Salmos 1:1 - Bible in Tzeltal de Oxchuc y Tenejapa

¹ Bin nax me yutsil te ants-winic te ma st'unbey sbe te mach'atic amen yo'tanique, te ma sc'ainbey yat'elic te mach'atic yat'elinejic sleel smulique, soc te ma junuc yo'tan sba soc te mach'atic ya slabanic te Diose,

Bible in Tzeltal Bachajón

¹ Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

Salmos 1:1 Referans Kwoze

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Jeremías 15:17

Jo'on ma ba sc'anoj co'tan ta sjoinel te mach'atic ja' nax ya xbajt' ta yo'tanic spasel sbujts' q'uinal yaiyic. Ja' to c'alal la awu'uninon, jich cuxinon tel ta jtuquel nax, melel la awac' te ma la smulan co'tan te bila ay ta pasel.

San Lucas 11:28

La yal te Jesuse: —Ja' bin nax yutsil stuquelic te mach'atic ya yaiybeyic stojol sc'op te Diose soc te ya xch'uunic spasele —xi'.

Salmos 1:6

Te Cajwaltique ya scanantay ta beel te mach'atic lec yo'tanique, yan te mach'atic amen yo'tanique sbelal ch'ayel ya xbajt' stuquelic.

Proverbios 1:15

anan ta stojolic, jnich'an, ma me xba at'un te be te amen st'unojique.

Salmos 34:8

Pasaic prueba te Cajwaltic, soc ilawilic te ja' mero lec stuquel. Bin nax yutsil te mach'a ya smuc'ulin yo'tane.

Salmos 112:1

¡Bin nax yutsil te Cajwaltique! Bin nax me yutsil te mach'a ya yich' ta muc' te Cajwaltic, te lec ya yaiy ta yo'tan te mandaliletic yu'une.

Salmos 36:4

Metsel ta wayel a, ya snop ta yo'tan spasel te bila amene; stsacoj ta jyalel te amen be, ma sc'an yijq'uitay ta yo'tan te bila amene.

Job 21:16

(Pero te mach'atic amen yo'tanic ma ja'uc yu'unic te yutsil q'uinal ya yaiyique. Mero ma jichuc co'tan jo'on te bit'il yo'tanique.)

Efesios 6:13

Jich yu'un ya sc'an ya awich'ic spisil amajq'uilic yu'un te Diose, swenta yu'un jich me ya xju' awu'unic stsalel te bi c'aalil te ay awocolic yu'une. Jich ta patil te c'alal chapalexix ae, jich me ay yip awo'tanic ta lec.

Génesis 49:6

Ma smulan co'tan te sc'opique, ma ba ya sc'an co'tan te jun ya jtsob jba soque, te melel bayal ilin yo'tanic, la smilic tsobol ta jtul winiquetic, ta swenta stoybailic la sbojbeyic xchial yacanic te wacaxetique.

Jeremías 17:7

“Ja'uc me to, ay me bendición ta stojol te ants-winiquetic teme jo'on smuc'ulon yo'tanique, teme ja' ay ta yo'tan te bila ya smaliybone.

Proverbios 13:15

Te mach'a ya sna' stsael te bila leque, ja' ya x'ac'ot ta ich'el ta muc' yu'un; yan te mach'atic c'ax amen yo'tanique, ja' st'unojic bael te sjinelique.

Salmos 119:115

Q'ueja abaic ta jtojol te amenexe, te jo'on ya jc'an ya jch'uunbey te mandaliletic yu'un te Dios cu'une.

Salmos 106:3

Bin nax yutsilic te mach'atic ya yat'elinic spasel te toj-o'tanil, soc te spisil ora ya spas te bila toj ta pasele.

Salmos 26:12

Teq'uelon ta bay tulan lumq'uinal; te Cajwaltic ya me calbey yutsilal ta stojol te lum yu'une.

Proverbios 2:12

ja'ic me te ya yac'at ta libre te ma stsalat te be te amene, soc ja'ic me ya yac'at ta libre ta sc'abic te mach'atic j'ixta-o'tanetique,

Salmos 81:12

Ja' yu'un la cac' te ja' nix la spasic te bila swenta toybail; soc jich ainic ta spisil ora te bit'il la smulan te yo'tanique.

Proverbios 4:19

Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Proverbios 3:34

Ya me xlabanotic yu'un Cajwaltic te mach'atic jlabanwanejetique; pero bayal me yutsil yo'tan ta stojol stuquelic te mach'atic peq'uel ya yac' sbaique.

Apocalipsis 22:14

Bin nax me yutsilic te mach'atic ya sac' sc'u'-spaq'uic swenta yu'un jich ya xju' ya slo'beyic sit te te' ya yac' cuxinele, soc jich me ya xju' ya x'ochic bael tey a ta bay sti' sts'ajc'ul te muc'ul lume.

Proverbios 9:12

Teme ay ap'ijile, ya me awaiybey yutsilal; yan teme ma ba ya atsajtay abae, ya me awil awocol yu'un stuquel.

Salmos 84:12

Cajwal te Spisil ya xju' awu'une, bayal me yutsil q'uinal ya yaiyic te mach'atic ja'at ya smuc'ulinat yo'tanique.

Romanos 5:2

Ja' ta swenta Cristo te quich'ojtic c'uxtayel yu'un te Diose, ta swenta te xch'uunjel co'tantique. Jich ay yip co'tantic yu'une, soc jich toyol co'tantic ta smaliyel te yutsilal te Diose.

Salmos 144:15

Bin nax me yutsil te lum te jich ay yu'un spisile; bin nax me yutsil te lum te ja' Dios yu'un te Cajwaltique.

San Juan 20:29

Jesús la yalbey: —Tomás, la xch'uunix awo'tan yu'un te la awilonixe. Bin nax me yutsilic te mach'atic ya xch'uune, manchuc teme ma ba ya yilonique —la yut.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

1 Pedro 4:3

Tic' a te ch'ay bayal c'aal awu'unic ta neelal to ta spasel te bila mulanbil yu'un te mach'atic ma sna'beyic sba te Diose. Ja' bi ja' te chijubele, bic'tal-o'tanil, yacubel, q'uinwej, slajinel taq'uin te ma'yuc swentaile, soc xch'uunel lotil diosetic te ilaybil yu'un te Diose.

San Juan 13:17

Teme c'ot ta awo'tanique, bin nax me awutsil teme jich ya apasique.

Salmos 146:9

te Cajwaltic ya scanantay te jyanlumetic, swentainej stuquel te me'ba alaletic soc te me'ba antsetique; yan te mach'atic amen yo'tanic ya me yac' xjowej ta beel stuquelic.

Salmos 146:5

Bin nax me yutsil te mach'a ya yich' coltayel yu'un te Dios yu'un Jacob, ja' te ay ta yo'tan smaliyel te Cajwaltic te Dios yu'une.

1 Reyes 16:31

Melel ma'yuc sc'oplal ta yo'tan te la spas te muliletic la spas te Jeroboam snich'an Nabat. C'axem to xan jich a te bi la spas te Acabe c'alal nujbin soc Jezabel yantsil-nich'an Et-baal, muc' ajwalil ta Sidón. Jich jajch' xch'uun soc jajch' yalbey wocol te Baal.

Deuteronomio 33:29

Bayal me awutsil, ja'at Israel, ¿mach'a pajalat soc? Melel ja' nix te Cajwaltic te scoltayejate, ya scanantayat, ja' ya scoltayat stuquel. Ja' puñal awu'un c'oem soc ja' tsalaw awu'un stuquel. Te acontrotac ya me yac' sbaic ta ac'ab, te ja'ate ya me alajinbey te stoybailique —xi' te Moisese.

Ezequiel 20:18

Jich ora la calbey te yal-snich'anic te manchuc ya xch'uunic spasel te bila amen la spasic te sme'-statique, soc te manchuc ya xch'uunic spasel te costumbre yu'unique, soc te manchuc teyuc ya xbajt' yo'tanic ta stojol a te loc'ombaetic yu'unique.

Proverbios 19:29

Chapalix te' yu'un ya yich' majel a te mach'atic j'ixta-o'tanetique; buen majel me ya xc'ot ta spatic te mach'atic ma sna'ic q'uinale.

Salmos 64:2

Nac'awon ta stojol te mach'atic amen yo'tanique, soc te bila muquen xchapojique; coltayawon ta sc'abic te mach'atic amen yo'tanic te la xchapbonic jc'oplale.

Job 31:5

“Jc'axel ya cal ta jamal te ma'yuc bila amen jpasoj, soc te ma'yuc mach'a ya calbey slo'layele.

Job 10:3

Ja'at nix la apason atuquel. ¿Lec bal ya awaiy jiche te ya awuts'inon soc te ya awilayone soc lec bal awo'tan yu'un te bila chapal yu'unic te mach'atic amenique?

Génesis 5:24

Sjoinej Dios te la spasbey sc'anjel yo'tan. C'ot yorail te ma chicanuc bay bajt', ic'ot bael yu'un Dios.

2 Crónicas 22:3

Te Ocozías snopojbey yat'el te Acab soc te sts'umbale, melel te sme' la yac'bey bol mandal. Ta scaj te bit'il snialinej sba soc te mach'atic ay yu'un Acab, jich mero ma xtuun yat'el ta sit te Cajwaltique. Ja' sc'op sts'umbal Acab te q'uejel nitot bael yu'un te c'alal lajemix a te state, pero jich la spas ta swenta xch'ayel.

San Lucas 23:51

Ja'uc me to, ma la yac' sba a te bi la snopic soc te bi la spasique, soc yac ta smaliyel te ya xjajch' ta ajwalinel te Diose.

San Mateo 16:17

La yal te Jesuse: —Bin nax me awutsil te ja'ate, Simón te snich'anat Jonase, te melel ma ants-winicuc te la yac'bat ana' yalel in to. Ja' la yac'bat ana' stojol te Jtat te ay ta ch'ulchane.

Deuteronomio 14:6

Ya xju' ya ati'ic spisil chambalametic te ya xcha'jach' xan swe'elic, soc te xalal slots'ique.