Tito 1:10 - Bible in Tzeltal de Oxchuc y Tenejapa

¹⁰ Melel ay tsobolic te jtoybaetique. Ya yalic jontol aiyejetic, soc ya xlo'laywanic, c'axem to xan te mach'atic yich'ojic circuncisione.

Nuevo Testamento Tzeltal de Amatenango

¹⁰ Porke ay bayal te ma xꞌakꞌawanik ta jkuenta, jaꞌ nix te machꞌatik yichꞌoj sirkunsisione, yuꞌun ya yalik jowil nax kꞌop sok ya xloꞌlawanike.

Bible in Tzeltal Bachajón

¹⁰ Como ay tsobolic ya sutawanic ta c'op, jlomlomc'opetic soc jlo'loywanejetic; ha bayel hich ya spasic te mach'atic ayic ta scuenta circuncisión.

Tito 1:10 Referans Kwoze

1 Timoteo 1:6

Ja'uc me to, ay mach'atic jowejemiquix, ja' bajt'ix ta yo'tanic te c'op aiyejetic te ma'yuc swentaile.

1 Juan 4:1

Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

Gálatas 2:4

Ay lotil quermanotactic te jich nax ochic tel ta coliltic te banti ayotique, yu'un talemic ta tsajtaywanej tey a ta banti jtsoboj jbajtic. Yo'tanuc te yacuc yac'otic xan ta mosoil te bit'il libre colemotic ta swenta bit'il jun ayotic soc te Cristo Jesuse.

Efesios 4:14

Ma me jichucotic xan te bit'il alaletic te jteb stael yo'tanic, soc te ora nax ya x'eanot bael yu'un yic'al te biluc yach'il nopjibal te ay ta alel ya yaiyique. Ma me jch'uuntic lo'layel yu'un te sp'ijil sc'op ants-winiquetic te ora ya xju' yu'unic lo'laywanej a te sp'ijilique.

Santiago 1:26

Teme ay mach'a ya yal te xch'uunej ta lec te Diose, teme ma sna' scomel te yaq'ue, ja' nax ya slo'lay sba stuquel abi. Xujt' ma'yuc swentail te bit'il xch'uunej ta sc'op te Diose.

2 Timoteo 3:13

Yan te mach'atic amen yat'elic soc te jlo'laywanejetique, yanyanic ta bolobel stuquelic. Yaquic ta lo'laywanej soc yaquic ta lo'layel uuc.

Hechos 11:2

Te c'alal sujt' tel ta Jerusalén te Pedroe, la yich' tijel ta c'op yu'un te mach'atic ay bayal sc'oplal ta yo'tanic te circuncisione.

Apocalipsis 2:14

Ja'uc me to, ay nax amul jtebuc ta jtojol. Ja' te bit'il awic'oj ta atojolic te mach'atic xch'uunejic te nopjibal yu'un te Balaame, te la yac'bey snop Balac te bit'il la yac' yaluc te israeletic ta sti'el te milbil smajt'an loc'ombaetic te tey ochic ta spasel a te mulweje.

Apocalipsis 2:6

Ja'uc me to, ay nix bila lec te apasoje, ja' bi, ja' te ya awilaybey yat'elic te nicolaitaetique. Te jo'one ya quilay uuc.

1 Juan 2:18

Cal-jnich'nab, slajibalix c'aal ayotic. Jich bit'il awaiyojic stojol te ya xtal te anticristoe, jich ay chicanajemix tsobol anticristoetic. Jich ya jna'tic stojol a te slajibalix c'aal ayotique.

2 Timoteo 4:4

Ya yijq'uitayic ta aiyel stojol te smelelil c'ope. Ja' ya xbajt' ta yo'tanic yaiyel stojol te jontol c'op aiyejetique.

1 Timoteo 1:4

Soc te manchuc ja'uc ya xbajt' ta yo'tanic te bila jontol c'op aiyejetic naxe, soc te bila sc'oplal nax te namey q'uinal me'il-tatiletic te ma xlaj ta alele. Ja' in to, ja' nax ya xjach tsaltomba c'op, ma ja'uc ya yac'botic xch'uunjel co'tantic ta spasel te bila chapal yu'un te Diose.

Gálatas 3:1

Te ja'ex galaciaetic, ¿bi la apas te ma x'ana'iquix q'uinale? ¿Mach'a la sboltesbeyex awo'tanic te ma ba ya ac'an ya ach'uuniquix te smelelil c'ope? Melel jamal la jcholbeyex awaiyic ta melel. Jich la cac'beyex awilic ta asitic ta comon c'oem te bit'il la yich' jijp'anel ta cruz ta jwentatic te Jesucristoe.

Hechos 20:29

Jna'oj stojol te ay ya xtal yantic te c'alal baemonix ae, te ya xtal yuts'inex jich bit'il ya yuts'in chijetic te jti'awal ja'mal ts'i'etique.

Hechos 15:1

Ay mach'atic talic ta sq'uinal Judea, tal yac'beyic snop te quermanotactic: —Teme ma xyich'ic circuncisión jich bit'il la yal mandal te Moisese, ma xju' ya xcolex —xiic.

Hechos 15:24

La caiytiquix stojol te ay cha'oxtul jajch'emic bael li'to te ma ticunbiluc cu'untic te la yac'beyex amel awo'tanic yu'un te bila la yalbeyex awaiyique, soc la yac' ayanuc awo'tanic te bit'il la yalbeyex te puersa ya awich'ic circuncisión soc te ya ach'uunic te mandalil yu'un te Moisese.

1 Timoteo 1:9

Te mandalile ma ja'uc ay ta swentaic te mach'atic tojique. Ja' ay ta swentaic te jch'ay-mandaletique, soc te jc'axintayej-mandaletique, soc te mach'atic ma xyich'ic ta muc' te Diose, soc te puro mulil baem ta yo'tanique, soc te mach'atic ixta yo'tanic te xujt' ma xyich'ic ta muc' te bitic ay ta ch'uunele, soc te mach'atic ya smil sme'-static soc yantic ants-winiquetic,

Tito 1:6

Te mach'a ya xju' ya yich' yat'el ta ancianoile, ja' me te mach'a ma'yuc bi quechel ta swentae, soc te jtul nax ants nujbinem ta q'uinal soque, soc te xch'uunejic Dios uuc te snich'nabe, soc te ma'yuc banti jchijil-joletic soc jch'ay-mandaletic xi' sc'oplal te snich'nabe.

1 Juan 2:4

Yan teme ay mach'a ya yal: “Te jo'one jna'ojbey sba te Diose”, teme xie, ja'uc me to, teme ma ba ya xch'uunbey te smandale, yac ta spasel lot abi. Yu'un ma'yuc tey a ta bay te bila melele.

San Mateo 23:14

¡Ya me awil awocolic jts'ibojometic, fariseoetic te cha'lam awo'tanique! Melel te ja'exe ya apojbeyic sbiluquic te me'ba antsetique, soc jal ya ac'oponic Dios ta comonsitil, swenta yu'un jich me ya xcuyotex a te lec awo'tanique. Jich yu'un te ja'exe c'axem to xan castigo ya awich'ic atuquelic.]