Proverbios 9:6 - Bible in Tzeltal de Oxchuc y Tenejapa

⁶ Ijq'uitayaic te ma x'ana'ic stsajtayel abaique, jich me ya xcuxinex; jich me xbeenex te bit'il mach'atic ay sp'ijil sjole”, la yut.

Bible in Tzeltal Bachajón

⁶ Ihquitaya asonsohilic, hich me ya xcuxajex a; behenanic ta sbehlal te bintic ay ta na'el, xchi.

Proverbios 9:6 Referans Kwoze

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Proverbios 4:11

Jo'on me ya quic'at bael ta sbelal te p'ijil-o'tanile; ya me cac'at ta beel ta buen lequil be

San Lucas 13:24

—Ac'aic puersa ta ochel bael ta bay tsail nax sjamalul te ti'naile. Ya calbeyex te ay me tsobol mach'atic te patil ya sc'an yo'tanic te ya x'ochic tey a, ja'uc me to, ma xju'ix yu'unic.

2 Corintios 6:17

Ja' swentail te jich la yal xane: “Loc'anic me tel ta yolilic, parte me xawac' abaic, xi' te Cajwaltique. Ma me x'atsaquic te bila ilaybile. Jich me jun nax co'tan ya quiq'uex ta jtojol.

Apocalipsis 18:4

Ay yan mach'a c'opoj tel ta ch'ulchan la caiy te jich la yale: “Ja'ex te lumex cu'un, loc'anic tel tey a ta bay te muc'ul lume, swenta yu'un jich ma ba ya ajoinic ta sleel te smulique soc ma ba ya staex te castigo ya yich'e.

Hechos 2:40

Te Pedro la to yalbey xan yaiyic ta lec te sc'op Diose, soc la stac'uy. Jich la yalbey yaiyic: —Ac'a abaic ta coltayel. Ma me xbaex ta ch'ayel soc te mach'atic cuxulic ta q'uinal ta ora to te amen yo'tanique —xi'.

Proverbios 9:11

Ja' nix ta swenta te p'ijil-o'tanil te bayal ja'wil ya xcuxinat yu'une, jich me ya xnajt'aj xan bael aworail yu'un.

Proverbios 8:35

Melel te mach'a ya staone, la me sta xcuxlejal stuquel; soc ya yac' lecubuc yo'tan ta stojol te Cajwaltique.

Salmos 119:115

Q'ueja abaic ta jtojol te amenexe, te jo'on ya jc'an ya jch'uunbey te mandaliletic yu'un te Dios cu'une.

Salmos 45:10

Cantsil-nich'an, aiya me awaiy ta lec te bila ya calbate: Ch'aya me ta awo'tan te ame'-atat, ch'aya me ta awo'tan te alumale.

Proverbios 10:17

Te mach'a ya yac' ta yo'tan te tojtesele, ay ta sbelal cuxlejal; yan te mach'a ma xyac' ta yo'tan te tojtesele, ay ta sbelal ch'ayel.

Proverbios 23:19

Jnich'an, ich'a ta wenta te bila ya cale, nopa ta mero lec; ja' me xawac' puersa ta st'unel te lequil be.

Ezequiel 11:20

Jich me ya xju'ix yu'unic a te ya xch'uunbonic te mandaliletic cu'une, soc te bitic chapal cu'une. Jich me ya spasiquix bael spisil ora. Ja'ic me lum cu'un, soc jo'on me Dioson yu'unic.

Ezequiel 37:24

Ja' me muc' ajwalil soc jcanan yu'un ta spisil stuquel te cabat David. Ya xch'uunbonic jc'op, ya me spasic spisil te mandaliletic cu'une.