Proverbios 6:12 - Bible in Tzeltal de Oxchuc y Tenejapa

¹² Te mach'a amen yo'tan te j'ixta-o'tane, yat'elinej yalel puro lot.

Bible in Tzeltal Bachajón

¹² Te mach'a chopol yo'tan, te j'ixta'-o'tan, bayuc nax ya xbehen ta yalel bohlc'op;

Proverbios 6:12 Referans Kwoze

San Mateo 12:34

Te ja'exe sts'umbalex jti'awal chanetic, ¿bit'il c'an lecuc te ac'opique?, melel amen te awo'tanique. Ta swenta ac'opic chican te bila nojel ta awo'tanique.

Proverbios 16:27

Te mach'a amen yo'tan, ja' horno c'oem yu'un te bila amene; te c'opetic yu'une, jich c'oem te bit'il yac ta tilel c'ajc'.

Proverbios 4:24

Ma me xawal te bila ma meleluque; jc'axel ilaya me te lote.

1 Timoteo 5:13

Soc ya xcaj snop ch'ajilal a te bit'il paxponel nax ya xbeen ta naetique. Jich ya xcaj snop le-c'op a, soc biluc nax ya yac' sba a. Ja' ya xbajt' ta yo'tan yaanel te bila ma'yuc ta swenta yalele.

Hechos 20:30

Soc ta awolilic ay me ya xjajch' te mach'atic ya yaq'uic ta nopel lotil c'op te jich ya slo'layic a te jnopojeletic te q'uejel ya xbajt'ic soque.

Proverbios 17:4

Te mach'a amen soc te mach'a ya spas lote, muc' sc'oplal ya xbajt' yu'unic te bol c'opetique.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Salmos 59:7

Yacal ta loq'uel sbul yeic a, jich ya yalic ta ixta c'op: “Ma'yuc mach'a ya yaiyotic stojol”, xiic.

Santiago 3:6

Te cac'tique jich bit'il c'ajc'. Ja' jun yawil te nojel ta mulil te ay ta jbaq'uetaltique te ya sboltes spisil te jbaq'uetaltique. Ja' nix ya xtilesbot jach'el yu'un spisil te jcuxlejaltic soc te c'ajc' te tilem tel ta bay infierno.

Proverbios 11:6

Te stojil chajbanele ya yac' ta libre yu'un te mach'atic toj yo'tanique; yan te mach'atic jbic'tal-o'tanetique, ja' ya x'ac'otic ta chuquel yu'un te bila ya smulanique.

Proverbios 6:14

Puro ixta-o'tanil snopoj te yo'tane, ja' mero snopoj ta yo'tan te ya spas te bila amene, soc ja' baem ta yo'tan sleel bi ya yut ya sjach c'op.

Proverbios 2:12

ja'ic me te ya yac'at ta libre te ma stsalat te be te amene, soc ja'ic me ya yac'at ta libre ta sc'abic te mach'atic j'ixta-o'tanetique,

Salmos 36:3

Bol c'op soc pas-lot ay ta yo'tan, la xch'ay ta pasel te bila toje, la yijq'uitay ta pasel te bay leque.

Salmos 10:7

Ja'uc me to, nojel ta ye bol c'opetic, lotetic soc lo'laywanej; muquen ay ta yo'tan te uts'inwanej soc te bitic amene.

Salmos 10:3

Te mach'a amen yo'tan ya stoy sba yu'un te bila ya sc'an yo'tane; te mach'a jbic'tal-o'tan ya sbolc'optay soc ya yilay te Cajwaltique.

Santiago 1:21

Jich yu'un ijq'uitayaic te bila ilaybile soc spisil ta jchajp te bila amen ta pasele. Peq'ueluc me xawac' abaic ta yaiyel stojol te sc'op Dios te ya yich' ts'unel ta awo'tanic soc te ya xcol ach'ulelic yu'une.

Jeremías 24:2

Te jun moche mero lequil higoetic te ya xju'ix ta lo'ele. Te yan moche ma lequil higoeticuc stuquel, mero jc'axel amenic ta jyalel te ma xju'ix ta lo'ele.

1 Samuel 17:28

Pero te Eliab, te smuc'ul banquil te David, yac yaiybel te bila yac yalel soc te yantic winiquetique, ma lecuc la yaiy. Jich la yal yu'un: —¿Bi talem apasbel? ¿Mach'a la awijq'uitay jilel soc te cha'oxcojt' chijetic ayic ta taquin q'uinal aquiltic? Quilojbat atalel te biluc nax ya alom ta pasele, soc te ma lecuc bila ya anop ta awo'tane, melel ja' nax talemat ta yilel te guerra —xi'.

Proverbios 10:32

Te mach'a toj yo'tan, bujts'an te bitic ya yale; yan te mach'a amen yo'tane, ya yal bol c'opetic.

Salmos 101:3

ma me xju' ya cac' jsit ta stojol te bila amene. Ya quilaybey yat'el te mach'atic ma junuc yo'tan ta stojol Dios; ma me xcac' xtal ta jtojol.

Proverbios 3:32

Melel ilaybilic yu'un Cajwaltic stuquelic te mach'atic amen yo'tanique; pero te mach'atic lec yo'tane, ya yac'bey smuc'ul yo'tan stuquelic.

Proverbios 16:30

Ya smuts'-sitaywan te mach'a ya snop spasel te bila ma lecuque; soc ya spasbey seña ta ye te mach'a c'otix ta pasel yu'une.