Tito 1:12 - Bible in Tzeltal de Oxchuc y Tenejapa

¹² Jich bit'il te la yalbey sc'oplal slumal te jtul j'alwanej yu'un te cretaetique: “Ta spisil te cretaetique stalel jpas-lotetic, bol chambalametic. Mero ch'ajetic, soc ja' nax ya xwe'-x'uch'ajic”, te xi' sc'oplalic yu'un.

Nuevo Testamento Tzeltal de Amatenango

¹² Jich tutꞌil la yalbe skꞌoplal te slumale te jtul jꞌalwanej ta Creta: “Te jcretaetike, sil tiempo jloꞌlawanejetik, pajal sok chambalametik, ben okꞌilik, y ben chꞌajik”, xchi skꞌoplalik yuꞌune.

Bible in Tzeltal Bachajón

¹² Ay hich yaloj jtuhl jalwanej yu'unic te jun slumalic soc: Te Cretahetic, stalel jlotetic, bohl chambahlametic, ch'ajic, bahem ta yo'tanic we'el uch'el, xchi sc'oblalic.

Tito 1:12 Referans Kwoze

1 Timoteo 4:2

Soc ya me xjajch' yantaybeyic sc'op te mach'atic cheb yo'tanique, te puro lotil c'op ya yalique, te jc'axel pimuben yo'tanic. Ma'yuc bila ya xc'otix ta yo'tanic xujt'uc.

Romanos 16:18

Melel te mach'atic jich yo'tanique, ma ja'uc yac'oj sbaic ta abatinel yu'un te Cajwaltic Jesucristoe. Ja' nax baem ta yo'tanic sleel te sbaal xch'ujt'ique. Bin nax yutsil ya xc'opojic, soc xcholchon nax yu'unic ta alel. Jich ya slo'laybey yo'tanic a te mach'atic ma sna'ic stsajtayel te aiyeje.

Hechos 17:28

Ja' ta swenta te bit'il cuxulotique, soc te bit'il ya jtij jbatique, soc te bit'il ayotic ta q'uinale, jich bit'il yaloj cha'oxtul te jpas-junetic awu'unique: “Jpisiltic yal-snich'anotic te Diose”, te xiique.

2 Pedro 2:15

Jc'axel jowejemiquix ta beel, melel yijq'uitayejiquix te lequil bee. Ja' ejemplo yu'unic te j'alwanej Balaam te snich'an Beor te bic'taj yo'tan yu'un spasel ganar a te bila amen ta pasele.

2 Pedro 2:12

Yan in winiquetic to, pajal c'oemic soc chambalametic, te ma sna'ic q'uinale. Ja' nax cuxulic yu'un te ya yich'ic tsaquel ta milele, jich nix ya xlajic uuc te bit'il te chambalametique. Melel ya slabanic te bila ma sna'ic stojole.

Hechos 2:11

Soc ay talemotic ta Creta soc Arabia. Ja'uc me to, jpisiltic yacalotic ta yaiyel stojol ta mero jc'optic nix te bila muc' spasojix te Diose —xiic.

Hechos 27:7

Ay c'aal te beenotic ta c'unc'un ta barco. Wocol la jtatic c'oel ta bay yelaw te lum Gnido, scaj te ay jwocoltic yu'un yip te iq'ue. C'axotic bael ta bay yelaw q'uinal te Salmón sbiil, tey bootic ta sti'il Creta te joytaybil ta mare.

Hechos 27:12

Soc te bit'il ma smulanic te tey ya xc'ax yu'unic a te inviernoe, col spisiluc la yalic te ja' lec ya quijq'uitaytic jilel te banti ayotique, yu'un ya quiltic teme ya xju' cu'untic ya jtatic te Fenicee te ja' yonajib barco te ay ta sq'uinal Creta, te yelawinej sba soc te noroeste soc te sudoeste. Tey ya xc'ax cu'untic a te inviernoe.

Hechos 27:13

Te bit'il tal lequil ic' ta bay stojol sur, jich la scuyic te ya xju' cu'untic te ya xc'axotic bael c'alal ta Fenice jich te bit'il snopojique. Jich jajch'otic xan ta beel ta barco. Beenotic bael ta sti'il sq'uinal te Cretae.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Tito 1:5

Te bit'il la quijq'uitayat jilel ta bay sq'uinal Creta, ja' swentail te ya me alajin ta chajbanel te bila quechel jilel ta chajbanele, soc ta juju-jpam lum ay me mach'atic ya awac'bey yich' yat'elic ta ancianoil yu'un te jch'uunjeletique, jich bit'il te la calbat jilel mandale.