Proverbios 7:10 - Bible in Tzeltal de Oxchuc y Tenejapa

¹⁰ Ora nax loc' tel ta tael yu'un te antse, buen xch'aloj sba jich te bit'il jmulawil ants.

Bible in Tzeltal Bachajón

¹⁰ Loc' tal ta tahel yu'un jtuhl ants, slapoj sc'u' yu'un j'antsinel-ants soc ay bin snopoj ta yo'tan.

Proverbios 7:10 Referans Kwoze

1 Timoteo 2:9

Ja' nanix jich uuc te antsetique, ya jc'an te yich'ojuc swentail te sc'u'-spac' ya slapique. Nujuluc me yo'tanic te ya xch'al sbaique, ma me swentauc toybail. Ma me c'axemuc to xan te ya xch'alic te sjolique, jich te bit'il ya xch'al sbaic ta oro soc perlaetic, soc te ya sman slapic sc'u'-spaq'uic te c'ax toyem stojole.

Jeremías 4:30

Ja'at lum, jinematix. ¿Bistuc ya alap t'ujbil c'u'iletic? ¿Bistuc ya ach'al aba ta oroetic? ¿Bistuc ya abon ta ijc'al pintura te asite? Ma xtuun ta jyalel te jelawen awutsil ya awac' abae, melel te mach'atic la smulanate, la xch'ojatix jilel. Te bila ya sleat xan yu'une, ja'ix te alajibe.

2 Reyes 9:30

Te Jehú bajt' ta Jezreel. C'alal la yaiy te Jezabel, la sbon ta ch'alel ta ijc'al tinta sjoyobal te jujun site, soc la xch'al te sjole. Patil la sjelan loq'uel sjol ta ventana.

Isaías 23:16

“Jmulawil ants, te ch'aybilat ta o'tanile, tsaca te awarpa, beenan bael ta spamal te lume, tija lequil música, c'ajintaya bayal c'ayojetic, ya me quiltic teme ya awich' na'el xan a te ja'ate”, xi'.

2 Reyes 9:22

C'alal te Joram la yil te Jehú, jich la sjojc'obey: —¿Swenta bal lamal q'uinal te talate, Jehú? —la yut. La sjac' te Jehú, jich la yal: —¿Bit'il ay lamal q'uinal te yac'oj puersa te ame' Jezabel ta swenta xch'uunel lotil diosetic soc te ay bila ya sna' spasel ta swenta te pucuje? —xi'.

Génesis 3:1

Te chane c'ax jich sp'ijil yu'un lo'laywanej a te bit'il spisil yantic ja'mal chambalametic ta q'uinal pasbil yu'un te Diose. La sjojc'obey te antse: —¿Jich bal yalojbat te Diose: “Ma me xalo'bey sit spisil te te'etic ayic ta awalts'unubil”, xi' bal te Diose? —la yut.

Proverbios 23:28

ya xmujc'taywan jichuc j'elec', jich ya yac' ta ch'ayel bayal winiquetic.