Proverbios 8:10 - Bible in Tzeltal de Oxchuc y Tenejapa

¹⁰ Ma me ja'uc x'ac'anic te t'ujbil plata, soc ma me ja'uc x'ac'anic te t'ujbil oro; ja' me x'ac'anic te tojtesel soc te p'ijubtesele”, xi' te p'ijil-o'tanile.

Bible in Tzeltal Bachajón

¹⁰ Ich'ahic te nohptesel cu'un, ma ha'uc te plata, ich'ahic te bin ay ta na'el, ma ha'uc te lequil oro,

Proverbios 8:10 Referans Kwoze

Salmos 119:127

Ja' swentail te c'ux ta co'tan te mandaliletic awu'un; c'axem jich ta co'tan a te bit'il lequil oro.

Salmos 119:72

Te p'ijubtesel ya xloc' ta alel awu'un, c'axem to xan lec c'oem ta co'tan jich te bit'il bayal ta jmil oro soc plata.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Eclesiastés 7:11

Buen lec te p'ijil-o'tanil soc ya xtuun yu'un te mach'atic cuxulic ta balumilale, teme ay nix bi ac'bil jilel yu'unine.

Proverbios 10:20

T'ujbil plata c'oem ye te mach'a toj yo'tane; yan te bila ay ta yo'tan te mach'a amene, ma'yuc yutsil ta jc'axel stuquel.

Hechos 3:6

La yal te Pedroe: —Ma'yuc plata soc ma'yuc oro cu'un te ya cac'bate. Te bila ay cu'une, ja' me ya cac'bat. Ta swenta sbiil te Jesucristo te Nazarete, jajch'an, beenan —xi' te Pedroe.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Salmos 119:162

Te jo'on bin nax co'tan ya caiy yu'un te ac'op awaloj, jich c'oem te bit'il mach'a ya sta muc' sc'ulejale.

2 Corintios 6:10

Manchuc teme ay mel-o'tan ta co'tantique, ja'uc me to, ay sbujts' co'tantic spisil ora. Manchuc teme me'baotique, ja'uc me to, ay tsobol mach'atic jc'ulejetic ya xc'ot cu'untic. Manchuc teme ma'yuc bila ay cu'untique, ja'uc me to, spisil cu'uninejtic.

Proverbios 8:19

Te bila ya cac' jo'on, c'ax jich yutsil a te bit'il yutsil te oro yich'oj pasele; te bila ya cac' jo'on, c'ax jich yutsil a te bit'il plata te mero t'ujbile.

Job 28:15

Ma xju' ta wejt'esel ta oro, soc ma xju' ta manel ta plata.

Job 28:17

C'axem jich stojol a te bit'il oro, soc c'axem jich a te bit'il espejo-ton, ma xju' ta jelel a te bila pasbil ta lequil oro.

Proverbios 20:15

Ja' lec xan te mach'a ya xc'opoj ta swenta te sp'ijile, c'ax jich yutsil te bit'il oro soc yantic te bitic t'ujbil yutsilic ta spamal te balumilale.