Proverbios 8:13 - Bible in Tzeltal de Oxchuc y Tenejapa

¹³ Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Bible in Tzeltal Bachajón

¹³ Te xi'el te Jehová, ha te sp'ajel te bin chopol; ya quihlay te toybahil soc te muc' ya scuy sba, te chopol be soc te chopol c'op.

Proverbios 8:13 Referans Kwoze

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

Salmos 97:10

Te Cajwaltic c'ux ta yo'tan te mach'a ya yilay te bila ma lecuque; ya scanantaybey xcuxlejal te mach'atic jun yo'tanic ta stojol; soc ya yac' ta libre te c'alal ya x'och ta sc'ab te mach'a amene.

1 Samuel 2:3

Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

Proverbios 4:24

Ma me xawal te bila ma meleluque; jc'axel ilaya me te lote.

1 Tesalonicenses 5:22

Ijq'uitayaic me jilel spisil te bila amene.

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

Salmos 119:128

Jich yu'un ja' jtojteswanej cu'un te mandaliletic awu'un; ya quilay spisil te lotil at'elile.

Proverbios 16:18

Te bila ya xtal ta spat te toyba-o'tanil, ja' te jinele; te bila ya xtal ta spat te toybail, ja' te pejc'anele.

Proverbios 6:12

Te mach'a amen yo'tan te j'ixta-o'tane, yat'elinej yalel puro lot.

2 Timoteo 2:19

Ja'uc me to, te yiptajib yac'oj te Diose, ma'yuc ta nijq'uesel stuquel. Ay sello yich'oj te jich ya yale: “Na'bil sbaic yu'un Dios te mach'atic yu'une”, xi'. Soc ya yal: “Spisil te mach'atic ya yalic wocol ta stojol te Cajwaltique, ac'a jiluc yu'unic spisil te mulile”, xi' xan.

Romanos 12:9

C'ux me x'awaiy abaic ta melel. Ilayaic te bila amene; ja' me x'at'unic te bila leque.

Zacarías 8:17

Ma me talel c'axeluc xalebey aba awocolic. “Melel te bila ya cal”, ma me xauquex, teme ma meleluc. Melel te jo'on quilayej spisil. Jo'on Ajwalilon te jich ya cale —xi' te Cajwaltique.

Salmos 138:6

Manchuc me mero toyol te banti ay te Cajwaltique, pero ya yil te mach'a peq'uel yac'oj sba, soc ya sna'bey sba ta c'ubul te mach'a jtoyba-o'tane.

Salmos 101:3

ma me xju' ya cac' jsit ta stojol te bila amene. Ya quilaybey yat'el te mach'atic ma junuc yo'tan ta stojol Dios; ma me xcac' xtal ta jtojol.

Proverbios 10:31

Ya xloc' p'ijil c'op ta ye te mach'a toj yo'tane; yan te mach'a ya yal bol c'ope, ya set'bot yac'.

Salmos 119:104

Te mandaliletic awu'un la jtaix sp'ijil jol yu'un; ja' swentail te ya quilayix spisil te lotil at'elile.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Proverbios 3:7

Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

Proverbios 15:9

Te Cajwaltic ya yilaybey yat'elic te mach'atic amen yo'tanique; yan te mach'a toj ay soc te xcuxlejale, c'ux ya yaiy ta yo'tan stuquel.

Isaías 13:11

Te Cajwaltic ya yal: —Ya cac'bey castigo te mach'atic ayic ta spamal balumilal ta scaj te bitic amen spasojique, ja' te mach'atic amenic ta jyalel yu'un te smulique. Ya jlajinbey sc'oplal te stoybail te mach'atic cajal nax yac'oj sbaique, ya jpejc'an te mach'atic toybaetic soc te ya x'ixta-c'opojique.

Éxodo 1:17

Ja'uc me to, te jtam-alaletic la xi'ic te Diose. Jich ma ba la spasic te bila mandal la yal te ajwalil ta Egipto, la yac' cuxinuc te ch'in queremetique.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Proverbios 16:5

Te Cajwaltic ya yilay te jtoyba-o'tanetique, puersa me ya yich' castigo.

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.