta jamal ta comonsitil te judioetique, soc la yac'bey yil te bila ts'ibubil ta Sjun Dios te ja' Cristo te Jesuse.

Job 27:6

Ma ba ya jquejch'an yalel te toj ayon, melel ma'yuc bi ya stijbon ta c'op ya caiy te co'tane.

1 Corintios 14:24

Yan teme apisilic ya awaiyic j'alwaneje, teme ya x'och tel ta awolilic te mach'atic ma p'ijubtesbiluque soc te mach'atic ma to bay xch'uunejic te Diose, jich me ya sna'ic stojol te bit'il jmulawiletique, soc jich me ya xjajch' sujt'es yo'tanic yu'un te smulique te bit'il yacalic ta yaiyel stojol te bila ya awalique.

2 Timoteo 3:14

Ja'uc me to, te ja'ate ma me xawijq'uitay te bila anopoj soc te bila ach'uuneje, melel ana'oj te mach'atic la yac'bat anope.