Salmos 101:3 - Bible in Tzeltal de Oxchuc y Tenejapa

³ ma me xju' ya cac' jsit ta stojol te bila amene. Ya quilaybey yat'el te mach'atic ma junuc yo'tan ta stojol Dios; ma me xcac' xtal ta jtojol.

Bible in Tzeltal Bachajón

³ Ma ba ya cac' ta stojol jsit te bin chopol. Ya quihlaybe ya'tel te mach'atic ya xhowiyic bahel; ma xcac' ya xnohpojic ta jtojol.

Salmos 101:3 Referans Kwoze

Salmos 119:37

Ma me xawac'bon quil te bitic tojol nax ay ta ch'uunel; ac'bon jcuxlejal yu'un st'unel te be awu'une.

Job 31:1

“Te jo'on jpasoj trato te jc'axel ma xbic'taj co'tan yu'un te ach'ixetique.

Proverbios 6:25

Ma me xawac' slo'laybat awo'tan te st'ujbilale; ma me xawac' stsalat te sit-yelawe.

San Mateo 5:28

Ja'uc me to, jo'on ya calbeyex: Spisil mach'a ya xbic'taj sit ta smulanel te antse, la yaiyix mulwej ta yo'tan soc abi.

Salmos 40:4

Bin nax me yutsil te mach'a ja' ya smuc'ulin yo'tan te Cajwaltique, te ma ja'uc ya sle sjoin te mach'atic toybae, ni ja'uc ya spajbey yo'tan soc te mach'atic xch'uunejic te lotil diosetique.

Éxodo 20:17

“Ma me xbic'taj awo'tan yu'un sna te apat-axujq'ue: Ma me xbic'taj awo'tan yu'un yinam, yabat, scriada, swacax, sburro soc te bitic ay yu'une —xi' te Diose.

Deuteronomio 15:9

Ma me xtal ta awo'tan te amen c'op in to: “Nopol ya staix te sjuquebal ja'wil, ja' te ja'wil yu'un ya yich' ch'ayel betiletic”, teme xaate, jich yan yilel asit a ya ajac'bey sc'op yu'un te alumal ay swocol yu'un sme'balile, jich ma'yuquix bila ya awac'bey sbetan yu'un. Teme jich ya apase, tulan ya me sc'opon Cajwaltic yu'un. Jich me ya ata amul ta stojol Cajwaltic yu'un teme jich ya apase.

2 Pedro 2:21

Ja' lec te manchuc lajuc yilic te lequil bee. Yu'un te bit'il yilojiquixe, ja' wocol te la yijq'uitay ta yo'tanic te ch'ul mandalil te ac'bot xch'uunique.

Gálatas 4:9

Ja'uc me to, te bit'il la ana'beyiquix sba te Diose, soc te ja' la sna'beyex abaic stuquele, ¿bi la spas te awo'tanique, te ya sujt'ex xan ta mosoil yu'un te bila ma'yuc yip soc ma'yuc sc'oplal ta ch'uunele?

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Eclesiastés 6:9

Ja' lec te bila yacalatix ta yilele, ma ja'uc lec te bila yac to nax ta sna'el ta awo'tane. Pero ja' nix jich mero tojol ta jyalel, ja' pajal soc te ya jtsactic te iq'ue.

Josué 23:6

“Pasaic me tulan ta xch'uunel spisil te bila ya yal te mandaliletic ta libro yu'un Moisés. C'otesaic ta pasel te bila ya yal te ts'ibubile.

Hebreos 10:39

Yan te jo'otique ma ba ya sujt'otic ta jpatic jich bit'il te mach'atic ya sujt' ta spatic te ch'ayel ya xbajt'ic yu'une. Te jo'otique joy jbajtic soc te mach'atic ay xch'uunjel yo'tanique. Jich ma ch'ayeluc ya xbootic soc te jch'uleltique.

Salmos 119:113

Ya quilay te ants-winiquetic te cheb yo'tanic; pero ja' c'ux ta co'tan te p'ijubtesel awu'une.

Salmos 78:41

La xcha'pasic xan ta prueba; jich la yaq'uic c'opojuc yo'tan te Ch'ul Dios yu'un Israel.

Salmos 14:3

Ja'uc me to, spisil jowejemic ta be; spisilic pajal boloben yo'tanic. Ma'yuc mach'a ya spas te bila leque. Ma'yuc ni jtuluc.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Miqueas 2:2

Ya sbic'tal-o'tantayic q'uinaletic, jich ya spojic; ya sbic'tal-o'tantayic nanatic, jich ya yu'uninic. Ya stenic ta uts'inel ants-winiquetic, soc te mach'atic ay yu'unique, soc te bitic ay yu'unique.

Isaías 33:15

Te mach'a toj ya yac' sba soc te smelelil ya xc'opoje, te mach'a ma xyac' sba ta c'ulejal ta xiwteswanej soc yip, soc te ma xyac' sba ta chonel ta scaj majt'aniletic, teme ma xch'uun spasel te ya x'albot sc'oplal te bitic amen ta pasele, soc te ya smuts' sit swenta yu'un ma xyil te bila amene,

Isaías 30:11

Ijq'uitaya jilel te be at'unoje, q'ueja abaic loq'uel ta bay te toj be. Ma xawac'otic ta stojol te Ch'ul Dios yu'un Israel —ya yutic.

Salmos 39:1

Caloj te ya jtsajtay jbae, caloj te ma jta jmul soc te jc'ope, soc te ya jcom te quee te c'alal ay ta jts'eel te mach'atic amen yo'tanique.

Salmos 125:5

yan te mach'atic amen be st'unojic, tey xawac' bael ta banti ay te bila stalel ya xc'ot ta swentaic te mach'atic amen yat'elique. ¡Ac'a lamajuc q'uinal ta stojol Israel!

Salmos 97:10

Te Cajwaltic c'ux ta yo'tan te mach'a ya yilay te bila ma lecuque; ya scanantaybey xcuxlejal te mach'atic jun yo'tanic ta stojol; soc ya yac' ta libre te c'alal ya x'och ta sc'ab te mach'a amene.

Salmos 78:57

Melel ja' nix jich la spasic te bit'il sme'-static, la yijq'uitay, ma ba jun yo'tanic ta stojol. Jich la scox sba c'oemic te bit'il t'imalte' te ma tojuque.

Salmos 36:3

Bol c'op soc pas-lot ay ta yo'tan, la xch'ay ta pasel te bila toje, la yijq'uitay ta pasel te bay leque.

1 Samuel 15:11

—Ma lecuc ya caiy te ja' och ta muc' ajwalil te Saúl. Melel la spijt'esix sba, ma ba la xch'uunbon te bi la calbey spase —xi'. Te Samuel mero ma ba lec la yaiy, sjunal ajc'ubal la yalbey bayal wocol te Cajwaltic yu'une.

Deuteronomio 13:17

“Ma me ayuc ya awich'ic jilel te bitic ayic ta swenta lajel, jich me ma'yuc bi ora ya x'ilin ta atojolic a te Cajwaltique. Ya me sna'beyex yo'bolil abaic, ya me yac' esmajuquex, jich nix te bit'il jc'axel yalojbey te antiguo ats'umbalique,

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

Salmos 41:9

Asta te mach'a mero c'ux ya caiy jba soque, te ja' smuc'ul co'tan sc'oplale, ja' te mach'a jun ya xwe'on soque, ja' la scontroinonix.

Salmos 139:22

Ay me slab co'tan ta stojolic ta spisil co'tan; jo'on me jcontrotac ya caiy.

Proverbios 6:12

Te mach'a amen yo'tan te j'ixta-o'tane, yat'elinej yalel puro lot.

Proverbios 6:13

Ya xmuts'-sitaywan, ya spasbey seña ta yacan, soc ya spas seña ta ilel ta yal sc'ab.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Zacarías 8:17

Ma me talel c'axeluc xalebey aba awocolic. “Melel te bila ya cal”, ma me xauquex, teme ma meleluc. Melel te jo'on quilayej spisil. Jo'on Ajwalilon te jich ya cale —xi' te Cajwaltique.