Tito 1:15 - Bible in Tzeltal de Oxchuc y Tenejapa

¹⁵ Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

Nuevo Testamento Tzeltal de Amatenango

¹⁵ Yuꞌun te machꞌatik lek ay spensarike, lek skꞌoplal yuꞌunik spisil tutik ay. Pero te machꞌatik ma xchꞌuunike, ni ma lekuk te spensarike, sok maꞌyuk tutꞌil lek skꞌoplalik yuꞌunik. Yuꞌun lom ijkꞌubenik te spensarike y te tut ya snaꞌike.

Bible in Tzeltal Bachajón

¹⁵ Spisil mach'atic lec yo'tanic, lec sc'oblal yu'unic spisil bintic ay, yan te mach'atic bohloben yo'tanic soc te ma sch'uhunic Dios, mayuc bin lec sc'oblal yu'unic, como bohloben sjolic soc yo'tanic.

Tito 1:15 Referans Kwoze

Romanos 14:14

Te jo'one, jna'oj stojol ta swenta Cajwaltic Jesús, te ma'yuc we'elil te ya xju' ya xbolob jc'oplaltic ta stojol Dios yu'une. Yan teme ay mach'a jich c'oem ta yo'tan te ya xbolob sc'oplal yu'un te we'elile, yu'un nanix amen teme ya stuuntese.

Romanos 14:20

Ma me xajinbey yat'el Dios ta swenta te we'elile. Melel spisil ta jchajp te we'elile, lec sc'oplal. Ja'uc me to, ja' ma lecuc teme ya ayales ta mulil yantic ta swenta te bit'il ya xwe'e.

1 Corintios 10:23

Jich ay ta alel: “Libre ay yu'un spasel te bila ya sc'ane”, te xie. Melel nix a. Ja'uc me to, ma spisiluc lec ta pasel. Jich, libre ay yu'un spasel te bitic ya sc'ane. Ja'uc me to, ma xmuc'ubic ta stojol Dios yu'un.

San Mateo 15:18

Yan te bila ya xloc' tel ta awe'ique, ta awo'tanic ya xjajch' tel stuquel. Ja' amen ac'oplal ya xc'oex ta stojol Dios yu'un.

Romanos 14:23

Yan teme ay mach'a ya x'ayan yo'tan yu'un te bila ya swe'eline, jich me ya sta smul ta stojol Dios a, melel ma ta swentauc xch'uunej yo'tan ya spas. Spisil te bitic ma ja'uc ta swenta xch'uunjel-o'tanil te ya yich' pasele, ja' mulil abi.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Hechos 10:15

Soc c'oponot xan ta xchebal buelta te jich la yale: —Te bila lecubenix yu'un te Diose, ma me xawal te ma lecuc sc'oplale —xi'.

1 Corintios 8:7

Ja'uc me to, ay to tsobol te ma to c'oemuc ta yo'tanique. Melel ay to cha'oxtul te c'aemic ta xch'uunel te loc'ombaetique. C'alal ya sti'beyic te milbil majt'anil yu'un te loc'ombaetique, te bit'il ma'yuc yip te yo'tanique, jich ya scuyic te ya xbolobic yu'un a.

Hebreos 10:22

Jich yu'un spisiluc me co'tantic ac'a noptsajucotic ta stojol te Diose, te bit'il jc'axel ay xch'uunjel co'tantique, te melel jc'axel la yutstesbotiquix co'tantic yu'un te jmultique soc pocbilix jbaq'uetaltic yu'un te lequil ja'e.

1 Corintios 10:25

Spisil te ti'bal te ya xchonote, ti'a. Ma me xajojc'oy, swenta yu'un ma me xjajch' ta aiyej awo'tan yu'un.

1 Timoteo 6:5

Soc ya yut sbaic yu'un te bit'il boloben yo'tanique, yu'un ch'ayix ta yo'tanic te smelelil c'ope. Ja' nax ya sc'an ya sta sc'ulejalic a te bila xch'uunejique. Ma me xajoin aba soc te mach'atic jich yo'tanique.

Proverbios 21:4

Te mach'a stoyoj sba ta sit-yelaw soc te toyba-o'tan aye, ja' mulil ta spisil te bitic ya yaq'uic ta ilele.

Hageo 2:13

Jich la yal xan sc'op Cajwaltic ta stojol Hageo: —Teme ay mach'a boloben sc'oplal ta scaj spiquel te mach'a lajeme, teme ya xba spic te we'eliletique, ¿ma bal bolobenuc sc'oplal ya xjil yu'un jiche? —xi'. —Boloben ya xjil yu'un —xiic te sacerdoteetique.

Hebreos 9:14

Yan te xch'ich'el Cristo c'axem to xan ay yip stuquel. Melel ta swenta Espíritu te sbajt'el q'uinal aye, ju' yu'un stuquel te Cristo te la yac' sba ta lajel ta stojol Dios swenta milbil smajt'an te xujt' ma ba ts'ilajeme. Jich te xch'ich'ele jc'axel ya spocbotic co'tantic te ts'ilajemic yu'un cat'eltic te quechelotic ta lajel yu'une, swenta yu'un jich me ya cac' jbajtic ta abatinel yu'un te cuxul Diose.

Proverbios 30:12

Ay mach'atic ya scuy sbaic te mero ma'yuc smulic; ja'uc me to, ma ba yac'oj sbaic ta lecubtesel te bila bolobenic yu'une.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.