Proverbios 6:6 - Bible in Tzeltal de Oxchuc y Tenejapa

⁶ Jch'ajetic, baan, ila awil te ts'isimetique, ila awil bila yacalic ta spasel, nopa te p'ijubtesel yu'unique:

Bible in Tzeltal Bachajón

⁶ Bahan, ila awil te ts'isim, ha'at te ch'ajate, ila awil bin yac spasbelic, ayuc me sp'ijil awo'tan.

Proverbios 6:6 Referans Kwoze

Proverbios 20:4

Te mach'a ch'aj ma x'at'ej ta yorail at'el; jich yu'un te c'alal ya sta yorail c'ajoj, ya sle, pero ma sta ta leel.

Proverbios 18:9

Te mach'a ch'aj, ja' nix yermano sba soc te mach'a ya xjinawane.

Proverbios 6:9

Jch'ajetic, tic'anix a te wayele. Tic'anix a te metsleje.

Hebreos 6:12

Ma jc'antic te ya xch'ajubexe. Ja' ya jc'antic te ya anopbeyic yo'tan te mach'atic ay xch'uunjel yo'tanique soc te jun yo'tanic yacalic ta smaliyel te bila ya x'ac'bot ta swentaic te yaloj te Diose.

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

San Mateo 25:26

“La yal te yajwale: “Amenat. Mero ch'ajil abatat. Te bit'il ya ana' te jo'on ya jc'aj te banti ma jo'ocon jts'unoje, soc te ya jtsob te banti ma jo'ocon la caiy awale,

Proverbios 30:25

Ja' te ts'isimetic te bayalic ta jyalel te ma'yuc yipic, pero ya stsob swe'elic ta yorail verano;

Romanos 12:11

Ya sc'an te toyoluc awo'tanic, ma me xch'ajubex. Ayuc me yip awo'tanic, ac'a me abaic ta abatinel yu'un te Cajwaltique.

Proverbios 21:25

C'ax bayal sbic'tal yo'tan te mach'a ch'aje, ya xlaj ya yaiy yu'un, melel ma sc'an at'el soc te sc'abe;

Proverbios 19:15

Te ch'ajilal ya yac' wayel, ya xch'ay ta q'uinal ta jyalel; soc te mach'a ch'aj ay swocol ta wi'nal yu'un.

Proverbios 22:13

Te bit'il ma sc'an at'el te mach'a ch'aje, ya sle bila ya smac sba a: “Ay león-choj ta be, ya sc'an ya smilon”, xi'.

Proverbios 10:26

Te mach'a ch'aj, jich c'oem te bit'il bayal xch'aal ta ye te mach'a ya xticunot yu'une, soc jich c'oem te bit'il ch'ail te ya xlajinbot sit yu'une.

Proverbios 19:24

Te mach'a ch'aj, ya yac' ochel sc'ab ta plato; ja'uc me to, ma xju' yu'un ya yac' ochel ta ye.

San Mateo 6:26

Ilawil bit'il cuxulic te ja'mal mutetique. Ma xyaiyic awal, soc ma xyaiyic c'ajoj, soc ma'yuc snail yiximic. Ja'uc me to, te Jtatic te ay ta ch'ulchane ya smac'lin spisil. Te ja'exe ¿ma bal c'axuc jich ay ac'oplalic a te bit'il te ja'mal mutetique?

Proverbios 15:19

Te mach'a ch'aj, nojel ch'ix ta sbe ya yaiy; yan te mach'a toj aye, jamal ta lec sbe ya yaiy stuquel.

Proverbios 1:17

Ay tojol ya xc'ot te ya yich' pasel pejts' teme ju' yu'un ya yil te ja'mal mute.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Proverbios 23:19

Jnich'an, ich'a ta wenta te bila ya cale, nopa ta mero lec; ja' me xawac' puersa ta st'unel te lequil be.

Proverbios 30:24

Ay chaneb ch'in chambalametic ta lumq'uinal te c'ax jich sp'ijilic a te mach'atic ay sp'ijilique:

Jeremías 8:7

Jich te cigüeña-mut ta sjamalul ch'ulchan, ya sna' te bi ora ya sujt' tele; te paloma, te ulich soc te smutil ja'e ya sna'ic te bi ora ya xbajt'ic ta yan q'uinale; yan te ja'at, lum cu'un, ma x'ana'beyic sba te mandaliletic cu'une.

Proverbios 10:4

Jteb nax at'el, ya yac' me'bail; bayal at'el, ya yac' c'ulejalil.