Salmos 127:1 - Bible in Tzeltal de Oxchuc y Tenejapa

¹ Tojol me ya yac' swocolic te jpas-naetique, teme ma ja'uc Cajwaltic te jich ya sc'ane; tojol me ya yac' swocolic ta jcanan-lum te jcananetic, teme ma ja'uc Cajwaltic te ya scanantaye.

Bible in Tzeltal Bachajón

¹ Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Salmos 127:1 Referans Kwoze

Proverbios 16:9

Te ants-winiquetic ay ta swentaic te bila ya xchapique; ja'uc me to, ja' me ya xtojtesotic ta spasel yu'un te Cajwaltique.

1 Corintios 3:7

Te mach'a la sts'une soc te mach'a la yac'bey ya'lele, ma'yuc sc'oplalic. Stuquel nax me ay sc'oplal te Diose, te ja' ya yac' ch'iuc stuquele.

Salmos 124:1

Te manchuc lajuc sjoinotic te Cajwaltique, ac'a yalic te israeletique,

Isaías 62:6

Jerusalén, ta sba ats'ajc'ul cac'oj jcanantaywanejetic, c'aal ajc'ubal ma xlaj yo'tanic ta jyalel: —Ma me xcomex ta c'op te ya ac'oponic te Cajwaltique.

1 Crónicas 28:10

Ma me xach'ay ta awo'tan te ja' stsaojat te Cajwaltic, te ja'at ya apasbey te ch'ul templo yu'une. Binuc nax me awo'tan te ya awac' ac'ab yu'un te at'ele —xi' te David.

Jeremías 51:12

Ac'beya seña yu'un yorailix guerra ta sjoyobal sts'ajc'ul te Babilonia. Ac'beyaic yip yo'tanic te soldadoetique. Ac'aic j'il-q'uinaletic tey a. Ac'a ta yawilic te mach'a ya snac' sbaic ta maliywanej. Melel te Cajwaltic la xchajban soc la sc'otes ta pasel, ja' te chapal yu'un te la yalbey sc'oplal te yajwal Babilonia.

1 Crónicas 28:20

Jich yu'un te David la yalbey te Salomón: —Ac'a me yip awo'tan soc junuc me awo'tan, ac'a ac'ab yu'un te at'ele. Ma me xapejc'an awo'tan, ni ma me xiwat xujt'uc, melel te Cajwaltic te Dios cu'untique ya me sjoinat. Ma ba ya yijq'uitayat stuquel, ma ba ya spijt'esat, ja' to me chican ya xlaj ta pasel spisil te bitic ya xtuun ta templo swenta xch'uunel te Diose.

1 Corintios 15:14

Teme ma cha'cuxemuc tel te Cristoe, jich ma'yuc swentail te bila yacotic ta xcholele, soc ma'yuc swentail te bit'il ay xch'uunjel co'tanique.

Salmos 121:1

C'alal ya jtoy moel jsit ta witstiquil, ya cal ta co'tan: “¿Banti ya xtal te coltayel cu'une?” xoon.

Salmos 123:1

Ya jtoy moel jsit ta atojol, Cajwal, te ja'at Ajwalilat te nacalat ta ch'ulchane.

Salmos 120:1

Te c'alal ay jwocol, ya cawtay te Cajwaltique, te Cajwaltic ya sjac'bon te jc'ope.

Salmos 125:1

Te mach'atic ja' ya yipin yo'tanic te Cajwaltic, ma'yuc mach'a ya xjinbot yo'tanic yu'un; pajal c'oemic soc switsul Sión te stalel jun yawil aye.

Salmos 78:69

La spas jajch'el buen toyol templo, jich te bit'il ch'ulchan; stalel la yac' tey a, jich te bit'il lumq'uinal stalel aye.

Isaías 56:10

Melel te jcananetic yu'un te lum cu'une ma'situbenic, mero ma sna'ic stojol ta jyalel. Spisilic ja'ic uma' ts'i'etic, te ma xju' yu'unic wojwonel; puro metslej ay ta yo'tanic soc swayelic, ja' bin nax yo'tanic yu'un te wayele.

Eclesiastés 9:11

Ta balumilal ay yan bila quiloj: Ma ja'uc te mach'a ya xju' yu'un animal te ya stsalawan ta animale, soc ni ja'uc te mach'atic ma sna'ic xiwel te ya tsalawanic ta guerra. Ma ja'uc spisil ora ay swe'el yu'un te mach'atic ay sp'ijilique, ni ja'uc jc'ulejetic te mach'atic ay snopjibal yu'unique, soc ni ja'uquic te mach'atic p'ijubtesbilic te buen maliybilique. Ta spisilic ta ch'in ajc' nax te jich ya xc'ot ta swentaique.

Salmos 126:1

C'alal te Cajwaltic la yic'otic sujt'el ta Sión, jich c'ot la caiytic te bit'il yacalotic ta waichejele.

Salmos 122:1

Bin nax co'tan yu'un te c'alal ya yalbonic: “Ya xbootic ta templo yu'un te Cajwaltic”, te xiique.

Isaías 27:3

Jo'on te Ajwalilon te ya jcanantay, spisil ora ya cac'bey ya'lel. C'aal ajc'ubal ya jcanantay swenta yu'un ma'yuc bi ya x'ac'bot swocol yu'un.

1 Crónicas 29:19

Ac'beya te junuc yo'tan te jnich'an Salomón, ts'acal xachajbanbon ta toj te yo'tane, jich me ya xju' yu'un xch'uunel ta spisil te jayeb ta jchajp mandaliletic awu'une. Ayuc bit'il ya sc'otes ta pasel spisil, soc te junuc yo'tan ta atojol, jich me ya xju' ta pasel yu'un te templo te chajbanbilix sbiluquil cu'une —xi' ta sc'oponel Dios te David.

Gálatas 4:11

Ya jmel co'tan awu'unic teme repente tojol ya xch'ay te cat'el jpasoj ta atojolique.

Cantares 5:7

La staonic te jcananetic, ja' te ya sjoyintayic ta ilel te lume; la smajonic, la yejch'entesonic; ja' te mach'atic ya scanantayic te yochibal te lume, ta spisil yipic la stuch'bonic loq'uel te jreboso.

Cantares 3:3

La jojc'obey te jcananetique, te ya sjoyintayic te lume, jich la calbey: “¿Ma bal ayuc la awilbonic te mach'a jmulanej ta co'tane?” la cut.

Jeremías 51:31

Xtal xbajt'ic nax te mach'atic ya yich'ic tel te c'ope, ta yalbeyel te muc' ajwalil yu'un Babilonia te jc'axel u'uninbilix te lum yu'une.

Salmos 72:1

Dios cu'un, ac'beya ta yo'tan te muc' ajwalil te bila mero stojil soc te bila yich'oj swentail ta leque,

Deuteronomio 8:18

Ya me sc'an ya ana'ic te Cajwaltic te Dios cu'untic, melel ja' nix stuquel te yac'ojbeyex awipic ta stael, swenta yu'un jich ya xc'ot ta pasel yu'un a te bila trato chapale, te ja' xchapoj soc te antiguo jme'-jtatique.

Josué 2:2

Ja'uc me to, ay mach'a ba yalbey yaiy te ajwalil yu'un te lume. Jich c'o yalbey: —Ay me israel-winiquetic julic in ajc'ubal to, talic me ta stsajtayel te q'uinale —xi'.

1 Reyes 5:12

Jich te Cajwaltic la yac'bey sp'ijil yo'tan te Salomón, jich nix te bit'il albot yu'une. Te Hiram soc Salomón la xchap sc'opic ta lec, jich lamal q'uinal la yaiyic ta xchebalic.