Proverbios 8:15 - Bible in Tzeltal de Oxchuc y Tenejapa

¹⁵ Jo'on ta jwenta te ya xju' yu'unic mandalteswanej a te muc' ajwaliletique, soc te ya xchajbanic te leyetic yu'unic te jmandalteswanejetique.

Bible in Tzeltal Bachajón

¹⁵ Ho'on ta jcuenta te ya xcuentahinwan te ajwaliletic, soc te ya schahpanic stojil leyetic te príncipaletique.

Proverbios 8:15 Referans Kwoze

Romanos 13:1

Spisil ants-winiquetic junuc me yo'tan ac'a xch'uunbeyic smandal te ajwaliletic te yich'oj yat'elique. Melel ja' ta swenta Dios te ay ajwaliletique, soc ja' nix Dios te ac'otic ta ajwalil yu'un te mach'atic yich'oj yat'elique.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

Apocalipsis 19:16

Soc ay sbiil ts'ibubil ta bay te sc'u'e soc ta bay te ya'e: “Muc' Ajwalil yu'un te muc' ajwaliletique, Ajwalil yu'un te ajwaliletique”, xi' te sbiile.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Apocalipsis 19:11

Soc la quil jamal te ch'ulchane. Chicnaj cojt' saquil caballo. Te mach'a cajal ta spate “Jun yo'tan”, soc “Smelelil”, xi' te sbiile. Yu'un toj ya yaiy chajbanwanej soc toj ya yaiy tsalaw.

Daniel 4:25

Te ja'at muc' ajwalil, ya me awich' pijt'esel ta stojol te ants-winiquetique, ya me xba ajoin ta nainel chambalametic. Ya me alo' wamaletic jichuc wacaxetic. Ya me yajts'esbat abaq'uetal te ts'ujule. Jich me ya x'ainat juqueb ja'wil tey a, muc' ajwalil, ja' to teme c'ot ta awo'tan te ay yip yu'el te Dios ya x'at'ej ta stojol ajwaliletic te ch'ich'-baq'uet naxe, soc te ja' nax stuquel ya yac' ochuc yat'el ta ajwalil te mach'a ya sc'an ya yac' ochel stuquele.

Jeremías 33:15

C'alal yorail soc sc'aalelal, ya me jpas te ay jtul mero sts'umbal ya xc'ot te David, te ya spas te lequil chajbanwanej, soc toj ya x'at'ej ta lumq'uinal.

Isaías 1:26

Ya me cac' te ayuc xan jchajbanwanejetic awu'unic jich bit'il ta neelale, soc jtojteswanejetic awu'unic jich bit'il ta xjajch'ibale. C'alal ya xlaj co'tan ta spasel, ya me jcha'albeyex ac'oplalic: “Lum te toj yat'ele, lum te jun yo'tane”, xi' me ac'oplalic.

Salmos 99:4

Ja'at muc' ajwalilat te bayal awu'el, te lec awo'tan yu'un te bila toj ta pasele; ja'at la achajban te pajal ay ta c'uxtayel te ants-winiquetique. Lec yacat ta xchajbanel soc ta stojtesel te snich'nab Jacob.

1 Crónicas 28:5

Yo'tic yac'ojbon bayal ta jtul jnich'nab te Cajwaltique. Ja' la stsabon te jnich'an Salomón, swenta yu'un ya xnajc'aj ta smuc'ul nactijib ta bay ya xmandalaj ta stojol Israel.

1 Reyes 10:9

Jelawen yutsilal te Ajwalil, te Dios awu'une, te lec la yilat te la yac'at ochel ta ajwalil ta stojol Israel. Ta swenta te xc'uxul yo'tan ta stojol Israel ta spisil ora te la yac'at ochel ta muc' ajwalile, swenta yu'un buen lec me ya awentain soc mero stojil me ya xchajbanwanat ta stojolic —xi'.

1 Reyes 5:7

C'alal la yaiybey te sc'op Salomón te Hiram, bin nax yo'tan yu'un. Jich la yal: —Yo'tic wocol la yal Cajwaltic, te la yac'bey jtul snich'an te David te ay bayal sp'ijil yo'tan ta swentainel te buen muc'ul lume —xi'.

1 Reyes 3:28

Ta spisil Israel chicnaj te bi la yut la xchajban te muc' ajwalile. Spisilic la yich'ic ta muc' te muc' ajwalil te c'alal la yilic te yich'ojbey sp'ijil Dios te toj ya yaiy chajbanwaneje.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

1 Samuel 16:1

Te Cajwaltic jich la yalbey te Samuele: —¿Jayeb xan c'aal te yacat ta mel-o'tan yu'un te bi c'oem ta swenta te Saule? Ma jc'anix te ja' ochem ta muc' ajwalil ta Israel. Baan nojesa ta aceite te xulubil awu'une. Ya jc'an te yacuc xbaat ta sna Isaí ta Belén, yu'un la jtsabeyix jtul snich'an te ja' ya x'och ta muc' ajwalile —xi'.

1 Samuel 9:17

Te c'alal la yil Samuel te Saule, jich albot yu'un te Cajwaltic: —Li' me ayix te winic la calbat, ja' me te ya swentainbon te lum cu'une —xi' sc'oplal.

2 Crónicas 1:10

Ja' yu'un ac'bon sp'ijil co'tan ta sna'el jiche te bit'il ya sc'an pasel ta mandal te lume. Melel ¿mach'a c'an ju'uc yu'un spasel ta mandal te lum awu'un te mero c'ax muc' ta jyalele? —xi' te Salomón.

Salmos 2:10

Ja'ex muc' ajwaliletic soc yantic ajwaliletic ta q'uinal, ac'a c'otuc ta awo'tanic, nopaic ta lec te bila ya cac'beyex anopique.

Proverbios 8:16

Jo'on ta jwenta te ch'uunbil smandalic te jwentainwanejetic yu'un te lume, jo'on ta jwenta te ya xchucawanic soc te ma xchucawanic te mach'atic yich'oj yat'elique.

Proverbios 29:4

Te muc' ajwalil te toj ya xmandalaj, ya yich' yip te slumale; yan teme ja' nax ya xbajt' ta yo'tan sujel ta yaq'uel spatane, ya me sjin te slumale.

2 Crónicas 1:11

Te Dios la yalbey te Salomón: —Ja' nax la ac'anbon ap'ijil, ma ja'uc la ac'anbon ac'ulejal, soc awutsilal, soc awich'el ta muc', soc te yacuc xlajic te acontrotaque, soc te najt'uc acuxlejale. Ja'uc me to, ja' nax la ac'anbon sp'ijil awo'tan ta sna'el smandaltesel te lum cu'un te la cac'at ta muc' ajwalil yu'une.