Proverbios 9:12 - Bible in Tzeltal de Oxchuc y Tenejapa

¹² Teme ay ap'ijile, ya me awaiybey yutsilal; yan teme ma ba ya atsajtay abae, ya me awil awocol yu'un stuquel.

Bible in Tzeltal Bachajón

¹² Teme ay sp'ijil awo'tan, ay me bin yac ata a; teme jlabanwanejat, ya me awil awocol atuquel.

Proverbios 9:12 Referans Kwoze

Ezequiel 18:20

Ja' nax te mach'a ya sle smule, ya me xlaj stuquel. Ma xju' teme ya stojbey smul stat te nich'anile, ni ja'uc te tatil ya xju' ya stojbey smul te nich'anile. Te mach'a stojil ya spase, ya me yich' smajt'an yu'un te stojil la spase; yan te mach'a amen te yat'ele, ja' me ya yich' castigo yu'un te smule.

Job 22:21

“Ja' yu'un te ja'at, ac'a lamajuc q'uinal awu'un soc te Diose, jich me ya xcha'ain xan abiluc a.

Proverbios 16:26

Te bit'il ya sc'an swe'el te mach'a ya x'at'eje, ja' nix ya sle ta at'el; ja' ya xtenot ta at'el yu'un te wi'nale.

Isaías 28:22

Jich yu'un yo'tic, ma me ayuquix labanwanej, swenta yu'un ma ba ya sut'at xan te cadena; melel caiyojbeyix stojol sc'op te Cajwaltic te Spisil ya xju' yu'une, chapalix yu'un te ya yac' ta jinel spisil te alumale.

2 Pedro 3:16

Ta spisil te cartaetic pasbil yu'une, jich yalojix spisil tey a. Ay nax tey a te bila wocol ta na'el stojole. Ay ya syantesbeyic sc'oplal te bila ts'ibubil te mach'atic bol yo'tanic soc te ma'yuc yip yo'tanic ta xch'uunel te Diose, jich nix te bit'il ya syantesbeyic sc'oplal te bila yantic xan ts'ibubil jilel ta Sjun te Diose. Ja' me ch'ayel ya xbajt'ic yu'un.

Gálatas 6:5

Melel juju-jtul ay ta swenta xcuchel te bi yilel te yat'el ya spase.

Proverbios 14:14

Te mach'a ma sna' q'uinal, ya scuy ta lec te bila ya spase; yan te mach'a lec yo'tane, lec yat'el stuquel.

Proverbios 19:29

Chapalix te' yu'un ya yich' majel a te mach'atic j'ixta-o'tanetique; buen majel me ya xc'ot ta spatic te mach'atic ma sna'ic q'uinale.

Job 19:4

Manchuc teme yu'unix ay a te jmule, jtuquel nix ya yac'bon jwocol te jichuque.

Zacarías 12:14

Jich ta spisil ta chajbalchajp na ya me smel yo'tanic, soc parte ya x'oq'uic te antsetic yu'unique.