Proverbios 7:12 - Bible in Tzeltal de Oxchuc y Tenejapa

¹² ya xbeen ta calleetic, ta banti bayal ya stsob sbaic soc ta jujun xujc' calle, ya smaliy ya slo'laybey yo'tan te mach'a sbabial ya xtal ya yile.

Bible in Tzeltal Bachajón

¹² yan buelta ay ta calle, yan buelta ay ta plazahetic, ya xmacliwan ta jujun xuhc calle.

Proverbios 7:12 Referans Kwoze

Proverbios 23:28

ya xmujc'taywan jichuc j'elec', jich ya yac' ta ch'ayel bayal winiquetic.

Proverbios 9:14

Ya snajc'an sba ta silla ta sti' sna, ta banti stoyolil te slumale,

Apocalipsis 18:3

Yu'un yuch'ojbeyic svino spisil ta jchajp te nacionetique, ja' bi, sboltesej sbaic soc ta swenta te smulweje. Te muc' ajwaliletic ta balumilale yaiyojiquix mulwej soc. Te jp'olmaletic ta balumilale staojiquix bayal sc'ulejalic ta swenta spisil te bila mulanbil yu'un sbaq'uetal te muc'ul lume”, xi' ta aw.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Ezequiel 16:31

Ta slajibal bebetic, soc ta bay jochol yawil, la apasbey scajtijib ta chiq'uel smajt'an ta banti ya yich' ch'uunel te loc'ombaetic awu'une, soc la awac' aba ta c'abal ta jmulawil ants. Pero ma jichuc la apas te bit'il ya spas te jmulawil antse, melel ma ba la ac'an atojol.

Jeremías 3:2

“Ilawil ta lec ta bay t'axalix te witsetique: ¿Ay bal junuc te banti ma ba la awac' aba ta c'oponel tey a? La anajc'an aba ta maliywanej jichuc árabe ta jochol taquin q'uinal, la anajc'an aba ta bay ti'be ta smaliyel mach'atic ya smulanat. La aboltesbon te lumq'uinal yu'un amulwej soc te bila amen la apase.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Jeremías 2:33

“Mero lec ya ana'bey sbelal stuquel c'alal ya ale te mach'a ya amon aba soque. Ja'at maestra-antsat yu'un te bila ma lecuque.

Jeremías 2:20

“Mero bayalix tel c'aal te la atoy aba ta jtojole, ma la ac'an ach'uunbonic jmandal. La awal: “Ma jc'an abatinel”, xaat. Ja' nax la awat'elin spasel mulwej ta bay toyol witsetic soc ta spisil yet'al pimil sc'ab te'etic.

Proverbios 7:8

C'alal c'ot ta xujc' calle, la xch'uy c'axel, bajt' ta stojol te banti ay sna te antse.