Proverbios 8:5 - Bible in Tzeltal de Oxchuc y Tenejapa

⁵ Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Bible in Tzeltal Bachajón

⁵ Ha'ex te ma xana'ic q'uinal, nopahic stsahtayel abahic; ha'ex sonsohex, na'ahic me q'uinal.

Proverbios 8:5 Referans Kwoze

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Proverbios 1:4

soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

1 Corintios 1:28

Soc ja' stsaoj Dios te mach'atic ilaybilic ta balumilale soc te p'ajbilique. Ja' stsaoj te mach'atic ma'yuc sc'oplale, yu'un ya sjin te mach'atic tulan sc'oplale,

Isaías 42:13

Te Cajwaltic ya me xloc' tel jichuc jtul winic te ay yipe; ya me yac' puersa ta yaq'uel guerra jichuc jtul soldado. Ya me stoyes sc'op, ya me x'awun yu'un guerra; soc ya me stsal te scontrotaque.

Proverbios 9:4

“La'ic me, queremetic te ma'yuc bi x'ana'ique”, la yut. Jich la sticunbey ta alel xan te mach'atic ma sna' stsajtayel sbaique:

Salmos 94:8

C'otuc ta awo'tanic, ja'ex ants-winiquetic te jich nax ayex ta q'uinal, te ma'yuc bi ya xc'ot ta awo'tanique. ¿Bi ora ya ana'ic stojol?

Proverbios 1:32

Te mach'atic ma'yuc bila sna'ojique, ja' nix ya xmilotic yu'un te ma'yuc bila sna'oje; ja' te mach'atic ma sna'ic q'uinale, ja' nix ya xlajinotic yu'un te bila ma ba la yich'ic ta wenta.

Proverbios 3:35

Te mach'atic ay sp'ijilique, ja' me smajt'an ya xc'otic te lec-o'tanil ta stojolique; yan te mach'atic ma sna'ic q'uinale, ja' nix me ya x'ac'otic ta na'el yu'un te amen yat'elique.

Proverbios 8:4

“Winiquetic, ja'ex awu'unic te jc'op ya cal ta ora in to.

Proverbios 8:12

Soc jich la yal xan: “Jo'on te jp'ijil-o'tanile, joy jba soc te p'ijil-jolole, ya xju' cu'un ya cac' ta na'el te mero lequil consejo.