Tito 1:4 - Bible in Tzeltal de Oxchuc y Tenejapa

⁴ Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Nuevo Testamento Tzeltal de Amatenango

⁴ Ya jtsꞌibabeyat te karta to, Tito, te batsꞌi jnichꞌanat kꞌoeme, sok te jun nax te xchꞌuunel koꞌtantik ta jchebaltike. A me yaꞌbeyat slekil yoꞌtan te Jtatik Dios y sok te Kajwaltik Jesucristo te jKoltawanej kuꞌuntike y sok te bujtsꞌan kꞌinal ta atojole.

Bible in Tzeltal Bachajón

⁴ Ta stojol Tito, te mero jnich'an ta scuenta te bin ay ta ch'uhunel ta comon. Ayuc me ta atojol te yutsil-o'tanil, xc'uxul-o'tanil soc lamal q'uinal yu'un te Jtatic Dios soc te Cajwaltic Jesucristo, te Jcoltaywanej cu'untique.

Tito 1:4 Referans Kwoze

2 Timoteo 1:2

Ya jts'ibubat in carta to, Timoteo, ja'at jnich'anat te c'uxat ta co'tane. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat soc lamaluc me q'uinal ya awaiy yu'unic spisil ora.

Judas 1:3

Quermanotac te c'uxex ta co'tane, ay ta co'tan te ya jts'ibubeyex ta carta te bit'il ay sc'oplal te jcoleltic te pajal ay ta jwentatique, Ja'uc me to, la jnop te ja' lec ya jts'ibubeyex carta ta ora naxe. Yu'un ya jtac'uyex te ya me xc'opojex yu'un te xch'uunjel awo'tanic te jc'axel awac'ojiquix ta stojol Dios soc spisil te mach'atic ch'ul lum yu'un te Diose.

2 Pedro 1:11

Jich me muc' nax ya xjambotex ochel sbelal ta bay ay ta muc' ajwalil sbajt'el q'uinal te Cajwaltic Jesucristoe, te Jcoltaywanej cu'untique.

2 Pedro 1:1

Jo'on Simón Pedroon, yabaton te Jesucristoe soc jpuc-c'opon yu'un. Ya jpatbeyex awo'tanic ja'ex te ay xch'uunjel awo'tanic, te jelawen yutsil jich te bit'il jch'uunejtique. Melel te Diose soc te Jcoltaywanej cu'untique, ja' te Jesucristoe, toj yo'tan stuquel.

2 Corintios 2:13

Ja'uc me to, ma la yich' lewa te co'tane, yu'un ma la jta tey a te quermanotic Titoe. Jich la jpatbey jilel yo'tanic, boon ta sq'uinal Macedonia.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

2 Corintios 8:23

Jich bit'il te Titoe, ja' joy jba ta at'el soc ta atojolic. Soc te cheb xan quermanotactique, ja'ic ticunbilic yu'un spisil te jch'uunjeletic li'to, soc ja' yac'ojic ta ich'el ta muc' te Cristoe.

Romanos 1:12

Ja' ya cal te pajal me ya jech jmuc'tesbey jbatic q'uinal caiytic ta juju-jtul ta swenta te bit'il pajal ay xch'uunjel co'tanique.

San Juan 4:42

Jich caj yalbeyic ts'iin te antse: —Ta ora to la jch'uuntiquix. Ma ja'uquix ta swenta te bila la awalbotic te ja'ate, melel jo'otic la caiytiquix stojol te sc'ope. Jich la jna'tiquix te melel nix a te ja'ix te Cristo te Jcoltaywanej yu'un spisil te mach'atic ayic ta balumilale —la yutic.

1 Juan 5:14

Jich ay smuc'ul co'tantic ta stojol te Diose. Teme ay bila ya jc'anbeytic ta swenta te sc'anjel yo'tane, ya me yaiybotic stojol.

2 Pedro 3:2

Ma me xch'ay ta awo'tanic te bila yalojic ta neelal to te ch'ul j'alwanejetique soc te smandal te Cajwaltic te Jcoltaywanej cu'untique, te la yac'beyex anopic te jpuc-c'opetique.

2 Pedro 2:20

Te mach'atic la sna'beyiquix sba te Jesucristoe te ja' Cajwaltic soc ja' Jcoltaywanej cu'untic stuquele, jich colemiquix loq'uel tey a ta bay sbolil te balumilale. Ja'uc me to, teme patil ya xcha'sujt'ic xan ta spasel te bila jil yu'unic ta neelale soc teme ya x'u'uninotic xan yu'une, c'axem to xan jich ya xbolobic a te bit'il ayic ta neelal toe.

Tito 1:3

Ta ora to, te bit'il la staix yorail yu'une, jich la yaq'uix ta na'el te bila yaloj ta swenta te c'op ac'boton ta jwenta xcholele. Jich quich'oj mandal yu'un te Diose te Jcoltaywanej cu'untique.

Colosenses 1:2

Ya jpatbeyex awo'tanic quermanotac, te ch'ul lumex yu'un te Diose soc te jun awo'tanic ach'uunejic te Cristo te ayex ta lum Colosae. Ac'a yac'beyex yutsil yo'tan soc lamal q'uinal ta atojolic te Jtatic Diose.

Efesios 1:2

Ac'a yac'beyex yutsil yo'tan te Jtatic Dios soc te Cajwaltic Jesucristoe. Lamaluc me q'uinal ya awaiyic yu'un spisil ora.

Gálatas 2:3

Manchuc me griego-winic te Tito te sjoinejone, ma la sujic ta yich'el te circuncisione.

2 Corintios 12:18

Te c'alal la calbey wocol te Tito soc jtul xan quermanotic te ba yilexe, ¿Ay bal la slo'layex? Melel ta jchebal soc te Titoe ¿ma bal pajal co'tan soc? ¿Ma bal junuc nax be jt'unoj soc?

2 Corintios 8:16

Ja'uc me to, wocol la yal Dios te bit'il la yac' sna'ex ta yo'tan te Titoe, jich te bit'il bayal ya jna'ex te jo'one.

2 Corintios 8:6

Jich yu'un la calbeytiquix wocol te Titoe, yacuc xba sju'tes ta stsobel te coltayele, te ja' nix neel jajch' stsob ta awolilique.

2 Corintios 7:6

Ja'uc me to, te Diose ya me smuc'tesbey q'uinal yaiyic te mach'atic peq'uelique, ja' la smuc'tesbotic q'uinal caiytic te c'alal jul te Titoe.

2 Corintios 4:13

Jich te bit'il ts'ibubil ta Sjun te Diose: “La cac' xch'uunjel co'tan, ja' swentail te jich la cale”, te xie. Jich jch'uunejtic uuc te jo'otique, soc ja' swentail te jich ya caltique.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

San Lucas 2:11

Ajc' to nax yayinel ta bay slumal David te Jcoltaywanej awu'unique, ja' te Cajwaltic Cristoe.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Gálatas 3:28

Jich ma'yuquix judio, o griego, soc ma'yuquix moso o teme ay ta libre, soc ma'yuquix sc'oplal teme winic o teme antse. Melel jun nax c'oemex ta apisilic ta stojol te Cristo Jesuse.

1 Timoteo 1:12

Ya calbey wocol te Mach'a la yac'bon yip co'tane, ja' bi ja' te Cajwaltic Jesucristo. Yu'un te bit'il la yil te jun nax co'tane, jich la yac'bon quich' cat'el,

2 Timoteo 1:1

Jo'on Pabloon te ayon ta jpuc-c'op yu'un te Jesucristoe, ticunbilon ta swenta sc'anjel yo'tan Dios, te yalojix te ja' nax ay cuxlejal ta swenta te Cristo Jesuse.

2 Timoteo 4:10

Melel te Demase, la spijt'esonix jilel scaj te bic'tajix yo'tan yu'un te bila swenta nax in balumilal to. Jich bajt'ix ta lum Tesalónica. Te Crescente bajt'ix ta sq'uinal Galacia. Te Tito bajt'ix ta sq'uinal Dalmacia.

Tito 2:13

Ya sc'an ya jmaliytic spisil ora te bila jelawen yutsil ya xc'ot ta pasele. Ja' bi ja' te ya xchicnaj tel soc yutsil yu'el te mach'a muc' Dios te ja' Jcoltaywanej cu'untique, ja' te Jesucristoe.