Proverbios 7:3 - Bible in Tzeltal de Oxchuc y Tenejapa

³ Chuca me ta ac'ab c'oem, ts'una me ta ajol, ts'una me ta awo'tan.

Bible in Tzeltal Bachajón

³ Chuca ta yalatac ac'ab, ts'ihbaya ta awo'tan.

Proverbios 7:3 Referans Kwoze

Proverbios 3:3

Ma me xawijq'uitay te c'uxul-o'tanil soc ma me xch'ay ta awo'tan te bila smelelile; chuca me ta anuc' jichuc ualil spisil ora, ts'ibuya me ta yolil awo'tan.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Isaías 30:8

La' me yo'tic, ts'ibuya ta jpejch' ch'ujte', soc ac'a ta jun, ac'a ainuc tey a ta swenta sna'jibal bael, yu'un ya me yac' ta na'el sbajt'el q'uinal.

2 Corintios 3:3

Jamal chican ta ilel te ja' cartaex te ts'ibubil yu'un te Cristoe te la yac' ta jwentatique. Ma ja'uc ts'ibubilex ta tinta, ja' ts'ibubilex a te Espíritu yu'un te cuxul Diose. Ma ja'uc ch'ojtilaybil ta ts'ibuyel ta bay pejch'el tonetic, ja' la yich'ix ch'ojtilayel ta ts'ibuyel ta awo'tanic.

Proverbios 6:21

Ich'a me ta awo'tan spisil ora, chuca me ta sjoyobal anuc' c'oem;

Jeremías 17:1

“Judá, te amule ts'ibubil ta cincel-taq'uin, ch'ojch'onbil ta ts'ibuyel ta sni' stulanil diamante, ts'ibubil ta awo'tan jichuc pejch'el ton, ts'ibubil ta xulubil scajtijib majt'aniletic.

Proverbios 7:4

Jichuc me ta awo'tan te bit'il awix te p'ijil-o'tanile; ja'uc me jun awo'tan aba soc te p'ijubtesele.

Proverbios 4:21

Ma me ayuc bi ora ya ach'ay asit a, q'ueja me ta ajol soc ta awo'tan.

Isaías 59:21

Te Cajwaltic ya yal: —Ya jpas jun trato soc te ja'exe, ya calbeyex ta jamal: Te cu'el soc te p'ijubtesel te la cac'beyexe jc'axel ma me xch'ay ta awo'tanic, soc ma me xch'ay ta yo'tanic te ats'umbal ta spisil bael ta sbajt'el q'uinal —xi' te Cajwaltique.