Tito 1:8 - Bible in Tzeltal de Oxchuc y Tenejapa

⁸ Ja' ya sc'an te ay yutsil yo'tan ya xnajc'anwane, te toyol yo'tan yu'un te bila lec ta pasele, te ma xjelawe, te toj yac'oj sba ta q'uinale, te ch'ulajem yo'tane, te ya sna' scomel sba ta stuquele.

Nuevo Testamento Tzeltal de Amatenango

⁸ Ya skꞌan te jun yoꞌtan ya xꞌotseswan ta snae, sok te jun yoꞌtan yuꞌun te tut leke, sok te ay lek spꞌijile, sok te toj aye, sok te ben lek ta stojol Diose, sok te stukel ya snaꞌ tut ya skom sbae.

Bible in Tzeltal Bachajón

⁸ Ha ya sc'an te ya x'otseswan ta sna, te c'ux ta yo'tan te bin lec, te ya stsahtay sba, toj yo'tan, ch'ultesbil, soc ya xhu' scomel sba.

Tito 1:8 Referans Kwoze

1 Timoteo 3:2

Jich yu'un te mach'a ya yich' yat'el ta jwentainwanej, ya sc'an te mero lec sc'oplal, soc te jtul nax ants nujbinem ta q'uinal soque, te ya sna' stsajtayel te yo'tane, te ma xjelaw ta c'ope, te lec yat'ele, te ay yutsil yo'tan ya xnajc'anwane, soc te ay sp'ijil yo'tan ta p'ijubteswaneje.

Tito 2:7

Soc te ja'ate ac'a me ta ilel lequil ejemplo ta swenta te lequil at'elile. Te c'alal ya ap'ijubtese, ts'acal me xawal, soc bayaluc me sc'oplal ta awo'tan.

1 Reyes 5:7

C'alal la yaiybey te sc'op Salomón te Hiram, bin nax yo'tan yu'un. Jich la yal: —Yo'tic wocol la yal Cajwaltic, te la yac'bey jtul snich'an te David te ay bayal sp'ijil yo'tan ta swentainel te buen muc'ul lume —xi'.

1 Juan 5:1

Spisil mach'a xch'uunej te ja' Cristo te Jesuse, ja' me ayinem ta swenta Dios abi. Spisil mach'a c'ux ya yaiy ta yo'tan te tatile, ja' nix jich c'ux ya yaiybey ta yo'tan uuc te yal-snich'nabe.

1 Juan 3:14

Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

1 Timoteo 4:12

Ma me ayuc mach'a ya sp'ajat yu'un te bit'il jch'iel winicat toe. Ac'beya me yilic te bila lec ta pasel te mach'atic xch'uunejic te Diose. Ja' bi, lecuc me te ac'ope soc te awat'ele, soc ayuc me xc'uxul awo'tan soc yutsil awo'tan soc xch'uunjel awo'tan, soc ma me ayuc mulil ta awo'tan.

1 Tesalonicenses 2:10

Te ja'exe testigoex cu'un soc ja' testigo uuc te Diose, te bit'il ch'ultesbil co'tan soc toj nax ainon ta atojolic ja'ex te ch'uunjelexe. Ma'yuc bay la jta jmul ta atojolic.

Salmos 16:3

Te yajcananic te ay ta jlumale, bayal yu'el ta sc'opic, jich ya yalic te mach'atic bin nax yo'tanic yu'un.

1 Reyes 5:1

Te Hiram, muc' ajwalil yu'un lum Tiro, la yaiy stojol te la yaq'uiquix ta muc' ajwalil te Salomón swenta sjelol te anima David, ja' te state. La sticun abatetic yu'un ta stojol, melel te Hiram spisil ora lec yo'tan ta stojol David.

1 Samuel 18:1

Te c'alal laj yo'tan ta c'op Saúl soc te David, te Jonatán mero jun xch'ulel la yaiy sba soc David, jich c'ux la yaiy ta yo'tan te bit'il c'ux ya yaiy sba stuquele.

2 Timoteo 3:3

Ma'yuc xc'uxul yo'tanic, soc ma xju' ta utstesel yo'tanic. Jowil jle-muliletic, ma sna' scombel sbaic, c'ax jelawenic ta uts'inwanej, soc sp'ajojic spisil te bila leque.

2 Timoteo 2:22

Ma me xac'ain spasel te bila amen ya smulanic spasel te jch'ieletique. Ja' me xbajt' ta awo'tan te toj ya x'ainate, soc te ayuc lec xch'uunjel awo'tan soc xc'uxul awo'tan, soc te lamaluc q'uinal awu'un. Joina te mach'atic lec yo'tanic te ya yalbeyic wocol te Cajwaltique.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

San Lucas 2:25

Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

Hechos 24:25

Te Pablo la yaanbey yaiy te bit'il ya sc'an te toj ya x'ainotic ta q'uinale, soc te bit'il ya sc'an ya jna'tic scomel jbatic ta jtuqueltique, soc te bit'il ya sta yorail te ya yilbotic cat'eltic juju-jtulotic te Diose. Tey nax caj ta xiwel yu'un a te Felixe. Jich la yalbey: —Lec ay, baanix. Ya me jticunat xan ta iq'uel te bi ora ya xjojch'ajone —la yut bael.