Salmos 1:3 - Bible in Tzeltal de Oxchuc y Tenejapa

³ Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Bible in Tzeltal Bachajón

³ Hich ya xc'oht te bin ut'il te' te ts'umbil ta ti' muc'ul-ha', te ya yac' sit ta yorahil soc ma xluhbaj te ya'binal; soc lec ya xc'oht spisil bintic ya spas.

Salmos 1:3 Referans Kwoze

Jeremías 17:8

Jich me c'oem te bit'il te' ts'unul ta ti'ja', te ya yac' bael yisim ta bay ya x'oquin bael te ja'e. Ma xiw c'alal ya xtal yorail te xc'uxul c'aale; te yabenale spisil ora yaxuben. Ta yorail q'uepel te q'uinale ma xwoclaj; soc ma xcom ta yaq'uel sit ta yorail.

Ezequiel 47:12

Ta xchebal te sti'il te muc'ja'e, ya me xch'i te'etic te ya yac' site. Ma me ayuc bi ora ya xlubaj yabenal, soc spisil me ora ay sit. Ta jujun me u ay sitic, melel ja' yac ta aq'uel ya'lel yu'un te ja' yac ta loq'uel tel ta templo. Te sitique ya me xtuun ta we'elil, te yabenalique ya me xtuun ta poxil —xi'.

Salmos 92:14

Ya to sitin c'oem teme mamalix ae; puersa tulanic ta jyalel soc stalel yaxic.

San Juan 15:6

Te mach'a ma x'ain ta jtojole ya me yich' ch'ojel loq'uel ta fuera; jich te bit'il sc'ab te ts'usube, teme taqueje, ya yich' tsobel soc ya yich' chiq'uel ta c'ajc'.

Ezequiel 19:10

“Te ame' pajal soc ts'usubil te yich'oj ts'unel ta nopol ja', la yac' sit soc la yac' yaxinal, ta scaj te bayal ja' ajch'esot yu'une.

Génesis 39:23

Te jcanan-chucjibale, ma'yuc bi la snop ta yo'tan yu'un ta spisil te bila la yac'bey ta sc'ab José, melel sjoinej Cajwaltic stuquel, lec c'ot ta loq'uel yu'un Cajwaltic ta spisil te bila la spase.

Apocalipsis 22:2

soc oquin bael ta yolilal te smuc'ul calleil te lume. Ta juju-jejch' sti'il te ja'e tey ay a te te' te ya yac' cuxinele te lajchayeb buelta ya yac' sit ta sjunal ja'wil. Jujun u ya yac' sit. Te yabenal te te'e, ja' xpoxil spisil ta jchajp nacionetic ta swenta scolelic.

Ezequiel 17:8

Pero ts'unul ta buen lequil lum, ta nopol banti ay bayal ja', te banti ya xju' ya yac' bayal sc'abc'ab soc bayal sit, soc ya xju' ya xc'atp'uj ta buen t'ujbil ts'usubiltic’, xi' me”, uta me.

San Mateo 13:6

Te c'alal q'uejp te q'uinale, taquej yu'un, scaj te ma ba c'uben te yisime.

2 Crónicas 31:21

Ta spisil te bi la spas ta swenta abatinel ta templo yu'un Dios, soc ta swenta spisil te mandaliletic, mero jun nax yo'tan ta spasel ta swenta te Diose, jich yu'un mero lec c'ot ta loq'uel.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

Salmos 128:2

Jun me awo'tan ya atuun te bila ya ata ta awat'ele; bin nax me awutsil soc t'ujbil me ya x'ainat spisil ora.

Isaías 3:10

Bin nax yutsil te mach'a toj yac'oj sba, melel lec ya xc'ot ta loq'uel yu'un, soc ya me yaiybey yutsilal te sit yat'ele.

Isaías 44:4

Jich me ya xmuc'ubic te bit'il awalts'unubil te bueno ya yich' malel ta ja', jich bit'il sauce-te'etic ta ti'muc'ja'.

Job 14:9

pero c'alal ya yaiybey siquil te ja'e, ya me xcha'yaxub xan jajch'el; ya me yac' xan yabenal jichuc unin wamal.

San Mateo 21:34

“C'alal la staix yorail ta tulel sit te sts'usube, la sticun abatetic ta c'anel tel te jayeb ya xc'ot ta swenta te sts'usube.

San Mateo 21:19

La yil pejt' higo-te' ta ti' be. Jich noptsaj bael tey a, ja'uc me to, ma'yuc sit c'o stabey. Puro yabenal nax ay. Te Jesús jich la yalbey te higo-te': —Ma'yuc bi ora ya awac' xan asit —la yut. Ora nax taquej te higo-te'e.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

San Mateo 21:41

La yalic: —Ya me xtal slajin ta jc'axel te mach'atic amenique, ya me yac'bey ta swenta yan j'at'eletic te ts'usubiltic yu'une, ja' te ya sna'ic yaq'uel jujun buelta te jayeb ya sitin te ts'usube —xiic.

1 Crónicas 22:11

Jnich'an, yo'tic bael, ya me sjoinat te Cajwaltic, swenta yu'un ya me xju' awu'un spasel te templo yu'un te Cajwaltic te Dios awu'une, jich me te bit'il yaloj ta jamal te ya apase.

Salmos 129:8

Ma'yuc bi ora ya yalic te mach'atic ya xc'axe: “Ac'a yac'bat bendición Cajwaltic; te jo'otic ya jc'anbeyex bendición ta stojol te Cajwaltic”, te ma xiuque.

2 Crónicas 32:23

Jich yu'un ay tsobol la yich'ic bael majt'anil ta Jerusalén yu'un te Cajwaltique, soc bayal yutsil bitic ac'bot smajt'anin te Ezequías, te muc' ajwalil yu'un Judá. Tey toy xan jajch'el sc'oplal yu'un spisil a te yantic nacionetique.

Números 24:6

Mero najt'ic xcholoj sbaic jichuc palmaetic yilel, jich bit'il ts'unbil nichimaltic ta ti'ja' yilel, ja' te ts'unbil áloetic yu'un Cajwaltic, ja' te cedroetic ta ti'ja' yilel.

Deuteronomio 28:8

“Te Cajwaltic ya me yac'bat bendición ta snail te sit awawal-ats'unub, soc nix ta spisil te bitic ya apase, soc mero bin nax awo'tan ya yac' nainucat ta lumq'uinal te ya yac'bate.

2 Reyes 18:7

Ja' yu'un na'bot yo'bolil sba yu'un te Cajwaltic. Spisil te bitic la spase spisil lec c'ot ta pasel, ta swenta bit'il ja' coltayot yu'un te Cajwaltique. Te Ezequías la stoy sba ta stojol te muc' ajwalil yu'un Asiria, ma ba la sc'an la xch'uunbeyix smandal.

1 Crónicas 22:13

Jich me lec ya xc'oat ta loq'uel ta spisil a, teme ya awac' puersa ta spasel te mandaliletic yaloj te Cajwaltic ta swenta Moisés, te la yac'bey te Israele. Pasa me tulan, soc ayuc me yip awo'tan spisil ora, ma me xpejc'aj awo'tan, ni ma me xiwat.

Job 22:28

Buen lec me ya xc'ot spisil bitic ya apas; ya me sacubtesbat q'uinal ta abe c'oem.

Salmos 92:15

Ya yalbeyic sc'oplal te Cajwal te ja' jcanantaywanej cu'un, te toj yo'tan, te ma'yuc bila amen ya spase.

Isaías 58:11

Jo'on ya quic'at ta beel spisil ora; c'axem to xan ya cac'bat awe'el ta jochol taquin q'uinal, ya cac'bey yip te abaq'uetale. Jich me ya xc'oat te bit'il yawil nichim te buen malbil ta ja', jichat me te bit'il sloq'uibja' te jc'axel ma xtup'.

Ezequiel 31:5

Yu'un mero bayal te ya'lele, c'ax jich smuc'ul c'ot a te bit'il yantic te'etic ayic ta ja'maletique; muc'ub xan te yabenale, najt'ub xan te sc'abc'abe, bayal la slim xan bael sba.