Rut 1:20 - Bible in Tzeltal de Oxchuc y Tenejapa

²⁰ Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.

Bible in Tzeltal Bachajón

²⁰ La sjac' te Noemí: ¡Ma xawalboniquix Noemí, a'boniquix jbihilin Mara, yu'un bayel la ya'bon jwocol te Mach'a spisil ya xhu' yu'un!

Rut 1:20 Referans Kwoze

Job 6:4

Te Mach'a Spisil ya xju' yu'une, sts'apojbon ta jbaq'uetal c'oem te yat'ejibal t'ime, ja' yacal ta pujq'uel ta jbaq'uetal te svenenoile. Dios yac'ojbon tulan xiwel, ja' te xiwel julem ta jtojol yu'une.

Hebreos 12:11

Melel te tojobtesel ya quich'tique, ma bujts'anuc ya caiytic soc c'ux ya caiytic te c'alal ya quich'tique. Ja'uc me to, ta patil ya me sitin ta swenta te bila leque, soc lamal q'uinal ya yaiy yu'un te mach'a ya xch'uun tojobtesele.

Isaías 38:13

Ya x'awunon yu'un xc'uxul sjunal ajc'ubal, jich c'oem te bit'il león-choj yac ta sc'asbelon te jbaquele. Ta c'aal ajc'ubal ya awac'bon c'axuc jwocol.

Salmos 88:15

C'alal to ta jqueremil, ayon tel ta woclajel soc ayon ta sti'il te lajele. C'axem cu'un bitic mero xiweltic sba te ja'at la awac'bon tel ta jtojole; ma xcujch'ix cu'un ya caiy.

Salmos 73:14

melel spisil ora ya quich' majel, soc ya quich' castigo ta jujun sacubel q'uinal.

Job 19:6

Ya me sc'an ya ana'ic te ja' nix Dios te sjinojone, te ja' te yac'ojon ochel ta pejts'e.

Job 5:17

“Bin nax me yutsil te winic ya x'ac'bot tojtesel yu'un te Diose; ma me xap'aj te tojtesel yu'un te Mach'a Spisil ya xju' yu'une.

Job 11:7

“¿Ya bal acuy te ya xju' ya x'ochat a te bitic muquen ay ta yo'tan te Diose, te ya xju' awu'un stael ta na'el smuc'ul te Mach'a Spisil ya xju' yu'une?

Éxodo 6:3

Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Génesis 43:14

Te Dios te Spisil ya xju' yu'une, ac'a scoltayex, ac'a stijbey yo'tan te ajwalil te yacuc xc'uxtayexe, yacuc scoltaybotic tel te abanquilic chucul jilele, soc te manchuc ya yuts'inbotic te Benjamín. Teme spisil ya xpojboton te jnich'nabe, jich nanix, bi c'an cal —xi' te mamal Israele.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Éxodo 15:23

C'alal c'otic ta Mara, ma ju' la yuch'ic te ja' tey a, yu'un ch'a. Ja' swentail te Mara c'ot sbiil yu'unique.

Job 9:18

ya yac' esmajuc xan jwocol, ma xyac'bon quich' lequil ic'.