Tito 1:6 - Bible in Tzeltal de Oxchuc y Tenejapa

⁶ Te mach'a ya xju' ya yich' yat'el ta ancianoile, ja' me te mach'a ma'yuc bi quechel ta swentae, soc te jtul nax ants nujbinem ta q'uinal soque, soc te xch'uunejic Dios uuc te snich'nabe, soc te ma'yuc banti jchijil-joletic soc jch'ay-mandaletic xi' sc'oplal te snich'nabe.

Nuevo Testamento Tzeltal de Amatenango

⁶ Te machꞌa ya jxuꞌ ya yichꞌ yaꞌtel ta ansianoe, jaꞌ te maꞌyuk tut kechel ta skuentae. Ya skꞌan te jtul nax ants nujpunem soke, y ya skꞌan te puru xchꞌuunej Dios te yuntikile, y ma me jaꞌuk ya xmulawik o te ma xꞌakꞌawanik ta jkuentae.

Bible in Tzeltal Bachajón

⁶ Te anciano ya sc'an te mayuc bin ya sutot ta c'op yu'un, te jtuhluc nax yihnam, te sch'uhunej Dios te yal-snich'nab soc ma ba ya xhalbot sc'oblalic te ha chopol stalelic soc jc'axun-mandaretic.

Tito 1:6 Referans Kwoze

1 Timoteo 3:12

Te diaconoetique ya sc'an te jtul nax ants nujbinem soque, soc te lec ya xmandalajic ta stojol te snich'nabique soc ta stojol spisil te mach'atic ay ta snaique.

Tito 1:10

Melel ay tsobolic te jtoybaetique. Ya yalic jontol aiyejetic, soc ya xlo'laywanic, c'axem to xan te mach'atic yich'ojic circuncisione.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Ezequiel 44:22

Ma me xju' ya xnujbinic soc me'ba ants o ants te sujt'esbil jilel yu'un te smamlale. Ja' nax me ya xju' ya xnujbinic soc te mero ach'ix israele, o me'ba ants te inaminot yu'un sacerdote.

Levítico 21:7

“Soc ma me xju' ya xnujbinic soc jmulawil ants, o te mach'a yich'oj tsaquel, o te mach'a ijq'uitaybilix ta winique; ma me xju' ya yic' yinaminic, melel te sacerdote ch'ultesbilic ta jtojol te Dioson yu'unique.

1 Tesalonicenses 5:14

Soc ya calbeyex xan wocol, quermanotac, tac'uyaic me te mach'atic ch'ajetique, tulantesbeyaic yo'tanic te mach'atic ma'yuc yip yo'tanique, coltayaic me te mach'atic peq'uel yo'tanique, soc ma me jtebuc nax stael awo'tanic ta stojol spisilic.

San Lucas 1:5

Te c'alal ochem ta muc' ajwalil ta bay sq'uinal Judea te Herodese, ay jtul sacerdote te Zacarías sbiile te ay ta jtijc' sacerdoteetic te yich'ojbeyic sbiil te Abiase. Te yinam te Zacariase, Elisabet sbiil, ja' sts'umbal uuc te namey q'uinal sacerdote Aarone.

Proverbios 28:7

Te mach'a xch'uunej te mandalil yu'un Dios, ja' te nich'anil ya stsajtay sba; yan te mach'a ja' nax baem ta yo'tan sjoinel te mach'atic ma'yuc bi lec ya spas ta q'uinal, ya yac' ta q'uexlal te state.

1 Samuel 2:22

Yan te Elí mero mamalix a, pero spisil yaiyoj te bi yacalic ta spasel ta stojol spisil israeletic te snich'nabe, soc yaiyoj te ya xwayic soc te antsetic yac'oj sbaic ta abatinel ta yochibal te Nailpac' te banti ya yich' c'oponel te Cajwaltique.

1 Samuel 2:11

Patil sujt' bael ta sna ta Ramá te Elcana, pero te alalquerem jilix ta at'el ta stojol Dios, ja' abatinot yu'un te sacerdote Elí.

Levítico 21:14

Ma me xju' ya xnujbin soc me'ba ants, te ijq'uitaybil yu'un winic, te yich'oj tsaquel, o te jmulawil antse. Te yinam ya me sc'an te mero ach'ix to te ja' nix te slumale,

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

1 Timoteo 1:9

Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,