Proverbios 8:21 - Bible in Tzeltal de Oxchuc y Tenejapa

²¹ Te mach'atic c'uxon ta yo'tanique, ya me cac'bey te bitic ya xc'ot ta swentaique; ya me jnojesbey snaic ta c'ulejaliletic.

Bible in Tzeltal Bachajón

²¹ yu'un ya ca'be te bintic ya xc'oht ta scuentahic te mach'atic c'uxon ta yo'tanic, soc te ya jnojesbe yawil sc'ulejalic.

Proverbios 8:21 Referans Kwoze

1 Pedro 1:4

Jich me ya yac'beyex awu'uninic te bila q'uejbil ta ch'ulchan yu'un te Diose. Ma sna' xjin, soc ma sna' sts'ilaj, soc ma sna' xlaj yutsilal te bila ya yac'beyexe.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Proverbios 24:4

Buen nopbil te bit'il ya yich' nojesel ta bitic bayalic stojol soc te bitic buen t'ujbilic sba te ayic ta cuartoetic yu'une.

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Hebreos 10:34

Soc bayal xc'uxul la awaiy ta awo'tanic te mach'atic la yich'ic chuquele. Soc bayal sbujts' awo'tanic yu'un te bajt' ta pojel te bila ay awu'unique, yu'un ja' la ana'ic te bila ay awu'unic ta ch'ulchan te c'axem to xan ay yutsilal soc te sbajt'el q'uinal ay stuquele.

Proverbios 1:13

Bayal me ta jchajp c'ulejaliletic ya jtatic tey a, ya jnojestic ta puro elc'anbil biluquetic te jnatique.

Salmos 16:11

Ya awac'bon quil sbelal te cuxlejale. Ay mero muc' yutsil q'uinal ya caiy, ay yutsil sbajt'el q'uinal ta atojol.

1 Samuel 2:8

Dios ya stam ta lum te me'bae, c'alal ta xch'ayjibal c'a'pal ya sjaches te mach'a ay ta wocole, soc ya yac' snajc'an sba ta yolil te mach'atic muc' sc'oplalic, ya yac'bey ta yawil te mach'atic ich'bilic ta muq'ue. Melel te Cajwaltic ja' yu'un te bit'il ipajem te lumq'uinale, tey la snajc'an a te balumilale.

Apocalipsis 21:7

Te mach'a ya xju' yu'un tsalawe, ya me cac'bey yu'unin spisil in to. Ja' Dios ya xc'oon yu'un, soc ja' jnich'an ya xc'ot stuquel.

Proverbios 8:18

Jo'on ya cac'bey sc'ulejal soc ya cac' lecubuc sc'oplal; ya cac' te muc' sc'oplal ya xc'ot soc ya cac' esmajuc xan sbiluc.

Proverbios 6:31

Pero teme yac ta elec' a te ya xtaote, ya me sujt'es juqueb buelta te bila la yelc'ane, asta spisil ya yac' te bitic jayeb ay yu'une.

Romanos 8:17

Teme yal-snich'anotic te Diose, ja' cu'untic uuc te bila ay yu'un te Diose. Pajal me ya quich'tic soc Cristo teme pajal ya xc'ax jwocoltic jich te bit'il c'ax swocol stuquele. Jich me pajal ya quich'tic cutsilaltic soc.

Proverbios 8:20

Te jo'on ya xboon ta toj be, ja' te sbelal te toj-o'tanile.

Proverbios 10:22

Te bendición yu'un Cajwaltic ya yac' jc'ulejaltic, te ma'yuc mel-o'tan yu'une.

Proverbios 15:6

Mero c'ax bayal bi ay ta sna te mach'a lec yo'tane; yan te mach'a amen yo'tane, ma xyaiybey yutsilal stuquel te bila ya stae.

Proverbios 21:20

Ta sna te mach'a ay sp'ijile ay sc'ulejal soc perfumeetic yu'un; yan te mach'a ma sna' q'uinale, spisil ya slajin te bitic ay yu'une.