Tito 1:16 - Bible in Tzeltal de Oxchuc y Tenejapa

¹⁶ Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.

Nuevo Testamento Tzeltal de Amatenango

¹⁶ Ya yalik te snaꞌojbe sba te Diose. Pero ta skuenta te tut ya spasike, ya xchiknaj te ma snaꞌbe sbae. Jpꞌajawetik sok jkꞌaxintawanejetik. Ni ma xjuꞌ yuꞌun spasel te tut lek ta pasele.

Bible in Tzeltal Bachajón

¹⁶ Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

Tito 1:16 Referans Kwoze

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Judas 1:4

Yu'un ay mach'atic te ju' yu'unic te la slo'layex te muquen ochemiquix ta awolilique. Ja'uc me to, namey ts'ibubilix jilel sc'oplalic ta Sjun Dios te quechelic ta yich'el castigoe. Melel c'ax amen te yo'tanique. Syantesejiquix ta slejibal smulic te bit'il ayotic ta c'uxtayel yu'un te Diose. Ma xyaq'uic ta ich'el ta muc' te Cajwaltic Jesucristoe, te ja' nax cajal yat'el stuquele.

Romanos 1:28

In te bit'il ma la sc'an sna'beyic sba ta melel te Diose, jich ijq'uitayotic yu'un Dios. Jich jowejic ta jyalel, ja' la spasic te bila ma jichuc ya sc'an pasele.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

1 Timoteo 5:8

Te mach'a ma xyac'bey te bila ya xtuun yu'un te mach'a ay yu'une, soc c'axem to xan te mach'a ay ta snae, tojol ya yal te ay xch'uunjel yo'tane. C'ax jich smul c'oem a te bit'il te mach'a ma xch'uunejuc te Diose.

Isaías 58:2

Jujun c'aal ya nax sleonic, bin nax me yo'tanic yilel ta sna'beyel sba te beetic cu'une. Jich me c'oemic te bit'il lum te ya spas te bila leque, te yich'ojic ta muc' te mandaliletic cu'une. Ya sc'anbonic mandaliletic te tojique, soc bin nax yo'tanic yilel te ya xnoptsajic ta jtojole.

Isaías 48:1

“Aiya awaiyic stojol te bi ya cale, ja'ex te sts'umbalex Jacob, te ja' abiilinej te Israel, soc sts'umbalex Judá. Teme ay bila ya awalic ta jamal, ja' nax ya awalic ta swenta te Cajwaltique; ya ac'oponic te Dios yu'un Israel, manchuc me ma'yuc bila smelelil ni stojil ta awo'tanic.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

Job 15:16

ja'uc to balix a jiche te winic te boloben soc te ilaybil sba, te ya yuch' c'oem te bila amen te bit'il ay ta uch'el te ja'e.

1 Timoteo 1:9

Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,

Números 24:16

yu'un yaiyoj stojol te bila ya yal te Diose, yiloj te bi yilel te mach'a toyol aye, melel ay bila ya x'ac'bot yil yu'un te Dios te Spisil ya xju' yu'une.

Jeremías 6:30

Ac'a me sbiilinic: “Plata te ch'ojbilix baele”, xi'. Melel te ja'at Cajwal, la ach'ojix bael.

Proverbios 30:12

Ay mach'atic ya scuy sbaic te mero ma'yuc smulic; ja'uc me to, ma ba yac'oj sbaic ta lecubtesel te bila bolobenic yu'une.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.

Jeremías 5:2

Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

Jeremías 12:2

Ja'at ya ats'un, ja' ya yac' yisimic ta lum, ya xmuc'ubic soc ya sitinic. Ta puro c'op nax ta yolq'uinal ya yich'at ta muc'; ja'uc me to, ma'yucat ta mero yutil yo'tan.

2 Timoteo 3:17

soc swenta yu'un jich me chapal ya xc'ot te yabat te Diose. Jich me p'ijuben ta lec ta spasel spisil te lequil at'elile.

Tito 3:1

Albeyaic xan te ya sc'an ya yich'ic ta muc' te ajwaliletique soc spisil te mach'a yich'oj yat'elique. Ac'a xch'uunbeyic smandal, soc toyoluc me yo'tanic ta spasel spisil te lequil at'elile.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.