Sofonías 1:9 - Bible in Tzeltal de Oxchuc y Tenejapa

⁹ Ja' nix jich ja' sc'aalelal ya cac'bey castigo a te mach'atic ya swiluntay c'axel te smarcoil ti'naile (ja' sc'oplal te mach'atic ya yich'ic ta muc' te loc'ombae); soc te mach'atic ya snojesic ta uts'inel soc ta lo'laywanej te sna yajwalique —xi'.

Bible in Tzeltal Bachajón

⁹ Soc ha nix ta sc'ahc'alel ya ca'be castigo spisil mach'atic ya swihluntayic ochel ta smarcohil ti'nahil, soc te mach'atic ya snojesic te sna yajwalic ta uts'inwanej soc lo'loywanej.

Sofonías 1:9 Referans Kwoze

1 Samuel 5:5

Ja' swentail te c'alal ora ma ba ya stec'beyic te sts'ajc'ul scajtijib sti'il te templo yu'un Dagón ta lum Asdod te sacerdoteetic yu'unique.

Amós 3:10

Te Cajwaltic ya yal: —Ma sna'ic te toj ya x'at'ejique; ya scanantayic ta muc'ul naetic yu'unic te bila la yelc'anic tel ta swenta uts'inwanej —xi'.

Hechos 16:19

Te yajwalic te ach'ixe, la yilic te ma xju'ix yu'un te ya spasic ganar ta swentae. Jich la stsaquic te Pablo soc te Silase, soc la yiq'uic bael ta yolil lum ta stojol te mach'atic yich'oj tulan yat'elic yu'un te lume.

Proverbios 29:12

Te ajwalil te ya xch'uunbey sc'op te jpas-lote, amen ya xc'ot spisil te abatetic yu'une.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Jueces 19:27

C'alal jajch' tel te smamlal, la sjam te ti'nail swenta yu'un ya xbajt'ix. Lajemix la sta te yants ta bay smarcoil te ti'naile, cajatic sc'ab ta marco.

Jeremías 5:27

Ya snojes snaic yu'un te bitic ya yelc'anique, jich bit'il ja'mal mutetic te ya xnoj yu'unic te scorralique. Jich tulan la yac' sbaic, soc jc'ulej ya xc'otic,

Miqueas 6:12

Te jc'ulejetic tey ta lum ja'ic spisilic j'uts'inwanejetic; jpas-lotetic soc jlo'laywanejetic spisilic te yajwale.

Zacarías 5:6

La jojc'obey, jich la calbey: —¿Bila a in to? —la cut. La sjac'bon: —A, ja' in to, moch swenta p'isjibal smulic te mach'atic nainemic ta lumq'uinale —xi'.