Proverbios 8:4 - Bible in Tzeltal de Oxchuc y Tenejapa

⁴ “Winiquetic, ja'ex awu'unic te jc'op ya cal ta ora in to.

Bible in Tzeltal Bachajón

⁴ Winiquetic, ha'ex ya cawtayex; ya jc'opon te yal-snich'nab ants-winiquetic.

Proverbios 8:4 Referans Kwoze

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

San Juan 3:16

Melel te Diose bayal c'ux la yaiy ta yo'tan spisil te ants-winiquetique. Jich yu'un la yac'bey te jip jtul Snich'ane, swenta yu'un spisil te mach'a ya xch'uune, ma xch'ay, jich me ya sta xcuxlejal sbajt'el q'uinal.

San Mateo 11:15

Te mach'a ay xchiquine, ac'a me yaiy stojol ta lec.

Salmos 50:1

Te Cajwaltic, ja' Dios yu'un te yantic diosetique, c'opojix; la yiq'uix tel te mach'atic ayic ta q'uinal, ja' te mach'atic ayic ta stojol sloq'uib c'aal soc ta smalib c'aale.

Colosenses 1:28

Te jo'otique ya jcholbeytic sc'oplal ta bayuc te Cristoe. Ya jtac'uytic soc ya jp'ijubtestic ta lec ta spisilic te ants-winiquetique, swenta jich me tojobenic ta stojol Cristo ya xc'otic.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Proverbios 8:3

ya yac' sba ta aiyel ta xujc' ti'nailetic, ja' te ayic ta yochibal lum, jich ya yal:

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.

Miqueas 1:2

Apisilic lumetic, aiya awaiyic stojol; yajwalex spisil te lumq'uinal, aiya me awaiyic: Te Cajwaltic ja' testigo ta scontroinbelex te ja'exe, te ya xc'opoj tel ta ch'ul templo yu'un.