Proverbios 4:7 - Bible in Tzeltal de Oxchuc y Tenejapa

⁷ Ja'uc me tulan sc'oplal awu'un te ya awich' sp'ijil awo'tane; ich'a me te sp'ijil ajole, jich me ya ana' te bila toj ta pasele.

Bible in Tzeltal Bachajón

⁷ Ha nahil ay te p'ijil-o'tanil, ha yu'un ich'a sp'ijil awo'tan. Ich'a te bintic ay ta na'el, c'ax hich sc'oblal spisil a te bintic ay awu'un.

Proverbios 4:7 Referans Kwoze

Eclesiastés 7:12

Melel te p'ijil-o'tanil ya xcoltaywan, ja' nix jich ya xcoltaywan te bit'il te taq'uine, pero te p'ijil-o'tanil ja' mero ya xju' yu'un ya yac'bey xcuxlejal te mach'a ya xch'uun tojtesel yu'une.

Proverbios 23:23

Mana me soc ma me xachon te bila smelelile soc te p'ijil c'ope, te p'ijubtesel soc te sp'ijil ajole.

Proverbios 16:16

Ja' lec ta leel te p'ijil-o'tanil, ma'yuc sc'oplal te oro; ja' lec ta leel te p'ijil-jolole, ma ja'uc ay sc'oplal te plata.

Filipenses 3:8

Soc spisil te bitic ay ta q'uinale, mero ma'yuquix sc'oplal ta co'tan, ja' nax ay sc'oplal te ya jna'beyix sba ta lec te Cajwal Cristo Jesuse. Ja' ta swenta Cristo te la jch'ay jilel ta spisil. Jich c'oemix ta co'tan te bit'il c'a'pal, swenta yu'un ja' me ay sc'oplal cu'un ya xc'ot stuquel te Cristoe,

San Lucas 12:20

Jich albot yu'un te Diose: “Winic, ma x'ana' q'uinal. Ja' in ajc'ubal to ya me jc'anbat ach'ulel. Spisil te bila q'uejbil awu'une, ¿mach'a me ya yich'bat jilel?”, xi' te Diose.

Salmos 119:104

Te mandaliletic awu'un la jtaix sp'ijil jol yu'un; ja' swentail te ya quilayix spisil te lotil at'elile.

San Lucas 10:42

Jun nax te bila ya sc'ane. Yan te María, la stsa stuquel te bila leque. Ma'yuc mach'a ya xpojbot yu'un jtuluc —xi'.

Proverbios 21:6

Te c'ulejalil te ya yich' tael ta swenta lo'laywanej ajc' nax ay ta q'uinal, soc ya x'ac'ot ta lajel yu'un.

Eclesiastés 4:8

Ay jtul winic mero stuquel ay ta q'uinal, ma'yuc mach'a jun yo'tan soc ni snich'nabuc, ni yermanotac. Pero ma xcux yo'tan ni jtebuc, soc te spisil ora ma xcux yo'tan ta smulanel te sc'ulejale, ni ayuc yan bila ay ta yo'tan. Ni yacuc sna' ta yo'tan mach'a yutsil-slequil ya xc'ot te yat'el te ma xcux yo'tan ta spasele, soc ma ba ya snop te bi yu'un te cujch'em yu'un te swocole. Ta spisil mero tojol ta jyalel, soc mero yalal ijc'atsil c'oem.

Proverbios 4:5

Ich'a me te sp'ijil awo'tan soc sp'ijil ajol, jich me ya ana' a te bila toj ta pasele; ma me xach'aybon ta awo'tan te jc'ope.

Proverbios 8:23

La spason ta xjajch'ibal, te c'alal ma to ba spasoj a te balumilale.

2 Crónicas 1:10

Ja' yu'un ac'bon sp'ijil co'tan ta sna'el jiche te bit'il ya sc'an pasel ta mandal te lume. Melel ¿mach'a c'an ju'uc yu'un spasel ta mandal te lum awu'un te mero c'ax muc' ta jyalele? —xi' te Salomón.

Proverbios 2:4

jc'axel xawac' aba ta sleel, jichuc me ta awo'tan te bit'il yacat ta sleel plata soc te yacat ta sleel nac'bil c'ulejalil.