Rut 3:7 - Bible in Tzeltal de Oxchuc y Tenejapa

⁷ Te Booz we'-uch'aj, la yac' ta ilel te bin nax yo'tane. Patil bajt' ta wayel, tey bajt' ta bay busajtic te sbac' cebada. C'alal wayajtiquix ta lec a, c'unc'un nax och bael te Rut, la sjolbey te yacane, la smejts'an sba tey a.

Bible in Tzeltal Bachajón

⁷ C'alal we' uch' te Booz soc ay yutsil q'uinal la ya'iy, baht ta wayel ta sti'il banti busajtic te cebada. Patil muquen tal te Rut, la sjolbe smuhquil yoc, la smehtsan sba tey a.

Rut 3:7 Referans Kwoze

Ester 1:10

Ta sjuquebal c'aal sjajch'el a te q'uine, te muc' ajwalil bin nax yo'tan ta scaj te yuch'oj vino. Jich la sticun bael te Mehumán, Bizta, Harbona, Bigta, Abagta, Zetar soc te Carcas, juqueb winiquetic te jun yo'tan sbaic ta stojole,

Jueces 19:6

Ta xchebalic pajal la snajc'an sbaic ta we'el ta uch'ajel. Te stat te antse la sc'an te yacuc xcom xan, te binuc nax yo'tan ya xc'ax jun xan ajc'ubal yu'un.

2 Samuel 13:28

Jich la yalbey te abatetic yu'une: —Ya me awilic ta lec te Amnón te c'alal yacubenix yu'un te vino. Te c'alal ya calbeyex te ya amilique, milaic me. Ma me xiwex ta smilel, melel jo'on jmandal. Ja' yu'un ma me xiwex, ayuc me yip awo'tanic ta spasel —xi' ta stojol te swinictaque.

Jueces 19:9

Te levita-winic la stejc'an sba jajch'el yu'un ya xbajt'ix soc te yantse soc te yabate. Te snialmamal la yalbey te malix te c'aale, ch'ayelix bael a, te yacuc scom sba xan te binuc nax yo'tan ya xc'ax jun xan ajc'ubal yu'un tey a, swenta yu'un buen sab ac'a loc'uc bael ta yan c'aal.

Eclesiastés 10:19

Te we'elile, yu'un ya caiybeytic sbujts'; te vino, yu'un ya yich' aiybeyel yutsil. Pero ja' ya spas falta te taq'uine.

Eclesiastés 9:7

Ja' yu'un ya calbat, binuc nax me awo'tan ya xwe'at, soc binuc nax me awo'tan ya awuch' te vino awu'une, melel buen lec yo'tan Dios yu'un te awat'ele.

Eclesiastés 8:15

Ja' yu'un te jo'one ya cal te ja' ya jmulan te yutsil-o'tanile. Te bila ya sc'an ya spas te mach'a jayeb c'aal ay xcuxlejal yu'un Dios ta balumilale, ja' te we'el, uch'el soc yaiybeyel yutsilal te ainel ta balumilale, te ja' nix ac'bot yu'un te yat'el te jayeb c'aal ac'bot cuxlejal ta q'uinal yu'un te Diose.

Eclesiastés 2:24

Te bi mero lec ya sc'an ya spas te winique, ja' te ya xwe' ya x'uch'e, ac'a yaiybey yutsilal te yat'ele. Jna'oj te spisil talem ta stojol te Diose.

Salmos 104:15

ja' te waj te ya x'ac'bot yip yu'un, soc te vino te ya xbujts'naj yo'tan yu'un, soc te aceite te ya x'ach'ub yelaw yu'un.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

1 Reyes 21:7

Te Jezabel, ja' te yiname, jich la yal: —¡Pero ja'at ay ta awenta pasaw ta mandal ta stojol Israel! Baan ta we'el, binuc nax me awo'tan. Jo'on me ya jchajban te sts'usubil Nabot —xi'.

Jueces 19:22

C'alal bin nax yo'tanic a, ay winiquetic amen yo'tanic te ayic ta lum, tal sjoytayic te na, jajch'ic ta stijel te ti'naile. La yalbeyic te mamal, ja' te yajwal na: —Loq'uesa tel te winic te awula'e. Ya jc'an ya join jbajtic ta wayel soc —xiic.

Jueces 16:25

Bin nax yo'tanic ta jyalel, la sc'anic te yacuc yiq'uic loq'uel tel te Sansón, swenta yu'un bayal bitic ya yac'bey spas ta swenta tse'luyel. La sloq'uesic tel ta cárcel, la yac'beyic swocol ta labanel. La yac' tejc'ajuc ta olilal ta bay cheb muc'ul oyetic yu'un templo.

Génesis 43:34

Te José jajch' yac'bey swe'el te sbanquiltaque. Yan te Benjamín c'ax jich swe'el ac'bot a te bit'il te yantique, swenta jo'eb buelta yajwal te swe'el ac'bot stuquele. Jich we'-uch'ajic, bin nax yo'tanic ta spisilic.

Efesios 5:18

Ma me xyacubex yu'un te vinoe, te melel swenta abolteselic stuquel. Ja'uc me nojeluc ta awo'tanic te Ch'ul Espiritue.

Rut 3:6

Jich yu'un te Rut bajt' ta bay te swuyojibal spat cebada, jich nix la spas spisil te bit'il pasot ta mandal yu'un te yalib-me'ele.

Rut 3:8

Wijc' sit ta olil ajc'ubal te Booz, cham nax la yaiy te ay jtul ants metsel ta yacan.