Sofonías 2:3 - Bible in Tzeltal de Oxchuc y Tenejapa

³ Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Bible in Tzeltal Bachajón

³ Lehahic te Jehová apisilic te peq'uelex ta bahlumilal, ha'ex te la apasic te mandariletic yu'une; lehahic te bintic stojil ta pasel, lehahic bin ut'il peq'uel yac awac' abahic, ya wan xcolex ta sc'ahc'alel yilimba te Jehová.

Sofonías 2:3 Referans Kwoze

Salmos 76:9

te bi ora ya xjajch'at ta chajbanwanej, Dios cu'un, swenta scoltayel spisilic te mach'atic c'ux obol sbaic ta uts'inel ta balumilal.

Salmos 22:26

We'anic, ja'ex te tenbilex ta uts'inele, ja' to me c'alal ya xnoj ta lec te ach'ujt'ique; albeyaic yutsil sc'oplal Cajwaltic ja'ex te ya aleique, cuxinanic bayal ja'wil.

Jonás 3:9

Repente jich ya xlecub yo'tan cu'untic a te Diose, jich ma ba ya yac'otic ta lajel —xi' te ajwalile.

Salmos 105:4

Leaic te Cajwaltic soc te yu'ele; leaic ta spisil ora te Cajwaltique.

Oseas 10:12

La calbey: “Te ja'uc ya ats'unic c'oem te bila toj ta pasele, ja' ya ac'ajic te xc'uxul-o'tanil te jichuque. Chajbanaic ta yach'il te lumq'uinale, melel yorailix ta leel te Cajwaltique. C'alal ya xtal, ya me yic' tel jichuc ja'al te acolelique”, xoon.

Jeremías 39:18

Jo'on ya jcoltayat, te ma smilate. Ya me xcolat soc acuxlejal, melel la smuc'ulinon awo'tan. Jo'on, Ajwalilon, jich ya cal’, xi' me sc'op,” uta me —xi' te Cajwaltique.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

2 Pedro 3:18

Ja'uc me to, na'beyaic xan sba ta lec te Cajwaltic Jesucristoe te Jcoltaywanej cu'untique. Ac'a esmajuc xan ta awo'tanic te xc'uxul yo'tane. Jelawen yutsilal sc'oplal stuquel te Cajwaltique ta ora to soc ta sbajt'el q'uinal. Jichuc.

Jeremías 45:5

Teme ay bi yan yilel te ya ac'ane, ma me x'ac'anbon, melel ya jticun tel tulan woclajel ta stojol spisil mach'atic ch'ich'-baq'uet. Ja'uc me to, te ja'ate ya me cac' te ya acanantay aba soc acuxlejal bayuc ya xbaat. Jo'on Ajwalilon, jich ya cal”, xi' sc'op Cajwaltic ta atojol —xi' te Jeremiase.

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

1 Pedro 3:4

Ja' me xach'al abaic a te yutsil awo'tanique soc te lamal awo'tanique. Ja' me ach'alilic te ma sna' xlaje te bayal yutsil yo'tan Dios yu'une.

1 Pedro 1:22

Jich yu'un utstesbilix acuxlejalic ta swenta te bit'il la ach'uuniquix te smelelil c'op [ta swenta te Ch'ul Espiritue,] swenta yu'un smelelil te c'ux ya awaiy abaic soc te awermanotaque. Jich yu'un ya sc'an te talel c'axel c'ux ya awaiy abaic, ma me ayuc bila ay ta awo'tanic juju-jtulex.

1 Tesalonicenses 4:1

Jich yu'un quermanotac, ya calbeyex wocol soc ya jtac'uyex ta swenta te Cajwaltic Jesuse. Jich bit'il la cac'beyex anopic te toj ya awac' abaic ta q'uinale, swenta yu'un jich me lec yo'tan awu'unic te Diose, jich c'axem to xan toj me xawac' abaic spisil ora.

San Mateo 5:5

“Bin nax me yutsil te mach'atic peq'uel ya yac' sbaique, te melel ya me x'ac'bot sq'uinalinic te balumilale.

Salmos 31:20

Te bit'il ayat ta canantaywaneje, jich ma xc'ot ta pasel te bila amen xchajbanej te ants-winiquetique; anac'oj ta awaxinal, jich ma xtaot ta ixtac'optayel yu'un te scontrotaque.

Isaías 11:4

Toj ya xchajban te mach'atic ma'yuc yipe, soc ya xc'opoj yu'un te bitic ay ta swenta te mach'atic me'baetic te ayic ta balumilale. Te sc'ope jich c'oem bit'il wajch' ta yac'beyel castigo te mach'a ora nax ya xc'ajc'ube; te ic' ya xjujch'iy loq'uel ta ye ya yac' lajuc a te mach'a amen yo'tane.

Oseas 7:10

Te stoybail Israel ja' nix testigo te ya x'alot yu'une. Manchuc me jich, ma ja'uc ya sujt'ic tel yu'un, ma ba ya sleic te Cajwaltic te Dios yu'unique.

Isaías 61:1

Te espíritu yu'un Cajwaltic ay ta jtojol. Melel te Cajwaltic stsaojon soc sticunejon tel ta yalel sc'oplal te lec yach'il c'op ta stojol te me'baetique, tal cac' lamajuc xchamelic te mach'a ay swocolique, tal calbey te ya x'ac'otic ta libre te mach'atic ayic ta mosoile, soc te ya xjilic ta libre mach'atic ayic ta chuquele.

Salmos 149:4

Melel te Cajwaltic ya smulan te lum yu'un; te mach'atic peq'uelic ya x'ac'otic ta ich'el ta muc' ta swenta tsalaw.

Éxodo 12:27

cholbeya yaiyic: “Ja' te chambalametic ya jmiltic yu'un te Pascua, swenta yich'jibal ta muc' te Cajwaltique. Ja' sna'jibal te c'alal lajic te sba snich'nabic te egipcioetique. Yan te bay sna te jlumaltic israeletic, c'axel nax c'ax tey stuquel a, jich colotic soc te mach'atic ay cu'untique”, utaic me —xi' te Moisese. Jich yu'un te israeletic la squejan sbaic ta sc'oponel te Diose.

1 Tesalonicenses 4:10

Jich nix c'ux ya awaiy ta awo'tanic spisil te quermanotactic te ayic ta spamal sq'uinal Macedonia. Ja'uc me to, quermanotac, ya calbeyex wocol, c'axem to xan ac'a esmajuc te c'ux ya awaiy abaique.

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.

2 Samuel 12:22

La sjac' te David: —Te c'alal cuxul to a te alalquerem, la jcom jwe'el soc oc'on, yu'un la cal: “Te ayuc ya sna'bon yo'bolil jba te Cajwaltique, soc yacuc yac' cuxinuc te alalquereme”, xoon ta co'tan.

Salmos 45:4

Ta swenta smuc'ul awutsilal beenan ta tsalaw. Ja' ay ta awo'tan te bila melele; ja' ay ta awo'tan te bila stojil ya yich'ic pasbeyel te mach'atic peq'uele. Te awa'elc'abe ya me spas bitic xiweltic sba ta ilel.

Isaías 1:17

Nopaic spasel te bila leque; pasaic tulan ta spasel te bila toje. Coltayaic te mach'a tenbil ta uts'inele, lecuc me te bila ya apasbey te me'ba alale, c'opojanic yu'un te me'ba antse —xi' te Cajwaltique.

Ezequiel 13:5

Ma'yuc bila spasojic ta atojol swenta acoltayel swenta yu'un ya xju' awu'un guerra a, te c'alal ya sta sc'aalelal te Cajwaltique.