Tito 1:7 - Bible in Tzeltal de Oxchuc y Tenejapa

⁷ Melel te mach'a yich'oj yat'el ta jwolwanej yu'un te jch'uunjeletique, ja' swentainejbey sna sbiluc te Diose. Jich yu'un ya sc'an te ma'yuc bi quechel ta swentae, te ma toybauque, te ma jlemuc ta c'ope, te ma xyaiy yacubele, te ma c'aemuc ta xjajch'esel te c'ope, soc te ma smulan slo'layel te taq'uine.

Nuevo Testamento Tzeltal de Amatenango

⁷ Yuꞌun te machꞌa yichꞌoj yaꞌtel ta statalil yuꞌun te hermanoetike, jaꞌ ay yaꞌtel yuꞌun ta skanantayel te tutik yuꞌun te Diose. Jaꞌ yuꞌun ya skꞌan te tojuk ay bael te xkuxlejale. Ma me toybauk, ma me orauk ya xꞌilin, sok ma me wakꞌ yakubuk, ni ma me tojoluk pleto, sok ma me xbikꞌtaj yoꞌtan yuꞌun sloꞌlayel takꞌin.

Bible in Tzeltal Bachajón

⁷ Te anciano ya sc'an te mayuc bin ya sutot ta c'op yu'un, como ha scuentahinej te bin ay yu'un Dios; ma sc'an te ya stoy sba, te ya x'ilin ta ora, ya sc'an te ma xya'iy yacubel, ma ba ya shach c'op, ma ba ya sbic'sitay te bin ma stojiluc ta stahel taq'uin.

Tito 1:7 Referans Kwoze

2 Pedro 2:10

C'axem to xan ya me yac'bey castigo ta patil spisil mach'a yat'elinejic spasel te biluc muliluc te ya smulan sbaq'uetalique soc te ma sc'an yajwalinic te Cajwaltique. Tulan yo'tanic, ma'yuc q'uexlal ta yo'tanic, ma xi'ic stoybac'optayel te mach'atic cajal yu'elic ta ch'ulchane.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

1 Pedro 5:2

Canantayaic te chijetic yu'un Dios te ay ta awentaique. At'ejanic ta spasemal awo'tanic, melel jich ya sc'an yo'tan te Diose. Ma me sujbiluquex ta spasel, soc ma me ta scajuc nax taq'uin te ya x'at'ejexe. Ja' ya sc'an te binuc nax me awo'tanic ta spasele.

1 Pedro 4:10

Jech abatina abaic juju-jtul, chican bila majt'anil ac'bilex yu'un te Diose. Melel ya sc'an te ya awac' abaic ta abatinel ta stojol te yantique, chican te bit'il ac'bilex yu'un te Diose.

San Lucas 12:42

Jich la yal te Cajwaltique: —¿Mach'a a te mayordomo te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale soc te ya spucbey te bila ya xtuun yu'unic te jujun buelta te ya yich'ique.

Ezequiel 44:21

Te sacerdoteetic, ma me ayuc jtuluc ya xju' ya yuch'ic vino te c'alal ya x'ochic bael ta amac' te ay ta yutile.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

Proverbios 14:17

Te mach'a ora nax ya x'ilin, ma sna' snopel bi ya spas; yan te mach'a ya sna' snopele, ja' ya sc'an te lamal nax te q'uinale.

Proverbios 15:18

Te mach'a ora nax ya xjelaw ta spasel te bila ya sc'an yo'tane, jajch'esej-c'op ay; yan te mach'a ya xcujch' yu'une, ya slamantes c'op stuquel.

Tito 2:3

Ja' nanix jich uuc te jme'tiquetique. Ya sc'an te buen lec ayic ta q'uinale, te ma xlewanic ta c'ope, te ma smosoinotic yu'un te yacubele, soc te ja' ya yaq'uic ta nopel te bila lec ta pasele.

Tito 1:5

Te bit'il la quijq'uitayat jilel ta bay sq'uinal Creta, ja' swentail te ya me alajin ta chajbanel te bila quechel jilel ta chajbanele, soc ta juju-jpam lum ay me mach'atic ya awac'bey yich' yat'elic ta ancianoil yu'un te jch'uunjeletique, jich bit'il te la calbat jilel mandale.

Filipenses 1:1

Jo'on Pabloon soc te Timoteo te abatotic yu'un te Jesucristoe, ya jpatbeyex awo'tanic ja'ex te ch'ul lumex yu'un te Diose soc te jun ayex soc te Cristo Jesús, te ayex ta lum Filipos soc te jwentainwanejetic awu'unic soc te diaconoetique.

San Mateo 24:45

“¿Mach'a a te abat te jun yo'tan soc te ay sp'ijile? Ja' te ya x'ac'bot swentain te abatetic yu'un te yajwale, soc te ya yac'bey swe'elic ta mero yorail ta jujun buelta te ya xwe'ique.

Eclesiastés 7:9

Ma me xawac' stsalat ilimba; melel te ilimbae, ja' yu'un stuquelic te ants-winiquetic te ma sna'ic q'uinale.

Proverbios 16:32

Ja' lec te lamal co'tantic, ma ja'uc lec te tulan ya cac' jbajtique; ja' lec te jtuqueltic ya jpas jbajtic ta mandal, ma ja'uc lec te ya jtsaltic bayal lumetique.

Levítico 10:9

—Te bi ora ya x'ochat soc anich'nab ta yutil Nailpac' te banti ya quich' c'oponele, ma me xju' ya awuch'ic vino, soc ma me xju' ya awuch'ic tulan uch'balil, melel ya me xlajex yu'un. Ja' mandalil te ma'yuc bi ora ya xlaj sc'oplale, ya me xc'ax ta stojolic tatiletic soc ta stojol alnich'anetic,

Génesis 49:6

Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.