Rut 4:11 - Bible in Tzeltal de Oxchuc y Tenejapa

¹¹ Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Bible in Tzeltal Bachajón

¹¹ Spisil te mach'atic ayic ta yochibal te pueblo soc te mamaletic hich la sjaq'uic: Ho'otcotic testigohotcotic yu'un. Te ants te ya x'och ta ana, hichuc ac'a c'ohtuc yu'un Jehová te bin ut'il Raquel soc Lea te la shachbeyic sna te Israel. Soc te ha'ate muc'uc me ac'oblal ta Efrata, soc na'biluc aba ta Belén.

Rut 4:11 Referans Kwoze

Génesis 29:32

Jich la yic' yal te Lea. Ayin squerem-al, Rubén sbiil a c'ot yu'un, melel la yal: “Dios la yilon te bit'il ay jwocole. Yo'tic, ya me smulanonix te jmamlale”, xi'.

San Mateo 2:6

“Te ja'at lum Belén, te ayat ta sq'uinal Judá, ma ch'in xujt'uc c'oemat ta stojol te ajwaliletic ta sq'uinal Judea. Melel tey ya xloc' tel a te jtul ajwalil te ya swentainbon te lum Israel cu'une”, te xie —xiic.

Miqueas 5:2

Ja'at Belén Efrata, manchuc teme ch'in jxujt'at te ayat ta yolil te mach'atic sts'umbal Judá, tey ya xloc' tel ta atojol jtul ajwalil yu'un Israel, ja' me sts'umbal te namey q'uinal sme'-state —xi'.

Salmos 132:6

Ta Efrata chicnaj sc'oplal ta alel te cajón yu'un trato, la jtatic ta ja'maltic ta Jaar.

Deuteronomio 25:9

ya me xnoptsaj bael te antse. Ta comonsitil ta stojol te mamaletique ya me sloq'uesbey ta yacan te stepe, ya me stubtaybey yelaw, soc jich me ya yalbey ta stojol: “¡Jich ya yich' pasel ta stojol te winic ma sc'an ya yac'bey sts'umbal te yermanoe!” ya me yut.

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Proverbios 14:1

Te ants te ay sp'ijile, t'ujbil ya xchajban sna; yan te ants ma sna' q'uinale, ya sjin sna stuquel.

Génesis 23:10

Ja'uc me to, te Efrón tey nix ay a te pajal sts'umbal sba soc Het. Jich yu'un te Efrón, te heteo-winique, la sjac'bey sc'op te Abrahame. La yaiyic stojol spisil te sts'umbal Het, soc te mach'a jayeb yacalic ta beel c'axel ta yochibal te lume.

Génesis 29:25

Sacub q'uinal, cham nax la yaiy te Jacob te bit'il ja' ac'bot sjoin ta ajc'ubal te Lea. Te Jacob la yalbey te Labane: —¿Bi yu'un jich la apasbon? ¿Ma bal ja'uc la cac' jba ta abatinel awu'un te ja' ya awac'bon quic' te Raquele? ¿Bi yu'un la alo'layon? —la yut.

Proverbios 31:23

Te smamlal bueno ya xna'bot sba ta lum; soc ja' pajal ich'bil ta muc' soc te mach'atic ich'bilic ta muc' ta spamal te q'uinale.

Génesis 29:16

Ja'uc me to, te Labán ay cheb yantsil-nich'nab: Lea sbiil te wixile, Raquel sbiil te ijts'inale.

Génesis 35:23

Te yalatac te Lea: Rubén te sba snich'an, soc Simeón, Leví, Judá, Isacar soc Zabulón.

Génesis 35:24

Te yalatac te Raquel: José soc Benjamín.

Deuteronomio 25:7

Yan teme ma sc'an te winic te ya xnujbin soc te antse, te ants ya me xbajt' ta stojol stsojbol te mamaletic te yich'oj yat'elique. Jich me ya xc'o yalbey te mamaletique: “Te winic ma'yuc sc'oplal ta yo'tan teme ya xch'ay sbiil ta Israel te yermanoe. Ma sc'an ya jpas soc te bila ay ta swenta spasel te bit'il ja' yinamon yermano”, xiuc me ta stojolic te mamaletique.

1 Reyes 21:8

Te ants ora och ta spasel cartaetic ta swenta Acab, la yac'bey te sello yu'un te muc' ajwalile. Ora la sticunbey te mamaletic te yich'oj yat'elic soc te jwentainwanejetic, te tey nix nainemic ta slumal Nabot.

1 Crónicas 2:51

te Salma te la sjajch'es te lum Belén; soc te Haref te la sjajch'es te lum Bet-gader.