Sofonías 1:10 - Bible in Tzeltal de Oxchuc y Tenejapa

¹⁰ Tulan ya yal te Cajwaltique: —Te bi c'aalil ya cale ya me x'aiyot stojol awetic yu'un sc'anel coltayel c'alal ta Ti'nail yu'un Chayetic. Ya me x'awunic te yajwal Xchebal Barrio, soc ay me xpumlajan nax sc'op te ya xjem coel te ch'in witsetique.

Bible in Tzeltal Bachajón

¹⁰ Ta hich ora, xchi te Jehová, ya xchicnaj awetic c'alal ta ochibal yu'un Chay, ya xchicnaj ahcan c'alal ta Schebal Barrio soc tulan xnilet c'alal ta tsehletic.

Sofonías 1:10 Referans Kwoze

2 Crónicas 33:14

Ta patil te Manasés la spas yan ts'ajc' ta fuera ta Lum-yu'un-David ta stojol smalib c'aal yu'un Gihón, ta spat lum ta bay ya xc'ax te beja'e, c'ot ta loq'uel ta yochibal lum Chayetic, swenta yu'un la sjoy tel ta ts'ajc' te Ofel. Buen toyol la spasbey. La yac' comandanteetic soc te soldadoetic yu'unic ta spisil te lumetic ta Judá te pasbilic tulan sts'ajc'ule.

Amós 8:3

Te bi c'aalil ya cale, te c'ayojetic ta muc'ul palacio ya me xc'atp'ujic ta oq'uel. Bayal mach'a ya xlajic, soc ya me yich'ic ch'ojel loq'uel te sbaq'uetalic, ma'yuc mach'a ya xc'opoj. Ja' tulan ya cal jo'on te Ajwalilone —xi'.

2 Reyes 22:14

Te Hilcías, Ahicam, Acbor, Safán soc Asaías, ba yilic te antsil-j'alwanej te Hulda sbiil, te yinam Salum te snich'an Ticva, smam Harhas, te swentainej te sq'uejibal c'u'il ta templo. Te Hulda nainem ta Xchebal Barrio yu'un Jerusalén. C'alal la sc'oponic,

Nehemías 3:3

Te sts'umbal te Sanaa la xcha'pasic xan te yochibal lum Chayetic sbiil. La yac'beyic ste'el soc la yac'beyic sti' soc syaweal soc pasador te ya x'och ta spat te sti'e.

Sofonías 1:15

Ja' me sc'aalelal ilimba, mel-o'tan soc woclajel, jinel ta jc'axel, ijc' q'uinal soc ajc'ubal, potsel ta tocal soc pimil axinal.

Sofonías 1:7

Ch'abanic ta stojol te Cajwaltique; melel te sc'aalelal Cajwaltic nopol ayix tel. Te Cajwaltic xchajbanej milbil majt'anil soc xchajbanejbey te mach'atic yic'oje. Jich ya yal te Cajwaltique:

Jeremías 39:2

Ta sbalunebal c'aal yu'un a te xchanebal u, te sbuluchebal ja'wil yat'el ta ajwalil a te Sedequías, och tel ta lum te soldadoetic te scontroique.

Jeremías 4:31

Ya caiy stojol awetic yu'un xc'uxul, jich bit'il yajc'an ants te ya x'ayin te sba yale; ja' te awetic yu'un te lum Sión, te ya x'ajc'anaj, ya xbejch'ulay sc'ab yu'un xc'uxul. Jich ya yal: “Obol jba, ya smilonic te jmilawaletique”, xi' me —xi' te Cajwaltique.

Isaías 59:11

Jpisiltic jich ya xc'opojotic bit'il osoetic; ya x'ajc'anajotic jichuc stsumutetic. Yacotic ta smaliyel te coltayele; ja'uc me to, ma xtal; yacotic ta smaliyel te ya xcolotic ta libre, pero c'ubul to xtal.

2 Crónicas 32:22

Jich la yich'ic coltayel yu'un Cajwaltic te muc' ajwalil Ezequías soc te yajwal Jerusalén ta sc'ab Senaquerib te muc' ajwalil yu'un Asiria soc ta sc'ab spisil te yantique. Ac'bot lamajuc q'uinal ta stojol soc te mach'atic jun smojón soque.

2 Crónicas 3:1

Te Salomón jajch' ta spasel templo yu'un Cajwaltic ta Jerusalén, ta wits Moriah, ta bay la yac' sba ta ilel Cajwaltic ta stojol David, ja' te state. Ja' nix te ch'in q'uinal xchajbanejix te David, ja' te bay ya swuyilay spat strigo ta neelal te Ornán te Jebuseo-winique.

2 Samuel 5:9

Patil te David tey jilix ta nainel ta anjibal, Lum-yu'un-David sbiil c'ot yu'un. La spasbey sts'ajc'ul ta sjoyobal, jajch' ta banti yich'oj pamanel, c'ot c'alal ta sna ajwalil.

2 Samuel 5:7

Pero te David ju' yu'un te la yu'unin te anjibal ta Sión, ja' te Lum-yu'un-David sbiil ta ora in to.

2 Crónicas 34:22

Te Hilcías soc te mach'atic la sticun te muc' ajwalile, bajt'ic ta yilel te antsil-j'alwanej Hulda, te yinam te Salum snich'an Ticva soc smam te Harhas, ay ta swenta scanantayel te c'u'iletic ta templo. Te Hulda nainem ta Xchebal Barrio yu'un Jerusalén. Te c'alal la sc'oponic,

Nehemías 12:39

C'axotic ta yochibal lum Efraín sbiile, soc ta yochibal lum Jesana sbiil, soc ta yochibal lum Chayetic sbiile, soc ta toyol ts'ajc' te Hananeel sbiile, soc te toyol ts'ajc' te Jo'winic sbiile, c'alal ta yochibal lum te Chijetic sbiile. C'o jcom jbajtic ta yochibal lum Guardia sbiile.

Ezequiel 6:13

Te bi ora ya yilbeyic te sbaq'uetalic te ants-winiquetic te tixajtic ta banti ayic te loc'ombaetic yu'unique, soc ta sjoyobal te scajtijib ta chiq'uel majt'anil yu'unic, ta toyol tseletic, ta ba witsetic, ta ye'tal te'etic te buen yaxique, ta ye'tal jijte'etic te bayal yaxinale, soc ta yawil te banti la yac'beyic smajt'anin buen lequil perfume te lotil diosetique, jich me ya sna'ic te jo'on Ajwalilone.