Proverbios 6:16 - Bible in Tzeltal de Oxchuc y Tenejapa

¹⁶ Ay waqueb ta jchajp, asta juqueb, te bila jc'axel yilayej te Cajwaltique:

Bible in Tzeltal Bachajón

¹⁶ Ay waqueb te bin ya sp'aj te Jehová, huqueb te bin ya yihlay:

Proverbios 6:16 Referans Kwoze

Salmos 11:5

Te Cajwaltic ya yil te mach'atic toj yo'tanic soc nix te mach'atic amen yo'tanique. Te mach'atic amen yo'tanic jc'axel yilayej ta yo'tan stuquelic, ja' te mach'atic toyol yo'tanic ta spasel te uts'inwaneje.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Proverbios 11:20

Te Cajwaltic ya yilay te j'ixta-o'tanetic; yan te mach'atic toj yo'tanique, bin nax yo'tan yu'un stuquel.

Proverbios 3:32

Melel ilaybilic yu'un Cajwaltic stuquelic te mach'atic amen yo'tanique; pero te mach'atic lec yo'tane, ya yac'bey smuc'ul yo'tan stuquelic.

Deuteronomio 25:16

Melel te Cajwaltic ya yilay spisil te mach'atic jich ya spasique, melel ja' ya spasic te bila ma stojiluc ta pasele.

Proverbios 17:15

Teme ya yich' aq'uel ta libre te mach'a ay smul, soc teme ya x'ac'ot ta lajel te mach'a ma'yuc smule, ta xchebal yilayej te Cajwaltique.

Proverbios 11:1

Te Cajwaltic ma lecuc yo'tan yu'un te ma ts'acaluc ya slic te kilo; ja' lec yo'tan yu'un stuquel teme ts'acal licbile.

Amós 2:1

Jich ya yal xan te Cajwaltique: —Te mach'a ayic ta Moab bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchic'beyic sbaquel te muc' ajwalil yu'un Edom, la sc'atp'unic ta tan ta jyalel.

Amós 1:11

Jich ya yal xan te Cajwaltique: —Te mach'a ayic ta Edom bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sna'beyic yo'bolil sba te yermanotac israeletic, la snutsic ta puñal. Ma la scomic yilimba, te slab yo'tanic ma'yuc ta comel.

Amós 1:9

Jich ya yal xan te Cajwaltique: —Te mach'a ayic ta lum Tiro bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la xchonic bael ta mosoil ta Edom spisil yajwal te jpam lume, manchuc me ay trato yu'unic te jun yo'tan sbaique.

Amós 1:6

Jich ya yal xan te Cajwaltique: —Te mach'a ayic ta lum Gaza bayal buelta spasojic te bila amene. Ma me jichuc nax ya xjil, ya cac'bey castigo yu'un. Melel la yiq'uic bael ta chuquel spisil yajwal te jpam lume, la xchonic bael ta mosoil ta Edom.

Amós 1:3

Jich ya yal te Cajwaltic: —Te mach'a ayic ta Damasco bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la stenic jichuc trigo te mach'atic ay ta Galaad, la swuyic ta taq'uin c'oem.

Proverbios 30:21

Ay oxchajp te ants-winiquetic, asta ay chaneb, te mero ma xcujch' te bila ya spasique, ya xnijc' yo'tanic yajwal lum yu'un:

Proverbios 20:23

Te Cajwaltic ya yilay te bila ma ts'acaluc licbile; soc te lotil kilo te ma lecuc.

Deuteronomio 24:4

ma xju' ya xnujbin xan soc te sba smamlale, scaj te mero ma ba lec sc'oplal te antse. Mero ilaybil yu'un Cajwaltic teme jich ya yich' pasele. Te ja'exe ya me sc'an te ma ba ya awaq'uic bolobuc sc'oplal te lumq'uinal ya yac'beyex awu'uninic te Cajwaltic te Dios cu'untique.

Deuteronomio 23:18

Ma me xawac' permiso teme winic o teme ants te ya yich' tel ta templo yu'un Cajwaltic Dios te taq'uin staoj ta swenta mulil ta stojel bila chapal yu'unic. Melel ilaybil me yu'un Cajwaltic stuquel.

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Proverbios 30:29

Ay oxeb te mero tulanic, asta ay chaneb, te bayal sc'ajc'al yo'tan ya xbeenique:

Proverbios 20:10

Te bila ma ts'acaluc ta liquel yalal soc te bila ma ts'acaluc ta p'isele, ja'ic ta xcha'chajbal te ya yilay te Cajwaltique.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Proverbios 30:24

Ay chaneb ch'in chambalametic ta lumq'uinal te c'ax jich sp'ijilic a te mach'atic ay sp'ijilique:

Proverbios 30:18

Ay oxeb te bitic aye, asta ay chaneb, te ma xju' cu'un sna'el swentaile:

Proverbios 6:15

Ja' yu'un, ajc' nax me ya xtal te wocol ta stojole; jich nax te bit'il ya smuts' sba te jsitique, jc'axel me jinem ya xjil, jc'axel ma xju' ta comel.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Zacarías 8:17

Ma me talel c'axeluc xalebey aba awocolic. “Melel te bila ya cal”, ma me xauquex, teme ma meleluc. Melel te jo'on quilayej spisil. Jo'on Ajwalilon te jich ya cale —xi' te Cajwaltique.

2 Reyes 21:16

Te Manasés la sjoin te yajwal Judá ta spasel te muliletic. Soc ay to xan yan a te bitic amen la spasbey ta sit te Cajwaltique: bayal mach'atic tojol la smalbey xch'ich'el. Noj c'oem ta bayal ch'ich' yu'un ta sjunal te Jerusalén.

Job 5:19

Ta spisil ora ya scoltayat loq'uel a te bila chujc'ule, ma xyac' te ya staat te bitic amene.

Salmos 5:7

Yan te jo'one, ta scaj te smuc'ul xc'uxul awo'tane, ya xju' x'ochon ta templo awu'un; ya xju' ya jquejan jba ta atojol soc co'tan, ta yilel bael te ch'ul templo awu'une.

Proverbios 12:22

Te Cajwaltic ya yilay te mach'atic ya spasic lot; pero bin nax yo'tan yu'un te mach'atic toj ya x'at'ejique.

Proverbios 21:4

Te mach'a stoyoj sba ta sit-yelaw soc te toyba-o'tan aye, ja' mulil ta spisil te bitic ya yaq'uic ta ilele.