Sofonías 1:12 - Bible in Tzeltal de Oxchuc y Tenejapa

¹² “Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.

Bible in Tzeltal Bachajón

¹² Ta hich ora ya jtsahtay quil ta tsumbil c'ahc' te Jerusalén, soc ya ca'be castigo te mach'atic slahmanej sbahic hich te bin ut'il vino te slahmoj sba, te hich ya yal ta yo'tanic: Te Jehová ma ba ya spas te bin lec o te bin ma lecuc, te xchihique.

Sofonías 1:12 Referans Kwoze

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Jeremías 48:11

Moab lamal nax q'uinal la yaiy spisil ora, ma'yuc bay baem ta mosoil ta yan lum. Jich c'oem te bit'il vino te ya sts'ab sba ta yawil, te ma'yuc bay yich'oj aq'uel ta yan yawil, te jich ma xch'ay sbujts', ni ma xch'ay yic'.

Ezequiel 8:12

La yalbon xan: —¿Ya bal awil te bila muquen ya spasic te principaletic yu'un te israeletique? Ta juju-jtul ay yawil sloc'ombaic ta ch'ujt' pajc' yu'unic. Ya scuyic te ma ba yacon ta yilele, soc te la quijq'uitayix te lumq'uinale —xi'.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.

Salmos 94:7

Ya scuyic te ma xyil te Cajwaltique; ya yalic te ma sna' stojol te Dios yu'un Jacob.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

2 Pedro 3:4

Jich me ya yalic ta labanwanej: “¿Tal balix te Cristo, te jich la yal te ya xcha'tale? Melel te c'alal lajic bael te jme'-jtatique, stalel ay te q'uinale, ja' to ta xjajch'ibal te la yich' pasel te ch'ulchan balumilale”, te xiique.

Abdías 1:6

¡Obol aba, Esaú! Jc'axel la spojbat loq'uel te abiluque; la yelc'anbat ta jc'axel ta spisil te ac'ulejale.

Jeremías 10:5

Te yajcananic pajal soc xutax yilel te ay ta bay ts'unajtic te melonetique; ma xju' xc'opojic, soc ya sq'uechic ta beel, melel ma xbeenic. Ma me xiwex yu'un, ni ma'yuc bila amen soc ni ma'yuc bila lec ya spas —xi' te Cajwaltique.

Isaías 5:19

Jich ya awalic te ja'exe: “Te Diose ac'a spas ta ora te yat'ele, swenta yu'un ya me quiltic; te Ch'ul Dios yu'un Israel ac'a sc'otes ta pasel ta ora te bitic xchapoje, swenta yu'un ya me jna'beytic sba”, xaex.

Salmos 14:1

Te mach'atic ma sna'ic q'uinal, ya yal ta yo'tanic: “Ma'yuc Dios”, xiic. Spisil jowejemic, mero c'ax amen te bitic spasojique. Ma'yuc jtuluc mach'a ya spas te bila leque.

Job 21:15

¿Mach'a a te Spisil ya xju' yu'un te ya sc'an ya cac' jbajtic ta abatinel yu'une? ¿Bi ya jtatic a te ya jc'opontique?”, xiic.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Malaquías 2:17

Te Cajwaltic lubenix yu'un yaiyel stojol ac'opic; ja'uc me to, ya ajojc'oyic: —¿Bila calojtic te lubenix yu'un yaiyel stojole? —xaex. Melel awalojic te ya smulan Cajwaltic te mach'atic ya spasic te bila amene, te bin nax yo'tan yu'un ta ac'opique. Yu'un nix ma xch'uun awo'tanic a te toj yo'tan te Diose.

Salmos 10:4

Ya nax yixlan sni' ta ixta c'op, soc jich ya yal: “Ma'yuc Dios; ma'yuc ich'el ta c'op”, xi'. Jich ya snop ta yo'tan.