Rut 2:12 - Bible in Tzeltal de Oxchuc y Tenejapa

¹² Dios me ya stojat. Te Cajwaltic Dios yu'un Israel te tal ale coltayel yu'une, ya me xc'uxtayat, ya me scanantayat. Ya me smajt'antesat yu'un spisil te bitic t'ujbil apasoj tele —xi'.

Bible in Tzeltal Bachajón

¹² Te Jehová ac'a stojat yu'un te bintic la apas, soc yacuc x'a'botat amahtan yu'un Jehová te Dios yu'un Israel, te tal awac' aba ta ye'tal xic' yu'une, xchi.

Rut 2:12 Referans Kwoze

Salmos 36:7

Dios cu'un, jchajp nax ta jyalel a te xc'uxul awo'tane, te mach'atic ya sleic te canantayel awu'une, ya awac' ta yet'al axic' c'oem.

Salmos 91:4

ya me sluts'at ta yet'al xic' c'oem, jich me jun awo'tan. Te bit'il jun yo'tan ta atojol ya me scanantayat; ja' amajq'uil c'oem.

Salmos 63:7

melel ja'at te ya acoltayone. Bin nax co'tan te ayon ta ye'tal axic' c'oem.

Salmos 17:8

Jich me x'acanantayon te bit'il xch'ulel asit; canantayawon ta yet'al axic' c'oem,

Salmos 61:4

Ya jc'an ya xnainon ta ana spisil ora; canantaybilon awu'un ta ye'tal axic' c'oem.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

Hebreos 11:26

La snop te ja' mero sc'ulejal ya xc'ot te bolc'optayel ya yich' te mach'atic tsabil yu'un te Diose. Ma ja'uc la sna'bey yutsil sc'ulejal te lum Egiptoe; ja' bajt' ta yo'tan te majt'anil ya x'ac'bot yu'un te Diose.

1 Samuel 24:19

Melel ma'yuc mach'a ya xju' yu'un jich ya spas te ayix ta sc'ab te scontro, te buen lec ay a ya scoltay baele. Ja' yu'un, ja' ac'a stojbat ta buen lec te Cajwaltic te bi la apasbon ta jtojol te naxe.

Rut 1:16

Ja'uc me to, la sjac' te Rut: —Ma xawalbon te ya quijq'uitayat, te ya apijt'eson bael. Te bay ya xbaat te ja'ate, tey nix me ya xboon a; ta bay ya xnainat, tey me ya xnainon a. Te alumale ja' me jlumal ya xc'ot uuc. Te Dios awu'une, ja' nix me Dios cu'un ya xc'ot.

Salmos 57:1

Na'bon yo'bolil jba, Dios cu'un, na'bon yo'bolil jba, melel ta atojol ya me jle canantayel. Ya jc'an ya jnac' jba ta ye'tal axic' c'oem, ja' to teme c'axix bael a te woclajele.

Hebreos 11:6

Ma xju' te lec yo'tan Dios cu'untic, ja' to teme ay xch'uunjel co'tantique. Melel ja' to ya xju' ya xnoptsajotic ta stojol Dios a teme jch'uunejtic te ay te Diose soc teme jch'uunejtic te ya yac'bey smajt'an te mach'atic ya xleot yu'unique.

San Lucas 6:35

Yan te ja'exe, c'ux me xawaiy ta awo'tanic te mach'atic ya scontroninexe. Pasbeyaic bila lec soc ac'beya smajanbat te bila ay awu'unique. Ma me x'ac'anbey sjol. Jich me bayal awutsilal ya awich'ic yu'un, soc jich me yal-snich'an ya xc'oex te ch'ul Dios te ay ta ch'ulchane. Melel ya xc'uxtay te mach'atic ma sna'ic yalel wocole soc te mach'atic amen yo'tanique.

San Mateo 23:37

“¡Jerusalén, Jerusalén! Ya amilic te j'alwanejetic yu'un te Diose, soc ya ach'ojic ta ton te mach'atic ticunbilic ta c'op ta atojolique. Bayal buelta te c'an jtsobeyex te awal-anich'anique jich bit'il ya stsob yalatac ta yanil xic' te me'mute, ja'uc me to, ma la ac'anic.

San Mateo 5:12

Binuc nax me awo'tanic yu'un, soc ayuc sbujts' awo'tanic yu'un, te melel ya me x'ac'botex muc' amajt'anic ta ch'ulchan yu'un. Melel jich nix lajic ta uts'inel uuc te j'alwanejetic yu'un Dios te neel c'axemic ta q'uinale.

2 Timoteo 4:8

Ta ora to, ja' xanix ya jmaliy te jcorona te bit'il toj ainon ta q'uinale te q'uejbil yu'un te Cajwaltique, te ya yac'bon te c'alal ya sta sc'aalelal te ya xcha'tal xane. Melel ja' lequil juez stuquel te toj ya xchajbanwane. Ma jo'ocon nax jtuquel te ya yac'bon jmajt'ane, melel ya yac'bey smajt'an uuc spisil mach'atic bin nax yo'tanic ta smaliyel te bi ora ya xchicnaj tele.

2 Timoteo 1:18

Ac'a me yich' c'uxtayel yu'un Cajwaltic te bi ora ya sta sc'aalelal te ya xcha'tal xane. Te ja'ate ana'oj ta lec te bit'il bayal la yac' sba ta abatinel cu'untic ta lum Efeso.

San Mateo 6:1

“Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

Proverbios 23:18

Jich me buen lec ya xc'oat yu'un; ma me ayuc bi ora ya xlaj sc'oplal te bila ya amaliye.

Proverbios 11:18

Te mach'a amen ya x'at'ej, ya slo'laybey staq'uin yajwal; yan te mach'a toj ya x'at'eje, jun yo'tan ya yich' stojol stuquel.

Salmos 58:11

Ja' yu'un jich me ya yal: “Mero jich nix ya sc'an a te jun co'tantic ta stojol Dios ya x'ainotique, melel ay Dios te mero stojil ya xchajbanwan ta q'uinale”, xi' me.

Salmos 19:11

Ja' me ya yac'bon jtsajtay co'tan te yabaton te Cajwaltique, teme ya jch'uune, jich me lec ya xc'oon ta loq'uel a.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Rut 2:11

Te Booz la sjac': —Yu'un caiyoj stojol spisil te bit'il ay awo'tan soc te awalib-me'el, te sjayebalix c'aal slajel bael te amamlale. Melel ma'yuc sc'oplal ta awo'tan la awijq'uitay jilel te alumal soc te ame'-atat, te bit'il talat ta cuxinel ta bay ayotic, te ma'yuc bay awiloj ta neelale.

Rut 2:13

La sjac' te Rut: —Tatic, bayal yutsil awo'tan ta jtojol, ya xmuc'ub q'uinal ya caiy yu'un te ac'ope. Lamal nax ya caiy te ac'ope, manchuc me ma abatucon awu'un —xi'.

Rut 4:15

Ja' me ya smuc'tesbat awo'tan, soc ja' me ya smac'linat te c'alal me'elatixe. Melel ja' yal te awalib te bin nax yo'tan awu'une, te jich c'oem yutsilal ta atojol te bit'il ayuc bayal awalataque —xiic.

Jeremías 31:16

Ja'uc me to, ya yalbey te Cajwaltique: —Raquel, ma x'oc'at xan; ma xamalix loq'uel ya'lel te asite. Melel te mel-o'tanil awu'une, ya me awich'bey stojol; te awalataque ya sujt' loq'uel tel ta slumal te scontroe. Jo'on Ajwalilon, jich ya cal.

1 Samuel 24:20

Yo'tic mero la jna'ix ta lec te ja'at te ya x'ochat ta muc' ajwalil, soc te ya xmuc'ub xan te Israel ta awenta c'alal ya x'ochat ta muc' ajwalile.