Rut 2:4 - Bible in Tzeltal de Oxchuc y Tenejapa

⁴ Te Booz jich nix yorail loc' tel ta Belén, tal yil te cebadail. La spatbey yo'tanic te abatetic yu'une: —Ac'a sjoinex te Cajwaltique —xi' ta spatbeyel yo'tanic. La sjaq'uic: —Ac'a yac'bat bendición te Cajwaltique —xiic ta spisilic.

Bible in Tzeltal Bachajón

⁴ Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.

Rut 2:4 Referans Kwoze

2 Tesalonicenses 3:16

Te Cajwaltic te lamal q'uinal ta swentae, ac'a slamantesbeyex awo'tanic ta spisil ora chican te bi awilelic ayexe. Ac'a sjoinex ta apisilic stuquel te Cajwaltique.

San Lucas 1:28

Te ch'ul abat och bael ta banti ay te Mariae, jich la yalbey: —Tal jpatbat awo'tan ja'at te c'uxtaybilat yu'un te Diose. Sjoinejat te Cajwaltique. Ma'yuc yan ants jich ac'bil bendición ta stojol te bit'ilate —xi'.

Jueces 6:12

Te ch'ul abat yu'un Cajwaltic la yac' sba ta ilel ta stojol Gedeón, jich la yalbey: —Sjoinejat te Cajwaltique, te tulan winicat soc te ma xiwate —xi'.

2 Timoteo 4:22

Ac'a ainuc ta awo'tanic te Cajwaltic Jesucristoe, soc ac'a yac'beyex bayal yutsil yo'tan ta apisilic. Jichuc.

Salmos 118:26

Jelawen yutsil te mach'a ya xtal ta swenta te Cajwaltique; Jelawen awutsilic ja'ex c'alal ta templo yu'un te Cajwaltique.

Rut 4:11

Te mamaletic soc spisil te mach'atic tey ayic a, la sjaq'uic: —Melel nix a, jo'otic testigootic awu'un. Te ants te ya x'och ta ana, jichuc me c'otuc yu'un Cajwaltic te bit'il Raquel soc Lea, te ja'ic jts'umbalinejtic jpisiltic jo'otic te israelotique. Ayuc me awip ta Efrata, muc'uc me ac'oplal ta Belén.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

1 Timoteo 6:2

Teme ay yajwalic te xch'uunej Diose, ya me sc'an ya yich' ta muc' yu'un te bit'il yermano sba soc ta stojol te Diose. Ja' ya sc'an te jun yo'tan ya yac' sba ta abatinel, te melel pajal xch'uunej Dios soc te mach'a ay ta abatinel yu'une, soc te c'ux ya yaiy ta yo'tane. Jich me xawac'bey snopic, soc jich me xatac'uyic.

Rut 2:3

Bajt' te Rut, c'ot tey a ta bay yac ta set'el cebada. Jajch' ta stamel te bay jileme. Ja'uc me to, tey c'ot ta bay sq'uinal Booz te yermano sba soc te anima Elimelec.

Rut 2:5

Te Booz la sjojc'obey te mayordomo yu'un te j'at'eletique: —¿Bay talem me ants to? —xi'.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Números 6:24

‘Te Cajwaltic ac'a yac'bat bendición, ac'a scanantayat;

Jueces 6:16

Te Cajwaltic la sjac': —Ya xju' awu'un spasel, melel ya joinat. Ya me atsal te madianetic, jich nax me ya xc'ot ta awo'tan te bit'il jtul nax winic —xi' sc'oplal.

1 Samuel 17:37

Te Cajwaltic te la scoltayon ta ye te león-choj soc ta ye te oso, ja' ni me jich ya scoltayon ta sc'ab te filisteo —xi'. Jich la yal yu'un te Saúl: —Baan jiche. Ac'a sjoinat te Cajwaltique —xi'.

1 Crónicas 2:51

te Salma te la sjajch'es te lum Belén; soc te Haref te la sjajch'es te lum Bet-gader.

Salmos 134:3

Ja' te Cajwaltic te la spas ch'ulchan balumilal, ac'a yac'beyex bendición c'alal ta wits Sión.

Jeremías 31:23

Te Cajwaltic te Spisil ya xju' yu'une, te Dios yu'un Israel, ya yal: —C'alal ya cac'bey xan yutsilal te ants-winiquetic yu'un Judá, te ayiquix ta yan buelta ta sq'uinalic soc ta lumetic yu'unic, jich me ya yalic ta yan buelta: “Te Cajwaltic ac'a yac'bey bendición te ch'ul wits te bay ya xnain te stojil chajbanele”, xiic me.