Proverbios 6:9 - Bible in Tzeltal de Oxchuc y Tenejapa

⁹ Jch'ajetic, tic'anix a te wayele. Tic'anix a te metsleje.

Bible in Tzeltal Bachajón

⁹ Ha'at te ch'ajat, ¿jayeb xan ora ya xwayat? ¿Bin ora ya xhahchat ta wayel?

Proverbios 6:9 Referans Kwoze

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Salmos 94:8

C'otuc ta awo'tanic, ja'ex ants-winiquetic te jich nax ayex ta q'uinal, te ma'yuc bi ya xc'ot ta awo'tanique. ¿Bi ora ya ana'ic stojol?

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

Proverbios 1:22

“Queremetic, te ma'yuc ap'ijilique, te jlabanwanejex soc te ma x'ana'ic q'uinale, ¿jayeb xan ora te ya amulanic te bol-o'tanile, soc te ya sbujts'naj awo'tanic yu'un te labanwanej, soc te ya awilayic te p'ijilile?

San Juan 1:6

Ay jtul winic te ticunbil tel yu'un te Diose, Juan te sbiile.

Proverbios 6:6

Jch'ajetic, baan, ila awil te ts'isimetique, ila awil bila yacalic ta spasel, nopa te p'ijubtesel yu'unique:

Proverbios 6:8

pero ta yorail verano ya spas sc'alic c'oem, c'alal ta yorail c'ajoj, ya stsob swe'elic.

Proverbios 6:10

Te c'alal yacat ta waichejel a, te c'alal yacat ta nicbajel a, soc te apetoj ac'ab yu'un yutsil te awayele,

Proverbios 19:15

Te ch'ajilal ya yac' wayel, ya xch'ay ta q'uinal ta jyalel; soc te mach'a ch'aj ay swocol ta wi'nal yu'un.

Proverbios 20:13

Ma me xawac' stsalat te wayele. ¿Ja' bal ya ac'an te me'ba ya xjilat ta jyalele? At'elina swiq'uel asit, jich me ya spas sobrail te awe'ele.

Proverbios 26:14

Xbalalet sbisagrail te ti'naile; jich xbalawet ta swayib te mach'a ch'aje.

Eclesiastés 4:5

Te ants-winiquetic jich ya yalic: “Te mach'a ma sna' q'uinale ya spet sc'ab, jich ya sjin sba ta stuquel a”, xiic.