Salmos 102:1 - Bible in Tzeltal de Oxchuc y Tenejapa

¹ Cajwal, aiybon awaiy stojol te ya jc'oponate; ya me awac' te ya xc'ot ta atojol te cawe.

Bible in Tzeltal Bachajón

¹ Jehová, a'iybon awa'iy te ya jc'oponat, ac'a c'ohtuc ta atojol te caw.

Salmos 102:1 Referans Kwoze

Salmos 18:6

Te c'alal ayon ta wocol a, la jc'opon te Cajwal, la jc'an coltayel yu'un te Dios cu'une, la yaiybon stojol jc'op c'alal ta templo, c'ot ta xchiquin te cawe.

Salmos 61:2

C'alal to ta mero xujc' lumq'uinal ya jc'oponat, melel ya xpejc'ajix ya caiy te co'tane. Coltayawon, ac'awon ta toyol tontiquil,

Salmos 39:12

“Cajwal, aiybon te jc'ope, aiybon te coq'uele. Ma me yacuc nax awilbon te ya'lel jsite, Cajwal. Te jo'one jyanlumon ta atojol, jichon te bit'il jbeom ja'mal mut, jich nix bit'il c'axic te anima jme'-jtate.

Éxodo 2:23

Bayal c'aal ta patil laj te ajwalil yu'un te Egipto. Pero yacalic ta woclajel ta ajc'an ta mozoinel te israeletique. Ja'uc me to, c'ot ta stojol Dios te yajc'anic soc te sc'opique.

Hebreos 5:7

Te jayeb c'aal ay ta balumilal te Cristoe, ma la scom sba ta sc'oponel Dios. Bayal la yoq'uetay sba ta yalel wocol ta stojol, te yacuc xju' ya xcoltayot ta yu'el te manchuc ya x'ac'ot ta lajele. Dios aiybot stojol sc'op yu'un, melel jun nax yo'tan yich'oj ta muc'.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

Lamentaciones 3:44

La apots aba ta tocal swenta yu'un ma x'awaiy te ya caltic wocole.

Lamentaciones 3:8

Manchuc me awunon ta sc'anel coltayel, ma la yich'bon ta muc' te la cal wocole.

Salmos 143:7

Cajwal, jac'bon me jc'op ta ora; yac meix ta comel q'uinal ya caiy. Ma me x'acombon te jcoltayel; teme jich ya apasbon ta jtojol, jich me ya xc'oon te bit'il mach'atic lajemique.

Salmos 143:4

Mero jc'axel tenbilon ya caiy; ma'yuconix ta q'uinal soc te co'tane.

2 Crónicas 30:27

Ta patil te sacerdoteetic soc te levitaetic stejc'anej sbaic a, te la sc'anbeyic bael bendición te lume. Te Cajwaltic la yaiy stojol te la yich' c'oponele, c'ot c'alal ta ch'ulchan, ja' te ch'ul awilal ta bay nainem te Diose.

1 Samuel 9:16

—Pajel ta jich ora in to, ya me jticunbat tel jtul winic talem ta sq'uinal sts'umbal Benjamín. Ja' te mach'a tsabil ya xc'ot awu'un. Ya me awac'bey yich' yat'el ta swentainel te lum Israel cu'un, ya me amalbey aceite ta sjol. Ja' me ya scoltaybon loq'uel ta sc'ab filisteoetic te israeletique. La jna'beyix yo'bolil sba te lum cu'une, melel c'otix c'alal ta jtojol te sc'opique —xi' sc'oplal yu'un te Diose.

Jueces 10:16

Jich te israeletic la yijq'uitayic te diosetic yu'un jyanlumetic te xch'uunejique, swenta yu'un ja' ya xch'uunic xan te Cajwaltique. Te Cajwaltic ma la sc'anix te ya xc'ax xan swocol te israeletique.

Salmos 145:19

Te mach'atic ya yich'ic ta muc' te Cajwaltic, ya me x'ac'botic yu'un te bila ya sc'anique; c'alal ya sc'anbeyic coltayel, ya me x'aiybot sc'opic, ya me yich'ic coltayel.

Salmos 77:3

Ya me jna' te Diose, soc ya x'oc'on; te bila ya jnop ta co'tan, ya xpejc'aj co'tan yu'un.

Salmos 62:8

Jlumal, ja' ac'a smuc'ulin awo'tanic spisil ora stuquel; albeyaic wocol ta stojol ta mero spisil awo'tanic. Ja' anjibal stuquel te Dios cu'untique.

Salmos 42:4

Te bi ora ya jna'e, ya xtoy xan ya caiy te jwocole. Ya xtal ta co'tan te bi ora yacon ta bael soc a te ants-winiquetique te ya quic' bael ta templo yu'un Dios, capal ta aw swenta yutsil q'uinal yaiyic soc swenta yalbeyel wocol te Cajwaltique. Mero muc'ul q'uin c'ot yu'unic.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.