Proverbios 8:12 - Bible in Tzeltal de Oxchuc y Tenejapa

¹² Soc jich la yal xan: “Jo'on te jp'ijil-o'tanile, joy jba soc te p'ijil-jolole, ya xju' cu'un ya cac' ta na'el te mero lequil consejo.

Bible in Tzeltal Bachajón

¹² Ho'on te p'ijil-o'tanilon, jun nahinemon soc te snopojibal, soc jtahoj te bin ay ta na'el soc te stsahtayel.

Proverbios 8:12 Referans Kwoze

Isaías 28:26

Dios ya sp'ijubtes te bit'il ya sc'an ya spase.

Éxodo 35:30

Te Moisés, jich la yalbey te israeletic: —Aiya awaiyic stojol, ta yolil spisil te winiquetic yu'un Judá, ja' tsabilix yu'un te Cajwaltic te Bezaleel snich'an Urí, te ja' smam te Hur.

Romanos 11:33

¡Jelawen yutsil te sp'ijil yo'tan te Diose soc te bila snopoj ta yo'tane! Ma xju' ta na'el stojol cu'untic te bila xchapoj ta yo'tan soc te bila ya spase.

Proverbios 1:4

soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Efesios 1:11

Ta swenta bit'il jun c'oemotic soc Cristo, namey tsabilotic yu'un Dios te ya yac'botic quich'tic soc Cristo te sc'ulejale. Jich la xchap ta xjajch'ibal te Diose, soc ya yac' c'otuc ta pasel te sc'anjel yo'tan stuquele.

Salmos 104:24

Cajwal, ma p'isbiluc nax te bitic apasoje. Ta spisilic la apas soc sp'ijil awo'tan; nojelic ta balumilal spisil te bitic la achicnantese.

1 Crónicas 28:19

Spisil ts'ibubil ta jun, la yich' aq'uel tey a te bitic la yac' ta na'el a te Cajwaltic ta stojol David, ta bay xcholojbey sc'oplal spisil te at'el te ya yich' pasel jich te bit'il ay ta splanoile.

Efesios 3:10

Jich c'otix ta pasel ta stojol te jch'uunjeletique, swenta yu'un spisil te mach'atic ay yu'elic soc te ay yat'elic ta ch'ulchan, ya me xc'o sna'beyic sba te sp'ijil te Diose.

Efesios 1:8

Soc la yac'botic ta c'axem to xan spisil te sp'ijil co'tantic soc sp'ijil joltic.

2 Crónicas 13:14

C'alal la yilic bael spat te soldadoetic yu'un Judá, la sna'ic stojol te ya x'ac'botic guerra ta yelawic soc ta spatic. Jich yu'un la sc'oponic te Cajwaltic, soc te sacerdoteetic la yoq'uesinic te oq'uesetic.

1 Reyes 7:14

Te Hiram, yal jtul me'ba ants, sts'umbal Neftalí, yan te state, ja' slumal te Tiro. Ya sna' lec at'el ta bronce. Te Hiram mero ma'yuc bi wocol la yaiy, mero bayal sp'ijil yo'tan yu'un at'el ta bronce. Ya sna'bey swentail te bit'il ay ta tuuntesel te bronce, soc ya sna' spasel biluc at'elil. Jich c'ot ta stojol te muc' ajwalil Salomón, la spasbey spisil te yat'ele.

1 Crónicas 28:12

La yac'bey xan sjunil ta spisil te bitic snopoj ta sjol yu'un yamac'ul te templo soc te cuartoetic te ya spastaj ta sjoyobale, te yawil sc'ulejale, soc te yawil te ch'ul majt'aniletique.

Proverbios 8:5

Queremetic, te ma'yuc bila ana'ojic, nopaic stsajtayel abaic; te ja'ex te ma x'ana'ic q'uinale, na'beyaic swentail ta lec te bit'il ya x'ainexe.