Sofonías 1:11 - Bible in Tzeltal de Oxchuc y Tenejapa

¹¹ Ajc'anajanic me te ja'exe, yajwal Barrio yu'un Mortero, melel spisil te jchonbajeletic ya me xlajic; spisilic te mach'atic ya yaiyic manbajel ta taq'uin ya me yich'ic lajinel.

Bible in Tzeltal Bachajón

¹¹ Ahcanajanic ha'ex te nahinemex ta Mactes, como lajic spisil te jchombajeletique; lajic spisil te mach'atic ya ya'iyic mambajel chombajel ta plata.

Sofonías 1:11 Referans Kwoze

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

Ezequiel 21:12

Ja'at winic, awunan, queletan ta aw. Melel chapalix, yu'un ya yich' milel te lum cu'un, ta spisilic te mach'atic yich'oj yat'elic ta Israel. Chapal te ya xlajic soc te lum cu'une, ja' yu'un majulaya awo'tan yu'un xc'uxul.

Jeremías 25:34

Awunanic, jcanan-chijetic, awunanic yu'un xc'uxul; ja'ex te ya xneelajex yu'un te jtsojp chijetic, balana abaic ta lum. Yu'un c'otix yorail te miltombae; te ja'exe jich ya smilex te bit'il jujp'en chijetique.

San Juan 2:16

La yalbey te jchon-palomaetique: —Loq'uesaic bael spisil in to. Ma me xac'atp'unic ta ch'iwich te sna te Jtate —xi'.

Joel 1:13

Jichex uuc sacerdoteetic te ya awac' abaic ta abatinel ta scajtijib ta chiq'uelsmajt'an Dios, lapaic ch'ixal pac', oq'uetaya te templo. Melel ta templo yu'un Dios awu'unic, ma'yuquix trigo soc cebada ni vino yu'un smajt'an Dios.

Joel 1:5

¡Cuxa awo'tanic, ja'ex jyacubeletic! Ochanic ta oq'uel, j'uch'-vinoetic, melel ya me awich'ic pojbeyel te ya'lel ts'usub awu'unique.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Jeremías 4:8

Jich yu'un, lapaic ch'ixal paq'uetic, oc'anic, soc ajc'anajanic yu'un xc'uxul mel-o'tan. “Melel te sc'ajc'al yilimba Cajwaltic te yac ta tilele, ma ba sq'uejoj bael ta jtojoltic”, xaex me ta yalel —xi' te Cajwaltique.

Job 27:16

“Te mach'a ma lecuc yo'tan manchuc me ya sbusan bayal plata, jich te bit'il ya yich' busanel lum, soc manchuc me ay bayal sc'u'-spac',

Job 27:17

pero ja' me ya slap te c'u'il-pac'al te winic te ay yutsil yo'tane, soc ta plata ja' me ya xc'ot ta swenta te mach'a toj yo'tane.

Sofonías 2:5

¡Ya me awil awocolic ants-winiquetic te talemex ta Creta te nainemex ta sti'il mar! Dios ya yalbeyex ac'oplalic ta scontroinbelex: —Canaán, slumalat filisteoetic, ya me jlajinat soc ma'yuc mach'a ya quijq'uitaybat.

Zacarías 14:21

Ta spisil te ollaetic ta Jerusalén soc ta Judá, yich'ojic ch'ultesel ta stojol te Cajwaltic te Spisil ya xju' yu'une. Te mach'atic ya xbajt'ic ta yaq'uel milbil smajt'an Dios, ya me xtuun yu'unic, ya stac'ajtesic tey a te sti'balul te chambalametic ya yaq'uic ta majt'anile. Te c'alal ya sta sc'aalelal ma'yuquix jmanbajeletic jchonbajeletic ta templo yu'un te Cajwaltic te Spisil ya xju' yu'une.